Víkurfréttir - 19.05.2011, Blaðsíða 6
6 Fimmtudagurinn 19. maí 2011VÍKURFRÉTTIR
Tekið er á móti auglýsingum á póstfangið gunnar@vf.is. Auglýsingar
berist fyrir kl. 17 á þriðjudegi fyrir útgáfudag sem er almennt á
fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Sé fimmtudagur
frídagur þá kemur blaðið út á miðvikudögum og þá færist skilafrestur
auglýsinga fram um einn sólarhring.
Efni til Víkurfrétta skal sendast á póstfangið vf@vf.is. Aðsendar greinar
birtast á vef Víkurfrétta, vf.is. Það er mat ritstjórnar hvaða aðsendu
greinar birtast í prentaðri útgáfu blaðsins. Ekki er greitt fyrir aðsent
efni, texta eða myndir, hvort sem það birtist í blaðinu eða á vefsíðum
Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Ritstjórnarpistill Víkurfrétta
HILMAR BRAGI, FRÉTTASTJÓRI
Ekki er vika án Víkurfrétta - sem koma næst út fimmtudaginn 19. maí. Bókið auglýsingar í síma 421 0001 eða gunnar@vf.is
Bjartar sumarnætur eru alveg að bresta á og nú
er aðeins dimmt í fáeinar klukku-
stundir. Frá því að sumarið kom
eftir að snjóinn tók upp þann 1. maí
sl. hefur mátt sjá mikla breytingu á
mannlífinu. Fjölmargir á ferli langt
fram eftir kvöldi og börn að leik,
því útivistartíminn er orðinn rýmri
með hækkandi sól. Í maí er hins
vegar allra veðra von og gerar veð-
urspár ráð fyrir vorhreti á landinu
um helgina. Fjölmargir áhorfendur
á leik Grindavíkur og Keflavíkur
í Pepsí-deild karla í knattspurnu,
sem fram fór í Grindavík á mánu-
dagskvöld, fengu líka að finna fyr-
ir því að það voru bara rétt liðnar
tvær vikur af maí og þegar sólin
hvarf á bakvið skýin féll hitastigið niður í tvær gráður.
Talandi um fótboltann þá er staðan í efstu deild hjá
Suðurnesjaliðunum þannig að Keflavík er í 2. sæti með
átta stig og Grindavík í því 10. með þrjú stig. Mótið er
hins vegar rétt byrjað og allt getur gerst.
Undirritaður hefur gaman af því að fylgjast með far-
fuglunum sem nú eru að koma til landsins. Krían lét
sjá sig á Garðskaga 10. maí. Það hefur vakið athygli að
færri kríur eru að sjást á ferðinni núna en undanfar-
in ár. Hugsanlega hefur krín leit-
að annað, enda lent í vandræðum
með fæðuöflun hér við Reykjanes-
skagann á síðustu árum. Á með-
fylgjandi mynd er það hins vegar
rjúpa sem er að fara úr vetrarham
yfir í sumarlitina sem undirrit-
aður smellti mynd af á Stafnesi um
helgina. Það er fjölbreytt dýralíf á
Stafnesi og þeir sem taka sér rúnt
þangað í kvöldsólinni geta séð ær
og lömb í tugatali njóta lífsins.
Mannlífið breytist mikið þegar
sumarið gengur í garð og skóla-
fólkið er komið í frí. Sumarleyfi
hefjast hjá fyrirtækjum og brag-
urinn verður annar. Við hjá Vík-
urfréttum höfum undanfarið hvatt
lesendur til að vera í góðu sam-
bandi við blaðið og koma með ábendingar um hvaðeina
sem fólki dettur í hug og gæti átt heima á síðum blaðs-
ins. Víkurfréttir eru með vaktsíma sem er vaktaður
allan sólarhringinn og þar er númerið 898 2222. Einnig
má senda póst til blaðsins á póstfangið hilmar@vf.is.
Endilega standið með okkur vaktina í sumar og komið
með ábendingar um skemmtilegar fréttir í blaðið.
Hilmar Bragi Bárðarson, fréttastjóri.
Afgreiðsla Víkurfrétta er opin
alla virka daga frá kl. 09-12 og 13-17.
Athugið að föstudaga er opið til kl. 15.
Bjartar sumarnætur og blómstrandi líf
vf.is
Tíundi apríl er svartur dagur hjá Árna Björgvinssyni og
eiginkonu hans, Sigrúnu Stefáns-
dóttur, sem búa að Hvammsgötu
18 í Vogum. Hann var svartur því
húsið þeirra var svart af sandi að
utan og einnig var fínn sandur
kominn inn um allt. Einnig var
garðurinn við húsið fullur af sandi
og ástandið er ennþá slæmt.
