Víkurfréttir - 23.02.2012, Blaðsíða 20

20 FIMMTUdagUrInn 23. FEBrúar 2012 • VÍKURFRÉTTIR
„Virðing manna er ósnertanleg“, börn sem sjá heims-
ins ljós í fyrsta skipti eru eins og óslípaðir demantar.
Okkar hlutverk er að „vinna“ demantana þangað
til þeir glansa svo sjá megi fegurð þeirra. Leyfum
börnum að spreyta sig og þroskast á þann hátt að þau
geti lifað löngu lífi. Kennum virðingu og sjálfstraust í
samskiptum við aðra menn og eigin fjölskyldu.
Plantaðu tré í líf þitt, leggðu fræ í jörð þannig að
rótin fái nægt pláss til að breiða úr sér. Tréð þarfnast
vatns, áburðar, sólarljóss, hlýju og umhyggju til þess
að hægt sé að njóta þess í 100 ár. Látum náttúruna
fá tækifæri til þess að leyfa trénu að njóta sín í allri
sinni fegurð.
Byggðu hús í lífi þínu. Leggðu góðan grunn (rót)
að því svo það megi verða 100 ára. Heimilið okkar
er staðurinn sem við getum farið á hvenær sem er.
Það veitir ytra öryggi (klæðnaður) og ekki síður
innra öryggi (sál). Þar getum við verið við sjálf þegar
önn dagsins lýkur. Vellíðan í
lífinu skiptir miklu máli vegna
þess að við þurfum að takast
á við marga erfiðleika. Til að
geta liðið vel er mikilvægt að
finna umhyggju svo við náum
að safna nýrri orku. Hús okkar
speglar okkur sjálf að utan
(hvernig við klæðum okkur) og
einnig að innan (hvernig sál okkar lítur út).
Til að barn verði 100 ára þarf stöðugt að vökva og
næra það, líkt og tré og heimili. Barnið þarfnast
sólarljóss líkt og plantan (foreldrar) og einnig hlýju,
gleði, umhyggju og ástar til þess að geta byggt upp
sjálfstraust og heiðarleika og gengið í gegnum lífið
með sjálfsvirðingu, velsæmi og gleði í farteskinu.
Birgitta Jónsdóttir Klasen
Virðing manna er ósnertanleg
Birgitta Jónsdóttir Klasen skrifar
Fyrir mér var bara einn Maggi Dan.
Ég kynntist Magga fyrir meira en 30 árum
þegar ég og Jenný dóttir hans urðum vin-
konur og ég varð hálfgerður heimalingur
á Borgarveginum þar sem hvorki þurfti
að dingla á dyrabjöllu né nota aðal-
inngang heldur þotið inn í gegnum
þvottahúsið til að hitta heimilisfólkið.
Oftar en ekki var Maggi þar, brosandi
með svuntuna og að brasa einhvern
mat. Hann var maður sem kunni að
njóta. Njóta lífsins og þess að vera til,
fjölskyldunnar, barnabarnanna og vina
sinna. Hann var ekki bara vinur barna
sinna, heldur líka vina barna sinna. Í
hans veröld voru allir jafnir og kynslóðabil
og stéttaskipting hugmynd einhverra annarra.
Enginn var yfir annan hafinn. Maggi hafði frábæra
kímnigáfu og ég held að ég hafi aldrei þekkt neinn sem
brosti jafnmikið og það með öllu andlitinu.
Mér finnst oft sem allir þessir góðu eiginleikar Magga
Dan endurspeglist í afkomendum hans og áralöng
kynni mín af Jenný dóttur hans staðfesta það, enda
hefur hún fengið frá föður sínum það viðhorf sem
hann hafði fyrir öðru fólki og lífinu, að allir hafa sömu
tækifæri og allir hafa sama tilverurétt og óbil-
andi réttlætiskennd.
