Frjáls verslun - 01.11.2013, Qupperneq 131

FRJÁLS VERSLUN 11. 2013 131
á sínum tíma komið Jesú Kristi
á krossinn. Nú boðar páfi nýjar
verk lagsreglur við uppgjör í sínum
eigin banka.
Og enn sneiðir páfi að gullkálf­
inum þegar hann skrifar:
„Hvernig má það vera að dauði
húsnæðislauss gamalmennis er
ekki talinn til tíðinda en fall hluta ­
bréfavísitölu um tvö stig kemst í
fréttir? Fólki er vísað burt úr eigin
samfélagi. Hvernig getum við
stað ið hljóð hjá og horft á þegar
matn um er kastað frá fólki? Þetta
kalla ég misrétti.“
aðgerðasinni í Róm
Páfi virðist með orðum sín um hafa
tekið forystuna meðal aðgerða ­
sinna núna á eftirhruns árunum.
Hann er manna róttækastur í
skrif um og hefur vakið athygli – í
það minnsta hér á jörðu ef ekki á
himni. Hann talar um rétt „okkar
minnstu bræðra“. Það eru sömu
orð og aðgerðasinnar í Galíleu not­
uðu fyrir nær 2.000 árum áður en
allt fór í bál og brand í hreyfingu
þeirra og foringinn endaði á
krossinum.
Orð páfa eru meira í ætt við só síal­
isma en kaþólskar kreddur. Hann
segir að misréttið, mis skipt ing auðs
í heiminum, sé stærsta vandamál
okkar tíma. Hann kenn ir ekki reiði
Guðs um hvernig komið er heldur
peninga hag kerfi nu og markaðs ­
hyggjunni.
Í ágætri grein í breska blaðinu
The Guardian bendir Heidi Moore
einmitt á þetta. Páfi segi ekki að
syndir hinna fátæku hafi komið
þeim á kaldan klaka heldur órétt­
látt hagkerfi. Arðinum sé misskipt.
Hún bendir á að áður hafi nokkrir
kirkjunnar menn vitnað til Karls
Marx um óréttlæti auðsins en
nú komi boðskapurinn beint úr
Páfagarði.
Heimaland hrægammanna
Á það má líka benda að Frans
páfi er argentínskur. Fá lönd hafa
orðið eins illa fyrir barðinu á
hrægömmum fjármálaheimsins.
Páfi þekkir þessa sögu að heiman.
Hann fellst ekki á að með auð­
hyggju geti mennirnir hafið sig
yfir efann um hvað er rétt og hvað
rangt. Það er ekki hægt að fylgja
bæði siðaboðskap Jesú Krists og
sjálfselsku gróðahyggjumanna.
(Ayn Rand benti raunar á þetta
fyrir löngu og hafnaði Kristi.)
En sjálfur reynir páfi að haga
lífi sínu eftir boðskapnum. Það
er sagt að hann fari út dulbúinn
meðal almúgans til að kynnast
kjörum fólks af eigin raun. Hann
var ekki vanur að sofa í mjúku rúmi
heima í Buenos Aires og gerir það
ekki heldur í Róm. Og hann er ekki
vanur að aka um í dýrum drossíum.
Páfi fer um á hestum postulanna –
hvað annað? – ja, nema þegar hann
tekur strætó.
Frans hefur líka hvatt kirkjunnar
þjóna til að hætta að einblína á
samkynhneigð sem höfuðsynd.
Gróða hyggjan sé miklu stærri synd
því hún kosti mannslíf. Páfi bendir
einfaldlega á að það er vit laust gefið
og því er hann maður ársins.
„Dauði húsnæðislauss gamalmennis er ekki
talinn til tíðinda en fall hlutabréfavísitölu um
tvö stig kemst í fréttir.“
Maður ársins hjá TIME.