Víkurfréttir - 30.08.2012, Blaðsíða 39

VÍKURFRÉTTIR • FIMMTUDAGURINN 30. ÁGÚST 2012 39
20%
LJÓSANÆTUR-
AFSLÁTTUR
FULL BÚÐ AF
NÝJUM VÖRUM
Opnunar-
tími:
Miðvikudagur
kósýkvöld
frá kl. 20:00
til kl. 22:00
Fimmtudagur
til kl. 21:00.
Föstudagur
til kl. 21:00.
Laugardagur
til kl. 22:00.Tískusýning
fyrir utan búðina
kl. 14:30 og 16:30
á laugardeginum
.
Ljósmynda-
sýning
frá gömlum
tísku-
sýningum í
gluggum
Kóda.
Grótta kemur í Njarðvík
Njarðvíkingar taka á móti Gróttu í 2. deild karla í knattspyrnu í kvöld en Njarðvíkingar hafa ekki verið á sigurbraut að undan-
förnu. Síðasti sigurleikur liðsins kom 14. ágúst á heimavelli gegn KFR
en síðan þá hefur liðið leikið tvo leiki án sigurs. Njarðvíkingar eru í 8.
sæti deildarinnar með 24 stig.
Reynismenn töpuðu sex leikjum
milli 20. júlí og 24. ágúst.
Reynismenn hafa ekki riðið feitum hesti í 2. deildinni en fyrir skömmu töpuðust sex leikir í röð hjá Sandgerðingum. Í þessari
taphrinu fékk liðið á sig 18 mörk en náði aðeins að skora fimm, þar á
meðal tvö gegn Njarðvíkingum. Reynismenn byrjuðu mótið vel og eru
því enn í ágætis málum og verma 7. sæti deildarinnar með 25 stig, einu
meira en Njarðvíkingar hafa. Liðið gerði jafntefli gegn Gróttu í síðasta
leik en líklega eru Sandgerðingar orðnir langeygðir eftir sigri. Næsti
leikur liðsins er gegn Dalvík/Reyni á laugardag.
Víðismenn í úrslit 3. deildar
Í 3. deild eru Víðismenn komnir í 8-liða úrslit í 3. deild karla eftir að hafa tryggt sér sigur í c-riðli deildarinnar. Víðismenn enduðu á
toppnum með 34 stig. Þróttarar úr Vogum enduði í 4. sæti í sama riðli
með 20 stig en liðin áttust einmitt við í síðustu umferð. Þar fóru Víði-
smenn með sigur af hólmi 2-1. Reynir Þór Valsson kom Þrótturum yfir
eftir 10 mínútur en Hafsteinn Þór Friðriksson jafnaði metin fyrir lok
fyrri hálfleiks. Úrslitin réðust svo á sjálfsmarki sem Þróttarar skoruðu
í seinni hálfleik.
Kvennaliðin sigla lygnan sjó
Í kvennaboltanum eru Grindvíkingar í fjórða sæti í B-riðli 1. deildar með 20 stig. Fram er efst með 39 stig. Keflvíkingar eru í sama riðli
og eru sem stendur með 15 stig í 6. sæti. Suðurnesjaliðin tvö mættust
á dögunum og gerðu þá 2-2 jafntefli. Þær Þórkatla Sif Albertsdóttir og
Rebekka Salicki gerðu mörk heimamanna í Grindavík en Fanney Þ.
Kristinsdóttir og Arndís S. Ingvarsdóttir skoruðu fyrir Keflvíkinga.
„Ég held að þetta hafi ekki verið
neitt til þess að fetta fingur út í,
menn hafa alveg látið dómarana
heyra það áður,“ sagði Guðmundur
Steinarsson leikmaður Keflvíkinga
í samtali við Víkurfréttir en Guð-
mundur fór mikinn í viðtölum eftir
leik Keflvíkinga og Valsmanna í
Pepsi-deild karla á mánudag þar
sem Valsmenn höfðu 0-4 sigur.