Magga og Eyrúnu hitti ég oft hjá Jenný
vinkonu enda mikill samgangur á milli
okkar æskuvinkvennanna. Síðast í
desember þegar við enduðum óvænt
í dönsku jólahlaðborði hjá Jenný og
Arnari. Þar voru þau Maggi og Eyrún,
þessi yndislegu hjón, síld, kertaljós,
pólitík, bros og sögur. Alltaf sögur.
Það hefur oft verið erfitt að horfa upp
á fjölskylduna ganga í gegnum sorg-
ina síðustu vikur en ég veit að sam-
heldni þeirra og styrkur mun fleyta þeim
í gegnum missinn og með hlýjuna af lífi
þessa mæta drengs í hjartanu verður sorgin að
fagurri minningu. Þannig er það þegar þeir bestu
kveðja.
Elsku Eyrún, Nonni, Edda, Svavar Skúli, Magni Þór,
Magnús, Harpa, Friðrik, Jenný, Arnar og Litla Eyrún
Una, megi minningin um yndislegan mann og um-
fram allt besta vin ykkar lifa.
Hafðu þökk fyrir vináttuna Maggi.
Fyrir okkur ert þú sönn hetja.
Jóhanna Björk Pálmadóttir og fjölskylda
„Nótan – uppskeruhátíð
tónlistarskóla“, er samstarfs-
verkefni Félags tónlistarskóla-
kennara, Félags íslenskra
hljómlistarmanna og Sam-
taka tónlistarskólastjóra.
Nótan er hugsuð sem ný vídd
í starfsemi tónlistarskóla
og að hún sé í senn faglega
hvetjandi og skemmtilegt
innlegg í skólastarfið. Nótan
hefur verið haldin árlega síðan
2010 og þetta er því í þriðja
sinn sem hátíðin er haldin.
Tónlistarskólar landsins eru um
níutíu talsins. Þar fer fram gríðar-
lega fjölbreytt og öflugt starf og
með „Nótunni-uppskeruhátíð
tónlistarskóla“, er kastljósinu
beint að þessum samfélögum
og tónlistarnemendum veittar
viðurkenningar fyrir afrakstur
vinnu þeirra. Markmiðið er að
auka sýnileika og styrkja tengsl
tónlistarskóla við umhverfi sitt.
„Nótan-uppskeruhátíð tónlistar-
skóla“ er þrískipt og skipulögð
þannig að allir tónlistarskólar á
landinu geti tekið þátt. Efnisskrá
Nótunnar endurspeglar því á
landsvísu, ólík viðfangsefni tón-
listarnemenda á öllum aldri og
á öllum stigum tónlistarnáms.
Fyrsti hlutinn felst í því að tón-
listarskólar sem ætla að taka þátt,
velja þau atriði sem þeir ætla að
senda í annan hluta Nótunnar,
sem eru tónleikar þess land-
svæðis sem viðkomandi tón-
listarskóli tilheyrir. Skólarnir
framkvæma þennan fyrsta hluta
með mismunandi hætti, allt eftir
því hvað hentar hverjum skóla. Á
svæðistónleikunum velur síðan
valnefnd á vegum Nótunnar þau
atriði sem fara áfram í þriðja og
síðasta hlutann, sem eru lokatón-
leikar eða lokahátíð Nótunnar.
Tónlistarskóli Reykjanesbæjar
mun taka þátt í Nótunni 2012 og
þetta er í annað sinn sem skólinn
tekur þátt. Okkar svæði er Suður-
nes, Suðurland og svæðið um-
hverfis höfuðborgina, það sem
gjarnan er kallað "Kraginn".
Fyrsti hlutinn fer fram, eins
og áður segir, innan skólanna
sjálfra og mun Tónlistarskóli
Reykjanesbæjar að þessu sinni
framkvæma þann hluta með
hátíðartónleikum á sal Fjöl-
brautaskóla Suðurnesja, laugar-
daginn 25. febrúar, sem er hinn
árlegi Dagur tónlistarskólanna.
