Víkurfréttir - 03.11.2011, Blaðsíða 18

18 FIMMTudagurInn 3. nÓVEMbEr 2011 • VÍKURFRÉTTIR
Staða unglinga á Suðurnesjum er að mörgu leyti góð en
staða heimila oft slæm og ung-
menni þurfa að styðja heimili sín
og vinna með skóla eða hætta í
skóla til að vinna,ef vinnu er að
fá. Flestir unglingar eru í námi
en margir sem hafa viljað hætta
í skóla og hafa reynt að fá sér
vinnu- eru nú atvinnulausir. Slíkt
leiðir af sér aðgerðarleysi sem
leiðir til verri stöðu eins og t.d.
neyslu fíkniefna og vonleysi. Þetta
kemur fram í niðurstöðum ungs
fólks sem tók þátt í málþingi ungs
fólks sem haldið var í Keflavíkur-
kirkju fimmtudaginn 6. október
sl. undir yfirskriftinni „Hærra, ég
og þú“. Málþingið er hluti af verk-
efninu Energí og trú sem Kefla-
víkurkirkja stendur fyrir og er
styrkt af m.a. Kjalarnesprófasts-
dæmi og Biskupsstofu. Málþingið
sjálft var styrkt af Evrópu unga
fólksins. Þátttakendur voru 22
ungmenni af Suðurnesjum á aldr-
inum 15-22 ára auk fyrirlesara og
starfsmanna.
Málþingið hófst á fyrirlestri Loga
Geirssonar fyrrum atvinnumanns
í handbolta þar sem hann ræddi
um gildi þess að setja sér markmið
og hafa trú á sér í öllum aðstæðum.
Jenný Þórkatla Magnúsdóttir,
starfs- og námsráðgjafi hjá MSS
og sagði frá verkefninu Fjörefni
og hvað það hefur gert fyrir ungt
fólk á Suðurnesjum, hvernig það
hefur öðlast sjálfstraust og farið út
á vinnumarkaðinn.
Þorsteinn Valdimarsson f rá
Change-makers eða Breytendum
kom og sagði frá starfi samtakanna
og gaf góð ráð ef þátttakendur
vildu fara af stað með slíkt á Suður-
nesjum. Einnig heimfærði hann
hluta efnisins á heimabyggðina.
Að lokum kom Sigrún Sævarsdótt-
ir Griffiths og sagði frá því sem hún
hefur verið að vinna við í Guildhall
tónlistarskólanum í London. Þá var
lesið bréf frá ungum manni sem er
búsettur í Reykjanesbæ. Hann sagði
sögu sína, hvernig líf hans hafði
verið án tilgangs og markmiða og í
það að hætta í fíkniefnum og snúa
lífi sínu til hins betra.
Þátttakendur voru spurðir spurn-
ingarinnar „Hvernig metið þið
stöðu ungs fólks á Suðurnesjum
í dag?“
Tillaga þeirra var m.a. að stofna
vinnumiðlun fyrir skólafólk sem
hefur hlutastörf eins og t.d. slátt í
görðum á sumrin o.s.frv.
„Það er mjög erfitt fyrir ungmenni
að komast á milli staða þar sem
samgöngur hérna eru slæmar.
Strætó gengur mjög stopult yfir
daginn og ekkert á kvöldin. Það er
því ómögulegt að nýta strætisvagn-
ana sem skyldi og þurfa margir að
hætta í íþróttum og tómstundum
þar sem ekki allir foreldrar geta
sótt og skutlað,“ segir m.a. í niður-
stöðum ungmennanna frá mál-
þinginu.
Þá finnst þeim óþægilegt þegar það
virðist sem það sé mismunandi
undirbúningur grunnskólanna
fyrir framhaldsnám. Þetta skapar
ríg og óþarfa togstreitu milli hverfa
og skóla, segir í niðurstöðum.
„Hér vantar fjölbreytni í tóm-
stundastarf fyrir ungmenni. Hér
er nóg af íþróttum og kristilegu
starfi en vantar fleira. Spennandi
að stofna t.d. Change makers hér.
Einnig ætti að nýta fólk og starf
staðarins til að setja t.d. af stað leik-
hóp sem vinnur að forvörnum með
uppsetningu leikrita og fyrirlestra.
Hér vantar hlutlausan, jákvæðan
stað þar sem forvarnir eru og stuðl-
ar að heilbrigðu líferni. Ekki all-
ir unglingar vilja sækja starf með
kristilegum formerkjum,“ segja
ungmennin.
„Okkur finnst foreldrar hérna
á Suðurnesjum ekki sýna nógu
mikið aðhald við unglinga. Hér er
mikill jafningjaþrýstingur og því
nauðsynlegt að bæði foreldrar,
skólar og aðrir haldi betur utan um
unglingana,“ sögðu ungmennin í
niðurstöðum sínum.
