Frjáls verslun - 01.11.2013, Qupperneq 24

24 FRJÁLS VERSLUN 11. 2013
Græjur
7. Windows 8.1
Stýrikerfi (ókeypis uppfærsla fyrir þá
sem nota Windows 8.0). Með 8.1-upp-
færslunni á Windows sem kom út núna
í haust reynir Microsoft að laga helstu
agnúa 8.0-útgáfunnar. Breytingarnar eru
umtalsverð framför og gera stýrikerfið ein-
faldara og þægilegra í notkun fyrir almenna
tölvunotendur sem geta nú mun betur
en áður nýtt sér kosti þessarar nýjustu
kynslóðar Windows.
8. HTC One
Snjallsími (verð frá 99.990 kr., t.d. hjá helstu
símafyrirtækjum). HTC One er án efa einn besti
síminn sem kom á markaðinn á árinu, þótt hann hafi
ekki fengið sömu athygli og Galaxy S4 eða iPhone
5s. Skjáupplausnin er með því mesta sem í boði er
og er hrein unun að horfa á myndir eða myndskeið
í HTC One. Myndavélin er frábær og stórir hátalarar
gera það mögulegt að nýta símann til að spila
tónlistina ekki bara í heyrnartólum, heldur
líka án þeirra.
9. Panasonic Lumix LF1
Myndavél (verð 94.900 kr. hjá beco.
is). Panasonic Lumix LF1 telst til dýrari
tækifærismyndavéla – þ.e. þeirra véla
sem ljósmyndarar kaupa sér ef þeir
sætta sig ekki við myndavél snjallsímans
og vilja hafa handhæga en öfluga
myndavél ávallt við höndina. Sem slík
er Lumix LF1 góður kostur, með 7.1x
aðdrátt, góðan skjá til að skoða myndir
og háskerpuvídeótöku.