Víkurfréttir - 18.04.2013, Side 16

fimmtudagurinn 18. apríl 2013 • VÍKURFRÉTTIR16
ásbRú
Tónlistarhátíðin All Tomor-row's Parties hefur hreiðrað
um sig á Íslandi. Nánar til tekið
á gömlu herstöðinni sem við
þekkjum nú í daglegu tali sem
Ásbrú. Hátíðin fer fram helgina
28.-29. júní en undirbúningur
fyrir hátíðina hefur staðið í yfir
tvö ár. Tómas Young hefur veg
og vanda af hátíðinni en hann
er fæddur og uppalinn Keflvík-
ingur.
Hátíðin hefur verið í startholunum
í tæp tvö ár. Á hátíðinni koma
fram átta erlendar hljómsveitir og
12 íslenskar. Meðal þeirra sveita
sem leika listir sínar er hin heims-
fræga hljómsveit Nick Cave and
the Bad Seeds. Auk þess að vera
mikil tónlistarveisla þá verður
ýmislegt annað hægt að finna sér til
dundurs á hátíðinni. Sýndar verða
bíómyndir sem hljómsveitirnar
sjálfar velja og einnig mun leik-
stjórinn Jim Jarmusch velja nokkrar
kvikmyndir sem sýndar verða fyrir
gesti en hjómsveit hans spilar á há-
tíðinni. Einnig verður bryddað upp
á því að hafa Popppunktskeppni en
þar verður sjálfur Dr. Gunni við
stjórnvölinn. Fyrirhugað er að hafa
fótboltamót þar sem hljómsveit-
irnar keppa innbyrðis eða gegn
gestum sem vilja spreyta sig, það
sama á við um Popppunkt.
Tómas segir að hugmyndin að há-
tíðinni hafi fæðst árið 2011 þegar
haldin var hugmyndasmiðja á
Ásbrú fyrir aðila úr tónlistargeir-
anum á Suðurnesjum. Þar var rætt
hvað væri hægt að gera á svæðinu
sem tengdist tónlist á einhvern
hátt. Tómas segir ýmsar fínar hug-
myndir hafa komið þar fram og
m.a. kom sú hugmynd fram að
halda tónlistarhátíð í anda ATP, þar
sem Ásbrú væri kjörinn vettvangur
til þess í ljósi aðbúnaðar sem væri
til staðar, bæði varðandi tónleika-
staði og nægt gistipláss. „Það olli
smá svefnleysi hjá mér þegar ég sá
tækifærin. Skildi ekki hvers vegna
enginn væri búinn að átta sig á
þessu,“ segir Tómas sem fór á hug-
myndasmiðjuna með það hugarfar
að hann gæti sjálfsagt komið með
eitthvað til borðsins en alls ekki
bætt við sig verkefnum.
Í fullu stafi sem fjölskyldu-
faðir og tengiliður við
Hróarskeldu
Hann hafði í nógu að snúast með
verkefni tengd Hróarskelduhátíð-
inni og verandi í krefjandi starfi
fjölskylduföðurs. „Auðvitað fór
það ekkert þannig. Það var bara
keyrt af stað og hátíðin var fyrir-
huguð í febrúar 2012 fyrst undir
öðru nafni. Svo bökkuðu erlendu
böndin sem ég hafði rætt við út úr
því, þannig að ég ákvað að endur-
hugsa þetta aðeins og endaði á því
að ræða þetta beint við ATP þar
sem hugmyndin var upphaflega
byggð á þeirri hátíð.“ Tómas segir
að þetta hafi fljótlega orðið meira
en lítið hliðarverkefni. „Þetta er
búin að vera hálfgerð della hjá mér
síðan. Þetta gerðist ekkert á einum
eða tveimur fundum,“ segir Tómas
og hlær. „Ég var örugglega búinn
að funda 15-20 sinnum áður en
það kom grænt ljós. Þetta er ekki
beint hrist fram úr erminni að setja
upp svona hátíð.“
Tómas lærði sjálfur á trommur sem
polli og hann var í hljómsveitinni
Rými á sínum unglingsárum. Hann
er alls ekki óvanur tónleikahaldi en
hann sinnti skipulagi tónleikahalds
fyrir Ljósanótt í nokkur ár þegar
hann var í kringum tvítugt. Hann
hefur verið opinber tengiliður
Hróarskelduhátíðarinnar á Íslandi
síðan árið 2000 og auk þess var
hann umboðsmaður Hjálma um
tíma. Á daginn starfar Tómas hjá
ÚTÓN, sem er Útflutningsstofa ís-
lenskrar tónlistar.
