Víkurfréttir - 03.11.2011, Blaðsíða 12

12 FIMMTudagurInn 3. nÓVEMbEr 2011 • VÍKURFRÉTTIR
Auglýsingadeild í síma 421 0001
Fréttadeild í síma 421 0002
Afgreiðsla í síma 421 0000
vf.is • m.vf.is • kylfingur.is
Vikulegar Víkurfréttir
Hinn eini sanni Bubbi Mort-hens mun halda tvenna tón-
leika á Suðurnesjunum á næst-
unni en tónleikarnir eru hluti af
landsbyggðartúr Bubba.
Laugardaginn þann 5. nóvember
mun Bubbi spila í Grindavíkur-
kirkju og á sunnudeginum 6.
verður hann staddur í Ytri-Njarð-
víkurkirkju.
Báðir tónleikarnir hefjast klukkan
20:30 og er miðasala á midi.is og
við innganginn, verð er krónur
2.500.
„Þetta er réttur sem er mjög
vinsæll á mínu heimili. Hann er
fljótlegur, hollur og mjög bragð-
góður,“ segir Jakob Már Jónharðs-
son sem fyrstur ríður á vaðið í
nýjum lið hjá okkur hér á VF sem
kallast Í eldhúsinu. Jakob gerði
garðinn frægan hér á árum áður á
knattspyrnuvellinum með ýmsum
liðum og svo síðar meir í fitnes-
inu. „Ég gaf það út eftir síðasta
mót í apríl að nú væri komið gott í
fitnesinu og að elsti sonurinn væri
tekinn við, en maður á aldrei að
segja aldrei. Það er erfitt að hætta
því sem maður hefur áhuga á og
gaman af, á meðan skrokkurinn
er heill og fínn, þá er aldrei að
vita nema gamli skelli sér í ein-
hver mót,“ segir Jakob og bætir
því við að það verði nú að veita
þessum ungu strákum einhverja
samkeppni og láta þá hafa fyrir
hlutunum.
Jakob starfar hjá bandaríska
sendiráðinu í Osló, þar starfar
hann í öryggisvarðarsveit. Hann
flutti til Noregs ásamt Ragnheiði
kærustu sinni í byrjun júlí.
Jakob segist skila sínu í eld-
húsinu, mest er hann þó á grill-
inu með kaldan á kantinum, að
eigin sögn. „Ég verð þó að segja
það að yndislega kærastan mín
er miklu betri kokkur en ég, við
höfum þó bæði gaman af að elda
og hjálpumst mikið að, ég sé samt
um uppvaskið,“ segir Jakob léttur
í bragði.
„Ég elda mest kjúklingabringur,
grilla þær mikið og set í eldfast
mót eða steiki á pönnu. Það er
einfalt að matreiða kjúllann og
svo er hann hollur og góður. Ég
elda líka mikið af súpum hérna
heima og þar er humarsúpan a la
Jakob efst á óskalistanum.
Hér er svo rétturinn sem Jakob ætlar að deila með
lesendum Víkurfrétta:
Wok-lax að hætti Jakobs
Hráefni (fyrir 4):
600 g lax - beinlaus og roðlaus, skorinn í teninga.
4 vorlaukar, fínskornir.
1 rauð paprika, skorin í strimla.
1 stór rauðlaukur, skorinn í báta.
3 hvítlauksbátar, fínhakkaðir.
10 stórir ferskir sveppir, skornir í sneiðar.
100 g cashew hnetur.
3 msk soya-sósa.
1 msk sítrónusafi.
1 msk rifið ferskt engifer.
4 msk olía til steikingar.
Wok-sósa:
½ dl soya-sósa (kikkoman)
1 dl fiskisoð
1 tsk maizena mjöl
3 msk agave síróp
Matreiðsla:
Marinera laxinn í soyasósunni, sítrónusafanum og engifer í 10 mínútur.
Steikja fiskibitana þar til þeir eru gylltir á hverri hlið. Leggja þá svo til
hliðar.
Wok steikja (á wok pönnu) allt grænmetið á háum hita í nokkrar mín-
útur, bæta svo laxinum og hnetunum við, hella sósunni yfir og hræra í
nokkrar mínútur meðan allt blandast vel saman.
Borið fram með brúnum hrísgrjónum eða grófu hvítlauksbrauði.