Tónleikarnir hefjast kl.14.00.
Á hátíðartónleikunum mun
valnefnd úr röðum kennara
velja þau atriði sem skólinn
sendir til þátttöku í svæðistón-
leikunum, sem verða haldnir í
Salnum í Kópavogi, sunnudaginn
11. mars. Þriðji og síðasti hluti
„Nótunnar-uppskeruhátíðar
tónlistarskólanna“, verður
í salnum Eldborg í Hörpu,
sunnudaginn 18. mars nk.
Þeir sem vilja vita meira um
Nótuna, geta farið á vefsíðu verk-
efnisins, www.notan.is. Síðan er
áhugasömum bent á að fylgjast
með framvindu mála á vefsíðu
Tónlistarskóla Reykjanesbæjar,
tonlistarskoli.reykjanesbaer.is
Dagana 27. og 28. febrúar nk. mun Forskóladeild
Tónlistarskóla Reykjanes-
bæjar ásamt Lúðrasveit C og
Strengjasveit halda tónleika
fyrir nemendur í öllum grunn-
skólum Reykjanesbæjar.
Þetta er níunda árið í röð sem
Forskóladeild og Lúðrasveitin
standa saman að grunnskóla-
tónleikum og að þessu sinni
bætist Strengjasveit skólans í
hópinn. Umfang verkefnisins
hefur vaxið ár frá ári og hefur sú
hefð myndast að því ljúki með
stór-tónleikum ætluðum al-
menningi og hafa börnin ávallt
spilað og sungið fyrir troðfullu
húsi og algerlega slegið í gegn.
Alls verða haldnir 6 skóla-
tónleikar á þessum tveimur
dögum og eins og hefðin býður,
mun tónleikaröðinni ljúka með
Stór-tónleikum í Íþróttamið-
stöð Njarðvíkur þriðjudaginn
28. febrúar. Tónleikarnir hefjast
kl. 19.30. Þar koma fram nem-
endur Forskóla 2 í Tónlistar-
skóla Reykjanesbæjar, en hann
skipa allir nemendur í 2. bekk
grunnskólanna í Reykjanesbæ,
alls um 210 börn, ásamt
Lúðrasveit skólans, C-sveit, og
Strengjasveit skólans. Á þessum
tónleikum koma því fram um
265 börn og unglingar. Allir
eru hjartanlega velkomnir
og aðgangur er ókeypis.
Fæddur 25. desember 1947
Dáinn 25. janúar 2012
Minningarathöfn frá Ytri- Njarðvíkurkirkju
föstudaginn 17. febrúar 2012
Magnús Þórarinn Daníelsson Prestur: Séra Baldur Rafn Sigurðsson
Organisti: Arnór Vilbergsson
Kór: Karlaraddir úr Kór Keflavíkurkirkju
Einsöngur: Valdimar Guðmundsson
Umsjón: Útfararþjónusta Suðurnesja
Aðstandendur þakka au sýnda samúð og hlýhug og bjóða kirkjugestum
að þiggja kaffisop í Víkingaheimum að athöfn lokinni.
Athöfnin verður send út á Fm 89,0 MHz
BLESSUN & EFTIRSPIL
Ísland er land þitt
Magnús Þór Sigmundsson
Klaus Østby 1909
Henry Trandberb-Valdemar V.Snævarr
Ég er á langferð um lífsins haf
og löngum breytinga kenni.
Mér stefnu frelsarinn góður gaf,
ég glaður fer eftir henni.
Mig ber að dýrlegum, ljósum löndum,
þar lífsins tré gróa’ á fögrum ströndum,
við sumaryl og sólardýrð.
En stundum aftur ég aleinn má,
í ofsarokinu berjast.
Þá skellur niðadimm nóttin á,
svo naumast hægt er að verjast.
