Víkurfréttir - 18.04.2013, Page 14

fimmtudagurinn 18. apríl 2013 • VÍKURFRÉTTIR14
Það var vor í lofti og óvissuferð með vinnu-
félögunum framundan. Allur dagurinn
í góðum félagsskap þar sem gleðin yrði
við völd og ég undirbjó mig líkamlega og
andlega fyrir þessa árlegu skemmtiferð.
Andlegi undirbúningurinn fólst aðallega
í að hvíla sig og spara sig aðeins í aðdrag-
anda ferðarinnar á meðan sá líkamlegi
fólst í praktískum hlutum eins og mat,
klæðnaði og útivistargræjum. Ég og vinur
minn bárum saman bækur okkar
og vorum sammála um að það
væri sniðugt að vera saman með
eitt kælibox fyrir drykkjarföng og
nesti í stað þess að vera bæði að
rogast með slíkt og var ákveðið að
ég skyldi vera með „minibarinn“
meðferðis og hann ætlaði að græja
glös, dúk og servíettur í stíl.
Það var ljóst að það var verið að
tala um tveggja manna birgðir og
þyrfti kæliboxið að vera í stærra
lagi. Ég hringdi í „útivistar-
höfðingjann“ í minni fjölskyldu,
bróður minn og bað um að fá
eitt slíkt lánað og varð hann við þeirri
bón. Vissi sem var að hann hafði ekki
sérstaklega góða reynslu af því að lána
útilegudótið sitt því annað hvort var því
skilað seint eða það kom í slæmu ástandi
til baka. Ég þakkaði honum því kærlega
fyrir og lofaði að hann fengið boxið strax
daginn eftir og auðvitað í topp standi - ég
væri þessi áreiðanlega týpa.
Dagurinn var yndislegur og kvöldið ekki
síðra. Óvissan reyndist í þetta skiptið vera
fyrir austan fjall og var glatt á hjalla og
boxið góða og undirbúningurinn fyrir ferð
gerði að verkum að við vinirnir bárum af
þegar kom að stíl og stuði - vorum alveg
með‘etta! Minibarinn var smekklegur og
innihaldið gerði að verkum að við urðum
glaðari eftir því sem leið á daginn og
kvöldið. Það voru því glaðbeittir en þreyttir
vinir sem lögðust á koddann eftir rúman
hálfan sólarhring í skemmtilegheitum,
„high five“ á þetta og svo rotuðumst við!
Vorum ekki alveg eins rishá þegar við
vöknuðum daginn eftir og ekki laust við
að það væri enn einhver óvissa í kollinum
á okkur. Ég bjó í Reykjavík og vinur minn í
Keflavík svo það þurfti að koma honum og
boxinu góða til síns heima. Þegar ég fer að
hreinsa mini-barinn sá ég mér til hryllings
að kæliboxið var brotið - já já risa sprunga
eftir því endilöngu og engu líkara en ég
hefði uppgötvað stærðar jarðsprungu eftir
endilöngu stofugólfinu hjá mér þegar ég sá
þetta, slík voru viðbrögðin. „Ég skila ekki
bróður mínu brotnu boxi, það er á hreinu“.
Vinur minn reyndi að róa mig og benti
mér á að þetta væri bara kælibox en ég leit
á hann með augnaráði sem sagði; ef þú
heldur virkilega að þetta snúist bara um
þetta kælibox þá ertu engan veginn að átta
þig á samhengi hlutanna. Þetta snýst um
traust, virðingu, trúverðugleika, þroska,
óeigingirni og áreiðanleika......bara BOX
my .......!!
Fann að vinur minn hugsaði (af því að ég
get lesið hugsanir munið þig) almáttugur
Anna Lóa, hvað það hlýtur stundum að
vera erfitt að vera þú, en hafði vit á því að
segja: þá förum við bara og kaupum annað
alveg eins BOX og málið er dautt.
Þá erum við komin að seinni hluta þess-
arar sögu sem nefnist; BOX-leitin mikla.
Við þræddum útivistarbúðir í Reykjavík
og fundum fullt af allskyns kæliboxum
en ekkert eins og þetta. Okkur vantaði jú
dökkblátt BOX með hvítu loki - ekki flókið
hefði maður haldið en auðvitað hefur
BOX-maðurinn endilega þurft að búa þau
til í öllum öðrum litum og stærðum.
Seinnipart dags játaði ég mig sigraða
en datt þá í hug að hringja í bróðurson
minn og leita ráða og spyr hvort hann viti
hvar pabbi hans hafi keypt BOXIÐ. Hann
hlustaði á örvæntingarfulla frænku sína
og spyr svo: ertu að tala um bláa BOXIÐ
með hvíta lokinu? Ég jánkaði því á sama
tíma og ég bað til Guðs að hann hafi ekki
flutt þetta með sér frá Noregi hér um árið
- reiknaði strax í huganum að þetta yrði þá
líklega dýrasta kælibox sögunnar - Osló
here I come!!!
Þá segir frændi: Anna Lóa mín, hlustaðu
nú vel, ég á reyndar þetta BOX, fékk það
gefins þegar ég var að vinna í útivistar-
búðinni hér um árið - af því að það var
BROTIÐ!!!!!!
Þangað til næst - gangi þér vel!
Anna Lóa
Fylgstu með mér - http://www.
facebook.com/Hamingjuhornid
Káta litla og kæliboxið!
ANNA LÓA
ÓLAFSDÓTTIR
SKRIFAR
HamIngjUHoRnIð
Anna Lóa
Almáttugur
Anna Lóa,
hvað það hlýtur
stundum að vera
erfitt að vera þú.
Fíkniefnapoki
í peningakassa
Lögreglan á Suðurnesjum handtók fíkniefnasala
aðfaranótt mánudags og lagði
hald á umtalsvert magn af
fíkniefnum, fimm farsíma og
fjármuni. Þegar lögreglu bar
að garði voru þrír karlmenn í
umræddu húsnæði. Þar voru
glögg ummerki um fíkniefna-
neyslu. Mennirnir voru hand-
teknir og undirritaði húsráð-
andi leitarheimild.
Við húsleit ina fundu lög-
reglumenn, auk fíkniefnanna,
farsímanna og peninganna,
peningakassa sem var læstur. Á
lögreglustöð heimilaði eigandi
hans að hann yrði opnaður. Í
honum reyndist vera stór poki
með kannabisefnum, litlir plast-
pokar og vog. Mennirnir sem
handteknir voru eru um og yfir
tvítugt.
Setja krana á
Gerðabryggju
Bæjarráð Garðs
hefur sam-
þykkt að
setja upp
krana við
Gerða-
bryggju í
samstarfi við
Björgunarsveitina Ægi. Áætlaður
kostnaður sveitarfélagsins er 1,2
milljónir króna. Kostnaðurinn
færist á handbært fé hafnarsjóðs.