Í eldhúsinuUMSJÓN EYÞÓR SÆMUNDSSON
að hætti
Jakobs
- inn á öll heimili á Suðurnesjum!
Bubbi í tveimur kirkjum
Skilorðsbundið fangelsi
fyrir vörslu á barnaklámi
Héraðsdómur Reykjaness hefur dæmt 33 ára gamlan karlmann í 5 mánaða skilorðsbundið fangelsi fyrir að hafa barnaklám
undir höndum. Maðurinn sem búsettur er í Grindavík hefur áður
fengið dóm fyrir sömu sakir.
Fann lögregla 174 ljósmyndir og 166 hreyfimyndir í tölvum og flakkara
mannsins, sem sýndu börn á kynferðislegan eða klámfenginn hátt. Mað-
urinn játaði brot sitt skýlaust eins og því er lýst í ákæru.
Fram kemur í dómnum, að maðurinn hafi verið haldinn geðröskunum
af ýmsu tagi frá unga aldri, auk þess sem hann sé talinn vera misþroska.
Hann hefur verið í reglubundnum viðtölum hjá sálfræðingi og geðlækni
undanfarna mánuði. Í ljósi þess taldi dómurinn rétt að skilorðsbinda
refsinguna.
Bíll fór út af Sandgerðisvegi í morgunsárið sl. fimmtudagsmorgun. Mikil hálka var á veginum og missti bílstjórinn stjórn á bílnum
með þeim afleiðingum að hann fór út af. Auk hans var annar farþegi í
bílnum sem er af Yaris gerð og sluppu þeir án teljandi meiðsla. Hilmar
Bragi tók þessa mynd á vettvangi.
Baldur Geir Bragason opnaði sýninguna „Borðar“ í Suðs-
uðvestur um sl. helgi.
Borðar hlykkjast um sem mynd-
fletir á fjölum. Svokölluð viktorísk
dýpt eða olíulýsing er í verkunum
þar sem borðarnir ná inn í bak-
grunninn með því að svindla á
fjarvíddinni og nota stærðfræðileg
form til þess að það líti út fyrir að
borðinn flökti inn í myndina. Þetta
eru þó með eindæmum flöt verk og
brellan augljós.
Í dag hefur þetta þá merkingu að
rótgróið innihaldið standist tím-
ans tönn. Jafnframt hefur þetta ein-
hverskonar konunglegt yfirbragð.
Borðinn er notaður til þess að
flagga letri og er ýmist vörumerk-
ið sjálft eða afurð þess. Borðarnir
eru myndirnar sjálfar límdar upp á
kassafjalir. Striginn teiknar sjálfan
sig sem blekkingu um dýpt og eigið
form.
Suðsuðvestur er á Hafnargötu 22 í
Reykjanesbæ.
Þar er opið um helgar frá kl. 2 – 5
og eftir samkomulagi.
Rann út af í hálku
Ný sýning opnar í Suðsuðvestur
Meðfylgjandi er mynd af verkinu "fulfilling itself" 2011 sem var til sýnis á
tvíæringnum í Prag í sumar og er núna á sýningunni Four rooms í Varsjá.
Meira í leiðinniWWW.N1.IS
OKKUR VANTAR
VERSLUNARSTJÓRA Í GRINDAVÍK
N1 óskar eftir að ráða verslunarstjóra í verslun félagsins í Grindavík. Megináhersla
verslunarinnar er m.a. á bílavörur, útgerðarvörur, efnavörur, fatnað, verkfæri og olíuvörur.
HÆFNISKRÖFUR:
• Reynsla og þekking á verslun og þjónustu
• Þekking á ofangreindum vörutegundum
• Samskiptafærni
• Þjónustulipurð
HELSTU VERKEFNI:
• Daglegur rekstur verslunarinnar
• Verkstjórn og eftirlit
• Ráðgjöf og þjónusta við viðskiptavini
• Önnur tilfallandi störf í versluninni
Nánari upplýsingar um starfið veitir Örn Bjarnason, rekstrarstjóri verslana í síma 440 1190.
Vinsamlegast sækið um starfið á www.n1.is eða sendið ferilskrá ásamt nánari upplýsingum
á netfangið atvinna@n1.is fyrir 10. nóvember 2011.