Frjáls verslun - 01.11.2013, Page 66

66 FRJÁLS VERSLUN 11. 2013
að vilja nefna einhverja staði sérstaklega.
Bláa Lónið sé líka alveg opið fyrir því á
einhverjum tímapunkti í framtíðinni að
taka þátt í einhverju slíku verkefni vegna
þess að innan fyrirtækisins hafi byggst upp
mikil sérþekking á því að sinna einstakri
afþreyingu. „Það eru örugglega möguleikar
í öllum landshlutum en aðalatriðið er að
það verður að fara rétt í verkefnin, vera
með þolinmótt fjármagn til að leggja í þau,
byggja upp af metnaði og verðleggja þjón ­
ustu miðað við gæði.“
Meðal annars vegna þessa tók Grímur
að sér að vera formaður fjárfestingarráðs
Iceland Travel Fund, sem Icelandair,
Landsbankinn og fagfjárfestar hafa stofnað
til. Þetta er sjóður sem hefur tvo millj arða
króna til ráðstöfunar og tilgangur hans er
fyrst og fremst að leita uppi nýja vaxtar ­
brodda í afþreyingu fyrir ferðamenn á
Íslandi. Grímur segir sjóðinn m.a. hafa
fjárfest í mjög spennandi verkefni í Ölfus ­
höllinni sem eigi eftir að færa íslenska
hestinn á nýjan stall. Sömuleiðis er verið
að undirbúa fjárfestingu í verkefni um
að gera ísgöng í Langjökli, eitt spennandi
safnaverkefni sé á döfinni auk fleiri áhuga ­
verðra verkefna.
„Öll hafa þau þann tilgang að vera sér ­
íslensk og bæta við þá afþreyingarflóru
sem fyrir er í landinu. Sjóðurinn er fjár ­
sterkur og leggur mikla áherslu á sterka
eiginfjárstöðu og fjármögnun verkefna
þannig að menn geti gert hlutina almenni ­
lega, rekstrarfjármagn sé nægt til að byggja
reksturinn upp og markaðssetja hann á um
þremur árum eða þar til verkefnið hefur
tekið flugið.“
Grímur er líka eindreginn stuðnings ­mað ur náttúrupassans sem talað hefur verið um til að byggja upp
innviðina í ferðaþjónustunni. „Þetta er
mjög góð leið til að tryggja að nauðsynleg
uppbygging í kringum okkar helstu
náttúruperlur fari fram. Það sem skiptir
meginmáli eins og komið hefur fram hjá
atvinnuvegaráðherra er að það á að setja
þá fjármuni sem passinn skapar í sérstakan
sjóð og ferðaþjónustugreinin mun koma að
því að stýra honum. Með náttúrupassanum
er heldur ekki verið að finna upp hjólið,
við höfum nóg af fordæmum eins og t.d.
Nýja­Sjáland, sem við í ferðaþjónustunni
hér höfum horft m.a. til sem fyrirmyndar.
Nýja­Sjáland hefur staðið sig frábærlega í
uppbyggingu ferðaþjónustu á síðustu 15­
20 árum og aðstæður að ýmsu leyti líkar
því sem hér gerist með jarðhita og fallega
náttúru. Náttúrupassinn á alveg eins við
hér og þar.“
Maður ársins
„Það hefur verið mjög fróðlegt að sjá
hvernig fjárfesting hefur ætíð ýtt undir
vöxt í starfsemi félagsins.“