Skessuhorn - 10.12.2014, Qupperneq 7

7MIÐVIKUDAGUR 10. DESEMBER 2014
Hvöss lægð gekk yfir suðvestanvert
landið á mánudagskvöldið og fram á
nóttina. Björgunarsveitir um vestan-
vert landið voru kallaðar út til aðstoð-
ar, meðal annars í Ólafsvík, Borgarnesi
og á Akranesi. Veginum frá Kjalarnesi
í Borgarnes var lokað vegna óveðurs-
ins frá klukkan 22 til 02 um kvöldið
enda hvassviðri og hálka og alls ekk-
ert ferðaveður. Theodór Þórðarson
yfirlögregluþjónn í Borgarnesi seg-
ir að óveðrið hafi byrjað seinnihluta
dags samhliða hálku og gauragangi
undir fjallinu. Um kvöldmatarleyt-
ið barst tilkynning um þrjá bíla utan
vegar. Fyrir tíu um kvöldið fór svo
fiskflutningabíll með tengivagni út af
veginum. Ekki er vitað til að meiðsli
hafi orðið á ökumönnum eða far-
þegum þessara bíla. Um morguninn
fóru einn eða tveir bílar út af veginum
þótt þá hafi veður verið búið að ganga
mikið niður. Unnið var á þriðjudeg-
inum við að ná fiskinum úr flutninga-
bílnum og koma bíl og vagni upp á
veg að nýju. Þess má geta að klukkan
23 um kvöldið fór vindur í hviðum í
60 metra á sekúndu við Hafnarfjall.
Að sögn Ólafs Guðmundssonar hjá
lögreglunni á Snæfellsnesi voru engar
bókanir í dagbók lögreglu vegna veð-
ursins á mánudagskvöldið, aðrar en
um að veðrið hafi verið slæmt. „Allt
virðist hafa hafa gengið áfallalaust,“
sagði Ólafur.
Í Borgarnesi var minniháttar skaði
í veðrinu. Björgunarsveitin Brák ók
um í eftirlitsferð. Alvarlegast sem vit-
að var um var að hlífar á eldsneyt-
isdælum við bensínstöð losnuðu. Í
Húsafelli féll steypumót þar sem unn-
ið er við byggingu hótels. Ekki var
um stórvægilegt tjón að ræða, að sögn
Þórðar Kristleifssonar í Húsafelli.
Í Dölum er vitað um að þak hafi
fokið af gömlu fjárhúsi í Laxárdal.
Ýmislegt fór af stað á Akranesi í
óveðrinu, flest þó smálegt. Veður-
átt var sunnanstæðari og meiri vind-
styrkur en í óveðurslægðinni rúmri
viku áður. Björgunarfélag Akraness
þurfti að sinna fjölda útkalla, þar á
meðal flutti sveitin tíu manna vinnu-
flokk frá Norðuráli til síns heima
í Borgarnesi á mánudagskvöldinu.
Það gerði sveitin á bryndreka sínum,
sem kallaður er Talibaninn, enda var
ekkert ferðaveður fyrir léttbyggðari
ökutæki og veginum við fjallið lokað
frá tíu til tvö, eins og áður sagði. Þá
þurfti að styrkja festar þriggja báta
í Akraneshöfn. Samkvæmt dagbók
lögreglunnar á Akranesi voru járn-
plötur á ferð á Suðurgötu í grennd
við farfuglaheimilið. Fellihýsi fór af
stað við Sunnubraut, heitur pottur
losnaði við fjölbýlishúsið á Kirkju-
braut 12, ljósastaur gaf sig við Inn-
nesveg og féll, bíll fauk til á Jaðars-
bökkum og þakkantur losnaði á húsi
við enda Kirkjubrautar. Björgun-
arsveitarmenn á Akranesi voru að
störfum fram á nótt.
þá
Líkt og fram kom í síðasta tölu-
blaði Skessuhorns stefnir í að
versluninni Hólakaupum á Reyk-
hólum verði lokað um áramót-
in. Þau Ólafía Sigurvinsdóttir og
Eyvindur Magnússon hafa verið
kaupmenn í Hólakaupum síðast-
liðin rúm fjögur ár en munu nú um
áramótin stefna á önnur mið. Til-
raunir til að selja rekstur verslun-
arinnar hafa engu skilað og verður
henni því lokað um áramót. Hóla-
kaup er eina verslunin í Reykhóla-
hreppi og verða íbúar því að leita
í nærliggjandi sveitarfélög eftir
þjónustu þegar versluninni verð-
ur lokað.
Að sögn Ingibjargar Birnu
Erlings dóttur sveitarstjóra Reyk-
hólahrepps hafa íbúar í hreppn-
um ekki lent í því áður að vera al-
veg án verslunar. „Verslunin hef-
ur verið starfrækt af ýmsum aðil-
um í gegnum tíðina en henni hef-
ur aldrei verið lokað. Við vonumst
enn til að einhver taki við rekstrin-
um,“ segir Ingibjörg Birna í sam-
tali við Skessuhorn. Sveitarfélagið
á húsnæðið þar sem verslunin er
til húsa og N1 á tæki og tól, svo
sem afgreiðslukassa og bensíndæl-
ur. Bensíndælurnar eru sjálfsalar
og verða þær áfram í notkun þótt
að versluninni verði lokað. „Við
verðum í sambandi við N1 upp á
að verða ábyrgðaraðilar, reikna ég
með.“
Næsta verslun
á Hólmavík
Hólakaup hefur verið rekin með
hagnaði öll þau ár sem hún hefur
verið í umsjón Eyvindar og Ólafíu
og því vekur það nokkra furðu að
ekki hafi fundist nýr rekstraraðili.
Það mun koma sér illa fyrir sam-
félagið á Reykhólum ef hún leggst
af. „Ef það verður bil á rekstrinum
þá neyðast íbúarnir hér að gera
innkaup sín annars staðar. Næsta
verslun er á Hólmavík og það er
um 40 mínútna akstur þangað. Svo
er önnur í Búðardal, í um 50 mín-
útna akstursfjarlægð,“ segir Ingi-
björg Birna. „En ég vil ekki trúa
því að enginn taki við rekstrinum.
Við erum því enn vongóð þó við
sjáum ekkert í hendi,“ bætir hún
við að endingu.
grþ
Vonast enn til að einhver
taki við rekstrinum
Hólakaup á Reykhólum.
Eignatjón og fjöldi útkalla
samhliða óveðurslægð
Ófærð var víða í Snæfellsbæ á þriðjudagsmorgun. Hér er unnið við að losa bíl
skammt neðan við Klif. Ljósm. af.
Fiskflutningabíllinn er mjög illa farinn ef ekki ónýtur. Ljósm. mm.
Kirkjubraut 54 - Akranesi
s: 431 1199
Snotra
Garn og gjafavörur
Opið: Virka daga kl. 11-18 • Laugardaga kl. 11-14
Hjá okkur fást einnig ýmsar gjafavörur og gjafakort.
Komið og kíkið á úrvalið. Alltaf heitt á könnunni.
Nú fæst hið frábæra Dropsgarn í Gallerý Snotru, Akranesi
Góð tilboð á völdum tegundum til áramóta.
Íbúðir til leigu næsta sumar
Menntaskóli Borgarfjarðar og Nemendagarðar MB leita eftir tilboðum
í leigu á tveimur íbúðum að Brákabraut í Borgarnesi Leigutímabilið
hefst 10. júní 2015 og lýkur 15. ágúst 2015.
Íbúðirnar myndu henta ferðaþjónustuaðilum til áframleigu.
Um er að ræða tvær bjartar og rúmgóðar íbúðir á jarðhæð
við Brákarbraut 8. Íbúðirnar leigjast með húsgögnum.
Tilboðið skal sendast til
Nemendagarða MB, Borgarbraut 54, 310 Borgarnes.
í síðasta lagi 20. janúar 2015.
Nánari upplýsingar er hægt að nálgast hjá
Helgu Karlsdóttur í síma 4337700.
SK
ES
SU
H
O
R
N
2
01
4
Borgarbyggð auglýsir laus til umsóknar hlutastörf
í félagsmiðstöðvum fyrir unglinga í Borgarbyggð.
Félagsmiðstöðvarnar eru starfræktar í Borgarnesi
og á Bifröst.

