Víkurfréttir - 18.04.2013, Síða 6

fimmtudagurinn 18. apríl 2013 • VÍKURFRÉTTIR6
FRÉTTIR
AKURSKÓLI
ATVINNA
Kennarar óskast
Viltu vinna á faglegum, kraftmiklum og skemmtilegum
vinnustað? Þá er Akurskóli staðurinn fyrir þig.
Akurskóli óskar eftir kennurum til starfa næsta
skólaár.
Starfssvið:
Almenn kennsla
Heimilisfræðikennsla
Menntunar- og hæfniskröfur:
Kennaramenntun og réttindi til kennslu í grunnskóla
Þekking á þeirri hugmyndarfræði sem höfð er að
leiðarljósi í skólastarfinu
Góð mannleg samskipti
Metnaður til að bæta námsárangur og vinna að
framkvæmd framtíðarsýnar Reykjanesbæjar í
skólamálum
Akurskóli óskar eftir stuðningsfulltrúum til starfa
næsta skólaár.
Starfssvið:
Starfar með nemendum í leik og starfi utan og innan
kennslustofu. Annast gangavörslu, frímínútnagæslu,
aðstoðar í matar- og nestistímum og sinnir öðrum
störfum sem skólastjóri felur honum
Menntunar- og hæfniskröfur:
Reynsla eða menntun sem nýtist í starfi æskileg s.s.
sjúkraliðanám
Hæfni í mannlegum samskiptum
Sjá nánar um Akurskóla: www.akurskoli.is
Umsóknarfrestur er til 2. maí nk.
Sækja skal um starfið á vef Reykjanesbæjar
http://www.reykjanesbaer.is/stjornkerfi/laus-storf
Nánari upplýsingar veitir Sigurbjörg Róbertsdóttir,
skólastjóri í síma 420-4550 eða 849-3822. Einnig er
hægt að senda fyrirspurn á netfangið
sigurbjorg.robertsdottir@akurskoli.is
AÐALFUNDUR
FASTEIGNA REYKJANESBÆJAR EHF.
verður haldinn miðvikudaginn 24. apríl nk. kl. 15:00
í fundarsal bæjarráðs, Tjarnargötu 12.
BÓKASAFNIÐ
LOKAÐ Í MAÍ
Starfsfólk undirbýr nú flutning safnsins í ráðhús
Reykjanesbæjar, að Tjarnargötu 12.
Safnið verður því lokað allan maímánuð og opnað á
nýjum stað í júníbyrjun.
Þú getur hjálpað með því að taka eins margar bækur
að láni og þú getur borið í apríl.
Engar sektir falla á safngögn sem skila á í maí en
skilakassinn verður þó staðsettur utan við núverandi
húsnæði í Kjarna, fyrir þá sem vilja skila.
Stór-tónleikar í Andrews leikhúsi á Ásbrú
í Reykjanesbæ, laugardaginn 27. apríl kl.19.30
Aðgöngumiðar seldir á midi.is
Miðaverð aðeins kr. 2000
Skólastjóri
LÚÐRASVEIT TÓNLISTARSKÓLA
REYKJANESBÆJAR
OG HLJÓMSVEITIN VALDIMAR
Rýmingarsala í
verslun Hertex
við Hafnargötu
Hertex, fatamarkaður Hjálp-ræðisherins við Hafnargötu,
lokar þann 1. maí nk.
Hjálpræðisherinn í Reykjanesbæ
hefur í þrjú ár verið með fatamarkað
og súpueldhús að Hafnargötu 50 í
Keflavík.
Frá 1. maí eru aðrir aðilar sem taka
við í þessum húsakynnum og er
Hjálpræðisherinn því þessa dagana
að leita að nýjum stað fyrir þessa
starfsemi ásamt flokkun á notuðum
fatnaði.
Hertex verður því með rýmingar-
sölu dagana 22.-27. apríl þar sem
hægt verður að kaupa fatnað á 100
krónur flíkina eða fylla heilan poka
fyrir aðeins 1500 kr.
Á uppstigningardag, 9. maí munu
svo unglingar í Hjálpræðishernum
halda fjáröflun, með flóamarkað,
kaffi- og kökusölu í „Gömlu Grá-
gás“ að Vallargötu 14.
Hjálpræðisherinn í Reykjanesbæ og
sjálfboðaliðar í Hertex vilja þakka
öllum viðskiptavinum og þeim sem
gefið hafa fatnað fyrir stuðninginn.
