Víkurfréttir - 19.05.2011, Blaðsíða 14

14 Fimmtudagurinn 19. maí 2011VÍKURFRÉTTIR
Knattspyrnufélagið Víðir var
stofnað í maí 1936 og í fyrstu
starfaði það í fjögur ár. Vegna
hræðilegra slysa tveggja forystu-
manna Víðis á þeim árum lagðist
starfsemin niður um ellefu ára
skeið. Fyrsti formaður félagsins
var Jónas Guðmundsson frá Raf-
nkelsstöðum og varaformaður
Þorsteinn Gíslason frá Sólbakka.
Um og upp úr 1950 var félagið
endurvakið og var knattspyrna
mikið stunduð ásamt því að
handknattleikur og frjálsar
íþróttir voru vinsælar. Félagið
lognaðist aftur út af árið 1954.
Gerð var tilraun til þess að koma
starfseminni aftur í gang árið 1957
en hún varði aðeins í rúmt ár.
Það var um haustið 1967 að mikill
áhugi var á meðal pilta í Garð-
inum að blása lífi í félagið á nýjan
leik. Félagið var þá endurreist
og hefur starfað óslitið síðan. Á
þessum árum hafa félagsmenn
fengið að upplifa bæði gleði og
sorg. Nokkrar íþróttagreinar
hafa reynt að fylgja knatt-
spyrnunni eftir með misjöfnum
árangri. Leikinn var hand- og
körfuknattleikur undir merkjum
félagsins á áttunda áratugnum.
Meistaraflokkur kvenna í
knattspyrnu hefur verið starf-
ræktur með hléum frá árinu
1974 en árið 1976 náðu stelp-
urnar sínum besta árangri fyrr
og síðar þegar þær enduðu í
þriðja sæti efstu deildar undir
stjórn Júlíusar Baldvinssonar.
Gullaldarár Víðis í karlaknatt-
spyrnunni voru á níunda áratug
síðustu aldar. Á þeim árum unnu
Víðismenn sig upp úr neðstu
deild í þá efstu þar sem þeir léku
samtals í fjögur ár auk þess að
komast í bikarúrslit árið 1987. Sá
árangur sem félagið náði vakti
verðskuldaða athygli um land allt
og má segja að árangurinn hafi
komið Garðinum á landakortið.
Með tilkomu nýs íþrótta-
húss í Garðinum árið 1993
var körfuknattleikur starf-
ræktur á ný í nokkur ár.
Í dag er knattspyrna ráðandi
hjá Víði auk sem sunddeild
er starfrækt. Meistara-
flokkur karla í knattspyrnu
leikur í 3. deild í sumar.
Afmælisdagur Víðis
Knattspyrnufélagið Víðir var stofnað í maí 1936. Um stofndag er ekki vitað með vissu en sagnir herma að félagið hafi verið
stofnað fyrsta sunnudag eftir lokadag. Árið 1936 bar þann dag upp
17. maí. Í sögu Íþróttabandalags Suðurnesja er stofndagurinn 19.
maí.
Aðalstjórn Víðis ákvað á afmælisárinu 1996 að festa afmælisdag félags-
ins um alla framtíð. Lögð var fram tillaga um að afmælisdagur Víðis yrði
11. maí ár hvert. Finnbogi Björnsson þáverandi formaður sagði að 11.
maí væri hinn gamli lokadagur. Tillagan var svo samþykkt samhljóða.
Lokadagur er frá fornu fari 11. maí en þá lýkur vetrarvertíð á Suðurlandi.
Löngum hefur verið mikið um dýrðir hjá sjómönnum á lokadaginn.
Víkufréttir birta hér brotabrot
úr Sögu Knattspyrnufélagsins
Víðis í Garði sem þeir Guðjón
Árni Antoníusson og Rafn
Markús Vilbergsson tóku
saman í lokaverkefni sínu
við Háskólann í Reykjavík.
Það gerðist fyrir hálfri öld, í Garðinum um sumarkvöld
Nokkrir strákar, hittust litla stund.
Þeir vissu hvað í vændum var, og verkjaði í fæturna
Og vildu í snatri kalla saman fund.
Að stofna hérna félag eitt, sem gæti kannski aldrei neitt
En hugurinn hann stefndi á hærra svið.
Í knattspyrnu skelltu sér, og eins og allir vita hér
Félagið fékk nafnið Víðislið.
Jóhann Jónsson heiðursfélagi Víðis (vísa samin árið 1986)
Knattspyrnufélagið Víðir 75 ára
vf.is Meistaraflokkur karla árið 1984.
Guðjón hampar B-deildarmeistaratitli
árið 1990 þegar liðið vann sér sæti í
efstu deild.
B-deildarmeistarar kvenna árið 1982
Handboltalið úr Garðinum. Myndin er tekin árið 1950
Áhorfendur á Garðskagavelli árið 1984. Meistaraflokkur karla undir stjórn Sigurðar Ingvarssonar árið 1978
Liðið á endurreisnartímanum. Myndin er tekin 1967.
Frá vígslu á nýjum Garðsvelli árið 1985