Guðmundur sagði þar m.a. að svo
virtist sem dómarar hafi haft hags-
muna að gæta í leiknum og var væg-
ast sagt ósáttur við frammistöðu
þeirra. Ummælum Guðmundar
var þó ekki skotið til aganefndar
KSÍ sem kom saman á þriðjudag.
Var aldrei að reyna að kýla
eða sparka í neinn
Mikill hasar var í leiknum og voru
einhverjir sparkspekingar þeirrar
skoðunar að Guðmundur hefði
jafnvel átt að fjúka af velli eftir við-
skipti við Atla Svein Þórarinsson
fyrirliða Vals. „Ég sá þetta í sjón-
varpi og viðurkenni fúslega að
þar lítur þetta mjög illa út. Ég hélt
að það hefði verið búið að flauta
aukaspyrnu á Valsmanninn, sem
hefði verið mjög eðlilegt í þessari
stöðu. En það var ekki og ég reyni
að sparka í boltann. Ég hitti ekki
betur en það að það lítur út fyrir
að ég sé að þruma í manninn sem
er með lappirnar yfir boltanum. Í
framhaldi af því er ég að reyna að
snúa mér yfir á bringuna til þess
að rísa upp, en það lítur út fyrir að
ég sé að sveifla vinstri hendinni í
brjóstkassa leikmannsins. Ég var
aldrei að reyna að kýla neinn, eða
sparka í neinn,“ sagði Guðmundur.
„Menn mega japla á því hvort þeir
telji að um ásetning hafi verið að
ræða eða ekki. Ég hef nú ekki verið
þannig leikmaður að ég hafi verið
að reyna að kýla eða sparka í menn
í gegnum tíðina, þar hefði maður
kannski látið til sín taka þegar
maður var með unglingaveikina en
ekki núna á gamals aldri.“
Guðmundur segir ennfremur að
þessi leikur sé að baki og nú sé
næsti leikur á mánudaginn þar sem
Keflvíkingar mæta FH-ingum for-
gangsatriðið. „Við erum í fínum
málum í deildinni og ætlum að
skemmta okkur í þeim leikjum sem
eftir eru í mótinu,“ sagði framherj-
inn að lokum.
Staða hins Pepsi-deildar liðsins
versnaði svo til muna en botnlið
Grindvíkinga tapaði 2-1 gegn
Skagamönnum á Akranesi. Grind-
víkingar eru enn sem áður í neðsta
sæti deildarinnar með 10 stig en
Selfyssingar eru fimm stigum þar
fyrir ofan.
- segir Guðmundur Steinarsson um umdeilt atvik í leik Keflvíkinga og Valsmanna
LítuR mjöG iLLa
út í sjóNVaRpiNu
Árgangur 1942 hittist á Ljósanótt
Hefð er orðin fyrir því að árgangar komi saman í tenglum við Ljósa-nótt Í Keflavík og margir brottfluttir nota tækifærið og heimsækja
þá gamla bæinn sinn. Í tilefni af stórum áfanga á árinu 2012 ætlar
árgangur 1942 úr Keflavík og Njarðvík að koma saman. Þessi árgangur
var saman í Gagnfræðaskóla Keflavíkur og fermdist saman.
Meiningin er að hittast í súpu og kaffi á 2. hæð Icelandair hótel (Rauða sal)
að Hafnargötu 57 í Keflavík kl. 11:30 laugardaginn 1. september. Síðan er
áætlað að fara saman í árgangagönguna.
Ágæt þátttaka er og jafnvel dæmi um að einstaklingar sem búsettir hafa
verið lengi erlendis mæti. Hafi einhverjir ekki skráð sig er enn tækifæri.
Frekari upplýsingar fást á Facebook síðunni „Árgangur 1942 Keflavík“ eða
hjá Sólveigu í síma 895 2550 eða Þórdísi í síma 898 5486.