„Það var óskemmtileg lífsreynsla
að sjá þetta. Við vorum ekki heima
þegar þessi ósköp gengu yfir. Þegar
við komum heim var ekkert að sjá
fyrr en við beygðum hér heim að
húsinu. Það fyrsta sem ég hugsaði
var, er ég eitthvað að villast?,“ segir
Árni
Heimili Árna og Sigrúnar stendur á
fallegum stað við mikla sandfjöru í
Vogum. Sandurinn hefur alltaf verið
til friðs en fjörukamburinn hafði
verið rofinn vegna fráveitufram-
kvæmda og ekki hafði verið gengið
frá rofinu. Þar sést greinilega hvar
sandurinn hefur fokið upp skarðið í
kambinum og sjónarvottur lýsir því
þannig að þegar sandfokið stóð yfir
hafi hreinlega verið svartur sand-
veggur sem barði á heimili þeirra
hjóna. Vandinn virðist hafa verið
mjög einangraður því aðeins virð-
ast fáein hús hafa orðið fyrir sand-
blæstrinum.
Árni hefur búið í Vogum í 23 ár og
›› Segir fráveituframkvæmdir hafa opnað leið fyrir sandfok yfir heimilið:
HÚsið sVARt AF sAnDi
þar af sjö ár að Hvammsgötu 18 og
aldrei orðið var við þetta áður. Íbúi
í næsta nágrenni sem er fæddur þar
og uppalinn hafði aldrei séð þetta
gerast áður og Árni segist hafa fleiri
vitnisburði um að þau ósköp sem
áttu sér stað 10. apríl hafi aldrei
gerst áður. Sandinn skóf svo aftur
aðfararnótt páskadags en þá ekki
í eins miklu magni en nóg til þess
að talsvert af sandi safnaðist fyrir í
innkeyrslunni og garðinum framan
við húsið, sem hafði verið þrifið
vandlega eftir síðasta hvell.
Sigrún segir fína rifu hafa verið á
gluggum og það hafi verið nóg til
þess að sandurinn komst inn um
alla íbúðina og var um öll gólf.
Árni segist hafa sent athugasemdir
til bæjarfulltrúa og bæjarstjóra í
Vogum til að vekja athygli á að
vegna skarðsins í fjörukambinum
hafi hann fengið yfir heimilið
mikið magn af sandi sem verður
ekki betur lýst en með meðfylgj-
andi ljósmyndum. Hann segist hins
vegar ekki hafa fengið nein við-
brögð frá bæjarstjórninni. Vanda-
málið virðist ennþá vera viðvar-
andi. Það má sjá í umhverfinu þar
sem sandinn hefur skafið og vind
þarf lítið að hreyfa svo sandurinn
sé ekki kominn að stað.
Árni er ekki sáttur við þau við-
brögð sem umkvörtunarefni hans
hefur fengið hjá bæjarfulltrúum
eða bæjarstjóra, því þar segist hann
engin viðbrögð hafa fengið.
„Ég setti mig einnig í samband við
bæjarverkstjórann á mánudags-
morgninum [11. apríl sl.] rétt
uppúr klukkan átta. Hann sagð-
ist ekki geta komið vegna funda
þann morgun. Hann sást keyra hér
framhjá eftir hádegið á mánudeg-
inum og svo ekkert meir. Þá fór nú
aðeins að renna í skapið hjá mér
og ég hringdi aftur. Þá kom hann
eftir hádegið á þriðjudeginum og
mokaði útúr innkeyrslunni og var
upp undir fjórar klukkustundir við
mokstur því þetta var svo mikið af
sandi,“ segir Árni.
Hann segir sandfokið hafa skemmt
lakk á bíl sem hann var með í inn-
keyrslunni. Samkvæmt mati frá
Bílasprautun Suðurnesja er tjónið
á bílnum a.m.k. 150.000 krónur
en hann var málaður á síðasta ári.
Íbúð þeirra Árna og Sigrúnar er
svokölluð Búmanna-íbúð og eftir
samráð við Búmenn hafi verið
fenginn verktaki til að þrífa húsið
og lóðina enda ástandið þar þannig
að sögn Árna að öll vit hafi fyllst af
sandi og ryki um leið og farið var að
hreyfa við sandinum.
Árni segir að eftir ítrekaðar óskir
hafi verið komið með eitt hlass af
grús og það sett í skarðið sem rofið
var í fjörukambinn. Það dugaði þó
ekki til að loka skarðinu og því segir
Árni ennþá vera hættu á að sandinn
skafi þaðan upp úr fjörunni. Hann
veit ekki hver framvinda málsins
verður en í þessari viku mætti Árni
á lögreglustöð til að gefa skýrslu
um það tjón sem hann telur sig
hafa orðið fyrir. Sandinn sem þegar
hefur blásið upp úr fjörunni þarf að
fjarlægja og vonast Árni til að farið
verið í róttækar aðgerðir í kjölfar
þess að vakin sé athygli á málinu
hér á síðum Víkurfrétta.
Fleiri myndir eru með
umfjöllun um þetta mál á vf.is
Árni Björgvinsson í fjörunni þar sem skarðið var gert í fjörukambinn sem varð
þess valdandi að sandinn skóf að heimili hans í baksýn.
Garðurinn að Hvammsgötu 18 var
á kafi í sandi þegar þessi mynd var
tekin fyrir réttri viku síðan.
svona var umhorfs við heimili Árna og sigrúnar þann 10. apríl sl. sandblásturinn skemmdi bæði lakk og ljós á þessum bíl. Hér er ástandið svipað og undir Eyjafjöllum í miðju öskufallinu.