Víkurfréttir - 03.11.2011, Side 28

28 FIMMTudagurInn 3. nÓVeMber 2011 • VÍKURFRÉTTIR
vf.is
Ég er svo lánsamur að hafa fæðst sem Liverpool maður. Lið
með mikla sögu, frábæra leikmenn og einhverja dyggustu
áhangendur fótboltans. Það er einmitt þetta síðastnefnda sem
er hvað mikilvægast fyrir þá í dag. Þeir hafa nefnilega ekki
verið að gefa okkur aðdáendum þeirra neitt ofsalega mikið til
að hrópa húrra yfir síðustu árin. Rúmlega 20 ár síðan að þeir
unnu síðast enska meistaratitilinn til dæmis.
Þeir hafa unnið einstaka bikarkeppnir og Evrópukeppnir á
síðustu árum svo við höfum ekki verið algjörlega sveltir en
það hefur ekki verið nógu mikið fyrir kröfuharða Liverpool
fólkið sem á árum áður var ofdekrað á titlum á hverju einasta
ári.
Mikið ofsalega er það þá gott á þessum síðustu og verstu
að geta glaðst yfir óförum annarra. Manchester United!
Erkióvinur okkar Liverpool manna tapaði nefnilega gegn
grönnum sínum í City 1-6 og það á heimavelli. Það gladdi
mitt litla Liverpool hjarta alveg ótrúlega mikið að sjá óvininn
niðurlægðan á heimavelli þrátt fyrir að við ættum engan þátt
í leiknum. Ekki annan en að senda neikvæðar hugsanir til
United manna. Ég held ekki mikið upp á peningamaskínuna
City og finnst það í raun frekar leiðinlegt að það sé hægt að
kaupa sér árangur svona auðveldlega en af öllum liðum sem
ég held ekki með þá held ég minnst með United. (Ég held bara
með tveimur liðum, þið getið kannski giskað á hver ef þið lesið
allan pistilinn).
Ég átti leið fram hjá heimili félaga míns sem er gallharður
United maður sama dag og leikurinn hafði verið spilaður. Ég
þurfti að hafa mig allan við til að banka ekki upp á hjá honum
bara til að spyrja hvort hann hafi ekki örugglega séð leikinn,
sem ég veit vel að hann gerði. Það er nefnilega ekki nóg fyrir
okkur smásálirnar sem höldum með Liverpool að gleðjast yfir
óförum annarra heldur verðum við að láta alla vita hversu
ánægðir við erum með að liðið sem við þolum ekki hafi tapað
illa.
Einhverra hluta vegna taka flestir United menn þessum
boðskap okkar illa. Þeir átta sig ef til vill ekki á því að þetta
er hrós. Ég á vini sem halda með hinum ýmsu liðum eins og
Crystal Palace, Leeds eða West Ham sem eru allt fornfræg lið.
Þegar þau tapa þá heyrist ekki mikið í mönnum, flestum er
alveg sama. Fyrir utan það að menn verða á endanum ónæmir
fyrir töpuðum leikjum.
Það er nefninlega öllum sama þegar litlu liðin tapa. Þau tapa
hvort sem er aftur um næstu helgi og líklegast helgina eftir
það líka. Þegar „fésbókin“ logar í háði og spotti gagnvart liðinu
þínu eftir tapleik er það nefnilega ekki merki um að liðið þitt
sé lélegt. Það þýðir að þú heldur með góðu liði sem ef til vill
tapaði illa en fólki er í það minnsta ekki sama. Þannig að þú
ættir að vera ánægður þegar að þú færð pílur eftir að liðið þitt
tapaði, þetta er dulbúið hrós. Þegar ekkert heyrist ættirðu
fyrst að fara að hafa áhyggjur.
Hafandi sagt þetta verð ég að ítreka hversu lánsamur ég er að
hafa fæðst sem Liverpool aðdáandi. Glæsilegra fótboltalið og
umgjörð er vandfundin nema þá helst á Keflavíkurvellinum
á fallegum sumardegi þegar sólin skín skært og Pumasveitin
syngur sína ljúfu tóna og held ég að ég sé algjörlega hlutlaus og
heiðarlegur í þeirri skoðun minni.
You´ll never walk alone!
útspark Ómar JÓhannsson
ÓfaRiR annaRRa
Ómar Jóhannsson, markvörður og
starfsmaður í Fríhöfninni sparkar
pennanum fram á ritvöllinn.
Strákarnir í 7. flokki Keflavíkur í körfubolta stóðu
sig vel í Íslandsmótinu um helgina en þeir sigruðu
alla fjóra leiki sína sem fram fóru á Íslandsmótinu í
Njarðvík. Björn Einarsson er þjálfari liðsins en hann
var ánægður með strákana sína.
„Mér líst ljómandi vel á þessa frammistöðu strák-
anna og það að vinna KR-ingana er eitthvað sem við
erum búnir að stefna að í lengri tíma. Það er stígandi
í þessu hjá okkur og þetta er það sem koma skal. Við
erum með það markmið að vinna titilinn í ár, “ segir
Björn Einarsson. Hann segir liðsheildina vera að skila
þessum árangri en strákarnir eru duglegir að æfa. „Við
æfum fjórum sinnum í viku og sumir hverjir eru að
mæta á aukaæfingar. Ef að menn æfa aukalega þá mun
það skila sér, það er alveg ljóst.
Björn segir mikla tiltekt hafa verið í gangi í strákaflokk-
unum og það muni vonandi skila sér í leikmönnum
sem fara alla leið í meistaraflokkinn hjá félaginu. „Það
er ekkert gaman að sjá einhverja þrjá Kana í liðinu, við
þurfum að byggja þetta upp og koma með einhverja
heimamenn inn í liðið.
Njarðvíkingar voru einnig með lið á mótinu og eiga
líka framtíðina fyrir sér. Jóhannes Kristbjörnsson, fyrr-
verandi leikmaður Njarðvíkinga þjálfar þá og á án efa
eftir að gera góða hluti með þá grænu.
körfubolti - yngri flokkar:
„Þurfum að byggja upp“
-segir Björn Einarsson, þjálfari 7. flokks Keflavíkur
Myndasyrpa frá Ís-
landsmóti í körfu
7. flokks í Njarðvík.
VF-myndir/Eyþór.
vf.is