Ég greini ei vita né landið lengur,
en ljúfur Jesús á öldum gengur,
um borð til mín í tæka tíð.
Lát akker falla! Ég er í höfn.
Ég er með frelsara mínum.
Far vel, þú æðandi dimma dröfn,
vor Drottinn bregst eigi sínum.
Á meðan akker í ægi falla
ég alla vinina heyri kalla,
sem fyrri urðu hingað heim.
Þá hinsti garðurinn úti er,
ég eigi lönd fyrir stöfnum.
Og eftir sólfáðum sæ mig ber,
að sælum blælygnum höfnum.
Og ótal klukkur ég heyri hringja.
Og hersing ljósengla Drottins syngja.
Velkominn hingað heim til vor.
Magnúsar Þórarins Daníelssonar
var minnst í Ytri-Njarðvíkurkirkju
síðastliðinn föstudag og hef ég
aldrei séð annan eins fjölda. Það
voru margir sjómenn sem heiðruðu
minningu hans þennan dag. Ég hef
aldrei orðið jafn djúpt snortin síðan
barnabarn mitt var jarðað fyrir tólf
árum. Ég held að ég megi segja að
það voru allir kirkjugestirnir líka.
Presturinn, kórinn, einsöngurinn
og valið á sálmunum, þetta var
alveg einstök upplifun. Hún sagði
það líka hún Eyrún mín að henni
hafi fundist Maggi sinn vera með í
ráðum. Maggi Dan var einstaklega
ljúfur maður, bjarta brosið, smit-
andi hláturinn og nærvera hans var
svo góð að öllum leið vel í návist
hans. Það elskuðu hann allir sem
kynntust honum.
25. janúar rennur mér seint úr
minni þegar sagt var frá slysinu í
fréttum og maður beið með öndina
í hálsinum að vita hvort mönnunum
fjórum hefði verið bjargað. En svo
kom fréttin og það var aðeins einn
sem lifði slysið af og hlusta síðan
á unga manninn lýsa skipsskað-
anum, þá sat maður sem lamaður
eð hnút í maganum og hugsaði
til þeirra og annarra sjómanna sem
hafa farist á sjó í gegnum tíðina.
Synir mínir, bræður og faðir stund-
uðu allir sjóinn. Maggi minn minnti
mig stundum á Tana bróður sem
drukknaði líka. Þeir áttu það sam-
eiginlegt að kenna mörgum ungum
strákum réttu sjómannstökin og
gerðu það vel. Tengdasonur minn,
synir og barnabarn byrjuðu hjá
Minning um Magnús Þórarin Daníelsson
Í minningu Magga Dan skipstjóra á Faxa
Magga Dan til sjós. Ölli maðurinn
minn var alltaf mættur á bryggjuna
til að fá aflatölur, þannig kynntust
þeir. Það var oft sem kallinn fékk í
soðið frá þessum elskulega manni.
Við Eyrún unnum sama starf hjá
Reykjanesbæ í mörg ár, elduðum
mat fyrir börnin á leikskólanum.
Hún á Gimli og ég á Holti. Börnin
þeirra voru góðir vinir barnanna
minna og heimagangur mikill á
báðum heimilum á Lágmóanum og
Borgarveginum.
Elsku kæra fjölskylda mér þykir svo
vænt um ykkur öll, ég bið Guð að
styrkja ykkur í sorginni.
Minningin lifir um góðan mann.
Fyrir hönd eiginmanns míns og
fjölskyldunnar, Erna Agnarsdóttir
Hátíðartónleikar á Degi tónlistarskólanna
›› Tónlistarskóli Reykjanesbæjar:
›› Tónlistarskóli Reykjanesbæjar:
Nótan-uppskeruhátíð
tónlistarskólanna
og Stór-tónleikar í Íþróttamiðstöð Njarðvíkur
Forskólatónleikar í
grunnskólum bæjarins