Og um möguleika til menntunar
sögðu þau: „Þar sem FS er full-
setinn - og því erfitt að komast í
það nám sem maður vill (þó svo að
skólinn sé allur af vilja gerður) þá
vantar fleiri úrræði fyrir framhalds-
skólanema. Að okkar mati væri
góður kostur að stofna heimavist í
Reykjavík fyrir þá sem héðan koma
og vilja sækja nám í Reykjavík eða
hafa tíðari ferðir á milli Rvíkur og
Reykjanesbæjar“.
Spurningunni „Hvaða tækifæri
hefur ungt fólk á Suðurnesjum
til þess að vinna sjálft að því að
efla möguleika sína?“ var svarað
svona:
„Ungt fólk getur sótt það tóm-
stundastarf sem er í boði og m.a.
gengið í björgunarsveitina og lært
hvernig brugðist skal við á ögur-
stundu, gengið í KFUM og K og
fara á leiðtoganámskeið sem nýtast
á ótal vegu í lífi og starfi.
Við ættum að sækja starfsnám og
þjálfun þar sem hún er í boði (MSS,
Keflavíkurkirkja o.fl.) Hafa skal í
huga að allt nám er mikilvægt,
líka óhefðbundið nám, óformleg
menntun og námskeið. Allt leiðir
þetta til þess að við fáum meiri
færni og þekkingu. Við þurfum líka
að leggja okkur fram við að standa
okkur vel í skóla. Góð menntun
leiðir frekar af sér betri tækifæri.
Það er nauðsynlegt fyrir okkur að
setja okkur framtíðarmarkmið og
fylgja þeim.
Samtök á borð við Change makers
væri gaman að setja á stofn hér á
Suðurnesjum og fá ungt fólk til að
hugsa út fyrir kassann“.
Að endingu var spurt: Hvernig
sjáið þið stöðu ungs fólks á Suður-
nesjum eftir fimm ár?
„Til þess að ungt fólk geti séð
framtíðina hér á Suðurnesjum
þarf margt að breytast. Við sjáum
fyrir okkur á næstu fimm árum
að skólarnir okkar verða betri og
betri. Þeir eru stöðugt í þróun og
við skorum hærra á landsmeðal-
tali sem vekur gott umtal og við
verðum ánægðari með þá og stolt
af því að tilheyra þeim.
Við sjáum fyrir okkur að Change
makers verði komið hingað og það
starfi leiði gott af sér bæði fyrir
samfélagið okkar og víðar í heim-
inum.
Við sjáum fyrir okkur að strætó-
kerfið verði betra þannig að fjöl-
skyldum sé gert auðveldara fyrir að
nota ódýrar samgöngur.
Við sjáum fyrir okkur að íþrótta-
og tómstundastarf verði opið öllum
á jöfnum grundvelli óháð heimilis-
tekjum og að viðráðanlegt fast gjald
sé greitt til ungmennafélaga/tóm-
stundafélaga bæjarins til að greiða
fyrir aðgengi allra, óháð tekjum
heimila“.
Hjá Bílar og Hjól við Njarðarbraut starfa sex manns sem allir eru fagmenntaðir
á sínu sviði. Garðar Haukur Gunnarsson er
framkvæmdastjóri hjá fyrirtækinu sem er
alhliða bifreiðaverkstæði sem að sögn Garð-
ars getur séð um flestar, ef ekki allar tegundir
bíla. Nýlega tók fyrirtækið að þjónusta Benz
og KIA bíla. „Það hefur orðið alveg gríðarleg
söluaukning á KIA bílum síðan Kjartan tók
við umboðinu,“ segir Garðar og ástæðuna
segir hann vera hvað Kjartan sé góður sölu-
maður og að gæði vörunnar séu einfaldlega
mikil. „KIA er að bjóða upp á 7 ára ábyrgð,
sem er algert einsdæmi. “
Bílar og Hjól er smurstöð fyrir allar tegundir
bíla en þeir eru einnig með bremsuviðgerðir
og dekkjaverkstæði. „Við höfum verið starfandi
frá árinu 2003 sem bílasprautunar- og réttinga-
verkstæði, síðar urðum við hjólbarðaverkstæði
og núna í sumar urðum við sem sagt almennt
bílaverkstæði og smurstöð. Við höfum staðið
saman í gegnum þykkt og þunnt, kreppur og
annað,“ segir Garðar. Hann viðurkennir þó að
þetta sé ekki versti bransinn til að vera í þegar
að það herðir að. „Fólk er kannski síður að
kaupa nýja bíla og það þarf að hugsa um þessa
gömlu. Fólk er frekar að halda bílunum sínum
við og lætur þá endast. Ef það kemur eitthvert
vandamál upp hérna þá reynum við að leysa úr
því á staðnum, við erum ekkert að senda kúnn-
ana okkar til Reykjavíkur, sem mér finnst mjög
jákvætt.“ Garðar segir að fólk sé byrjað að mæta
og setja vetrardekkin undir, þó eru nagladekkin
í minna mæli en oft áður. „Þeim fer fækkandi,
harðkornadekkin og loftbóludekkin eru að
ryðja sér til rúms og svo líka heilsársdekkin.