Helstu verkefni og ábyrgð
Skipulagning á faglegu frístundastarfi fyrir unglinga.•
Leiðbeina unglingum í leik og starfi.•
Umsjón og undirbúningur klúbbastarfs.•
Samráð og samvinna við unglinga og starfsfólk skóla.•
Samskipti og samstarf við foreldra.•

Hæfniskröfur
Menntun eða reynsla sem nýtist í starfi.•
Áhugi á að vinna með unglingum.•
Frumkvæði og sjálfstæði.•
Færni í samskiptum.•

Frekari upplýsingar um störfin
Viðkomandi þarf að geta hafið störf í byrjun janúar 2015.
Í boði eru þrjú hlutastörf, 30% -50% hvert.
Launakjör eru samkvæmt kjarasamningi Kjalar og
Launanefndar sveitarfélaga.
Umsóknarfrestur er til og með 19.12.2014
Í samræmi við jafnréttisstefnu Borgarbyggðar eru jafnt
karlar sem konur hvött til að sækja um störf hjá
sveitarfélaginu.
Í samræmi við æskulýðslög nr. 70/2007 þurfa þeir sem
ráðnir eru til starfsins að skila sakavottorði.
Nánari upplýsingar um störfin veitir
Ásthildur Magnúsdóttir fræðslustjóri í síma 433-7100
eða á netfanginu asthildur@borgarbyggd.is.
Frístundaráðgjafar/leiðbeinendur við
félagsmiðstöðvar Borgarbyggðar
SK
ES
SU
H
O
R
N
2
01
4