Spila í
Saturday
Night Live
Íslenska hljómsveitin Of Mon-sters And Men mun spila í
frægasta grínþætti veraldar,
Saturday Night Live þann 4. maí
næstkomandi. Í þættinum koma
yfirleitt fram vinsælir tónlistar-
menn sem eru að gera það gott og
hafa margir þekktustu listamenn
veraldar komið fram í þættinum
í gegnum tíðina. Meðal þeirra
tónlistarmanna sem spilað hafa í
þættinum á þessu ári eru: Justin
Beiber, Justin Timberlake, Kend-
rick Lamar, Phoenix og Mackle-
more and Ryan Lewis. Þátturinn
er einn vinsælasti sjónvarps-
þátturinn vestanhafs og hefur
hann verið á skjánum frá árinu
1975.
Kynnir og gestaleikari þáttarins
verður gamanleikarinn Zach Ga-
lifinakis sem er hvað best þekktur
fyrir leik sinn í Hangover mynd-
unum.
Ferðamálasamtök Suðurnesja og Miðstöð símenntunar á
Suðurnesjum skrifuðu á dög-
unum undir samstarfssamning
um að efla menntun á meðal
starfsfólks í ferðaþjónustu á
Suðurnesjum og auka þar með
fagmennsku i greininni.
Í tilefni af því voru Sævar Baldurs-
son formaður Ferðamálasamtaka
Suðurnesja og Guðjónína Sæ-
mundsdóttir forstöðumaður Mið-
stöðvar símenntunar beðin um að
útlista hvað felst í samningnum og
hvar ferðaþjónustan á Suðurnesjum
stendur í dag.
„Þetta samstarf er afar ánægjulegt
fyrir Miðstöð símenntunar en við
höfum verið að sinna fræðslu í
ferðaþjónustunni undanfarin ár og
m.a. hafa útskrifast leiðsögumenn
frá okkur, Færni í ferðaþjónustu
hefur verið í boði hjá okkur undan-
farin ár og fjölmörg stutt námskeið
m.a. fyrir sumarstarfsfólk. Við
höfum mikinn hug á að efla þekk-
ingu innan greinarinnar og auka þar
með gæði hennar. Ferðaþjónustan
er mjög mikilvæg atvinnugrein og
ekki síst hér á svæðinu og mikil-
vægt að við getum nýtt hana sem
mest. Góð þekking á svæðinu eykur
eyðslu ferðamanna en mikilvægt
er að geta leiðbeint um hvar séu
flottir og áhugaverðir staðir, hvar
veitingastaðir eru, hvaða afþreying
sé í boði svo dæmi séu tekin. Ef við
beinum öllum til Reykjavíkur þá
fer líka gjaldeyrinn þangað“ segir
Guðjónína.
Samkvæmt Sævari hefur mikið
skort á menntunartækifæri í ferða-
þjónustugreininni og því ber að
fagna að MSS hafi átt frumkvæði að
aukinni menntun í ferðaþjónustu
sem verður til að byrja með stutt
og hnitmiðuð námskeið og seinna
meir stærri námskeið og náms-
leiðir. FSS hvetur alla aðila sem á
beinan eða óbeinan hátt tengjast
ferðaþjónustu að kynna sér þessar
námsleiðir.
Sævar bendir á að það eru til að-
ilar í ferðaþjónustu án þess að gera
sér grein fyrir því, það er starfsfólk
bensínafgreiðslustöðva, veitinga-
staða, dekkjaverkstæða og fleiri
staða sem ferðamenn koma inn á
og þessa aðila þarf að virkja til að
aðstoða við að bæta ferðaþjónustu
og afkomu á svæðinu með því að
beina ferðamanninum inn í bæjar-
félögin og kaupa þar þjónustu.
„Ferðaþjónustuaðilar standa sig
misvel og vantar að vinna betur
saman að sameiginlegum verk-
efnum til að auka sinn hlut af kök-
unni. Það má segja að við eigum
mörg ónýtt tækifæri sem hægt er
að vinna að í sameiningu og auka
þarf fagmennsku í greininni, ásamt
því að auka upplýsingastreymi til
ferðamanna, vekja athygli þeirra á
Reykjanesinu áður en til landsins
er komið. Brýnustu verkefnin sem
framundan eru, er að efla afþrey-
ingu og að mynda „pakka“ til að
selja ferðamönnum, einnig þarf að
huga að starfsmenntun og meiri
fagmennsku í samskiptum við
ferðamenn og efla markaðssetningu
svæðisins yfir heildina með sam-
vinnu við Markaðsstofu Reykjaness
en það fyrirkomulag verður kynnt
ferðaþjónustufyrirtækjum á næst-
unni“ segir Sævar.
Sævar Baldursson, formaður Ferðamálasamtakanna og Guðjónína
Sæmundsdóttir, framkvæmdatjóri MSS undirrituðu samninginn.
VF-mynd/pket.
Samningur um eflingu
menntunar í ferðaþjónustu