Ég fullyrði það að þessi dekk eru bara orðin
það góð að þau slá alveg við þessum gömlu
nagladekkjum, þetta eru orðin svo tæknilega
þróuð dekk að þau svínvirka í hálku og bleytu.
Hérna á Suðurlandsundirlendinu þá myndi ég
segja að menn hafi ekki mikið við nagladekkin
að gera. Við mælum því með naglalausum
dekkjum. Þegar að það er ekki hálka þá geta
naglar virkað illa og oft gefið verra grip ef eitt-
hvað er. Bíll sem er á góðum míkróskornum
dekkjum með gott bremsukerfi er ekkert síður
öruggur en bíll sem er á nagladekkjum. Það er
stundum falskt öryggi í þessum nöglum og svo
eiga þeir það til að týnast.“
Staða unglinga góð - en vilja fjölbreyttara
tómstundastarf og bættar samgöngur
›› Málþing undir yfirskriftinni „Hærra, ég og þú“ í Keflavíkurkirkju:
Elías Örn Friðfinnsson er 23 ára Keflvíkingur sem býr
í vesturbæ Reykjavíkur. Hann
starfar sem kokkur á Rauða
Ljóninu og í frítíma sínum fæst
hann við uppistand og vinnur að
skopteikningum sem hann ætlar
að gefa út í nánustu framtíð.
Hann verður einn af keppendum
í Fyndnasta manni Íslands sem er
að fara af stað eftir töluvert hlé.
Hvernig datt þér í hug að
taka þátt í keppninni um
fyndnasta mann Íslands?
„Ég sá þetta á facebook og tók eftir
því að Óskar Pétur Sævarsson væri
að taka þátt, ég hugsaði þá með mér
að fyrst að hann getur það, þá get
ég það alveg. Mig langaði að athuga
hvort að þetta gæti ekki orðið smá
stökkpallur í skemmtanaiðnaðinn
á Íslandi, “ segir Elías sem að langar
mikið til þess að starfa í gríni. „Ef
maður gæti fengið borgað fyrir
að vera í uppistandi, annars væri
gaman að vinna í sjónvarpi.“
Nú stendur yfir undankeppni sem
að felst að mestu leiti í því að þeir
sem ætla sér að taka þátt keppast
um að fá sem flest like á facebook,
þeir 10 sem fá svo flest like komast
beint í lokaúrslitin sem fara fram á
Spot í Kópavogi.
En hvernig er uppistands-
markaðurinn á Íslandi í dag?
„Það er ekki hægt að lifa á þessu,
þú þarft alltaf að vera með eitthvað
annað í gangi held ég en þó má hafa
einhvern pening út úr þessu.“
Hvernig ertu búinn að undirbúa
þig fyrir áheyrnarprufurnar?
„Það verður í raun erfitt að finna
út úr því. Maður fær bara 3 mín-
útur til þess að heilla dómarana í
prufunum.“ Elías hefur þó verið að
flytja uppistand víða um nokkurt
skeið og á því eitthvað að efni til á
lager. „Mér finnst það alveg hell-
ings vesen að finna hvað ég á að
nota af efninu mínu, þetta er mjög
stuttur tími. Ég er yfirleitt vanur því
að segja sögur í langan tíma og kem
svo húmornum inn í þessar sögur,
það verður vesenið fyrir mig að
stytta þetta niður. Ef maður fer svo
yfir þessar 3 mínútur þá fær maður
einhvern mínus, svo að maður
verður að vera með þetta tímasett
eins og í ræðukeppni.“
Ertu nógu fyndinn til þess að verða
fyndnasti maður Íslands?
„Ekki spurning,“ segir Elías kok-
hraustur. „Það kemur alveg fyrir að
fólk segi að ég sé fyndinn.“
Af hverju ætti fólk að
styðja þig í keppninni?
„Af því að ég er ógeðslega frábær
gæji,“ sagði Elías að lokum.
Keppnin fer fram á skemmtistanum
Spot núna í byrjun nóvember og
hægt er að styðja Elías með því
að fara á facebook og á síðuna
„Fyndnasti maður Íslands,“ finna
þar Elías í dálkinum vinavirkni og
gefa honum like.
Bílar og Hjól með alhliða bílaþjónustu
›› Viðskipti og atvinnulíf:
- segir Elías Örn sem
stefnir á frægð og frama
Það kemur
alveg fyrir að
fólk segi að ég
sé fyndinn
Garðar H. Gunnarsson og Hörður Birkisson á verkstæðinu.