Gera má ráð fyrir nokkrum fjölda
erlendra gesta á hátíðina enda hefur
nafn hátíðarinnar fest sig verulega
sessi. „Það er stóri kosturinn við
það að koma með stór nöfn á há-
tíðina. Það má alveg gera ráð fyrir
því að útlendingarnir láti sjá sig á
fyrstu hátíðinni. Það tekur tíma að
byggja svona hátíð upp eins og sést
með Iceland Airwaves. En með því
að fá þekkta listamenn strax inn
setur það okkur nokkur ár fram í
tímann,“ segir Tómas en hann segir
fjölda útlendinga hafa keypt miða
jafnvel áður en vitað væri hvaða
hljómsveitir kæmu fram. Hátíðin
er bresk og hefur verið starfandi
síðan árið 1999. Hún hefur verið
haldin í löndum utan Englands,
en þar má nefna Japan, Ástralíu og
Bandaríkin.
Hátíðin mun að mestu fara fram í
Atlantic Studios kvikmyndaverinu
en það er stór skemma sunnan við
Andrews kvikmyndahúsið. Tómas
segir húsin á Ásbrú vera vel í stakk
búin til tónleikahalds og aðstaðan
með besta móti. 4000 miðar eru í
boði á hátíðina og að sögn Tómasar
gengur miðasala vel.
Hliðarverkefni
sem varð að dellu
Saga Eurovisionkeppninnar spannar nær 6 áratugi og
skipta lögin þúsundum. Við
Íslendingar tókum ástfóstri
við keppnina löngu áður en
Gleðibankinn varð ok kar
fyrsta framlag, 30 árum eftir að
keppnin hófst. Síðasta vetrar-
dag eða næsta miðvikudags-
kvöld verður Saga Eurovision
flutt í Andrews-leikhúsinu.
Í þessari glæsilegu tónleikasýn-
ingu verður saga Eurovision-
keppninnar rakin í tali og tónum,
allt frá árinu 1956 til dagsins í dag
og víst er að hér er sannarlega
á ferðinni skemmtun fyrir alla
fjölskylduna, því ALLIR eiga
sín uppáhaldslög úr keppninni.
Öll eigum við skemmtilegar
minningar tengdar Eurovision
og munu þær eflaust koma upp
í hugann þetta kvöld, þegar
helstu perlur keppninnar verða
fluttar af þeim Friðriki Ómari,
Selmu Björnsdóttur og Regínu
Ósk ásamt Eurobandinu. Þetta er
viðburður sem aðdáendur Euro-
vision, á öllum aldri, mega ekki
missa af.
Söngvarinn Friðrik Ómar er í
framvarðasveit sýningarinnar.
Hann segir það spennandi að
koma til Suðurnesja. Andrews
leikhúsið hafi allt til alls og sé
frábært tónleikahús.
- Segðu mér aðeins frá hugmynd-
inni á bak við „Sögu Eurovision“
og þessari uppfærslu ykkar?
„Eurobandið hefur verið starf-
andi í 7 ár núna í mars og það var
alltaf á planinu að búa til tónleika
með lögum úr Eurovision. Við
höfum einungis spilað á böllum
til þessa. Þar þýðir víst lítið að
leika allar flottu ballöðurnar úr
keppninni. Á böllunum spilum
við bara stuðlögin en við erum
með 60 laga stuðprógramm. Nú
bætast við allar flottu ballöðurnar
fyrir tónleikana svo það mætti
ætla að hljómsveitin kunni nú
um 100 Eurovision-lög utan að.
Saga keppninnar spannar nær
60 ár og lögin skipta þúsundum
svo af nógu er að taka. Það er
hreint með ólíkindum hvað það
er mikið af flottum lögum úr
keppninni“.
- Hvað réð tónlistarvalinu og
hvaða lög eru þetta?
„Þetta eru fyrst og fremst lög sem
við teljum að Íslendingar vilji
heyra á tónleikum. Við ætlum
að skemmta fólki. Það er númer
eitt, tvö og þrjú. Við eigum líka
nokkur uppáhalds lög sem við
tökum aukalega. Þetta er svona
hæfileg blanda af lögum sem
urðu vinsæl á Íslandi og síðan
lögum sem skipa stóran sess í
sögu keppninnar.
- Hvernig byggið þið upp sýn-
inguna? Eruð þið að syngja þetta
saman eða hvert í sínu lagi?
„Við erum á sviðinu allan tímann
því við röddum fyrir hvort annað
líka. Þetta er mjög heimilisleg
stemmning hjá okkur. Við erum
öll góðir vinir og tökum þetta á
gleðinni og húmornum alla leið.
En við vöndum okkur samt við
flutninginn. Leggjum mikinn
metnað í að hafa þetta í lagi“.
- Hvað veldur því að þið ákveð-
ið að koma til Suðurnesja með
sýninguna á síðasta vetrardegi?
„Okkur langaði til að gefa fólki í
nágrenni Reykjavíkur kost á að
koma án þess að þurfa endilega
að koma í Hörpu. Það eru fleiri
æðisleg hús hérna á svæðinu
eins og Andrews Theatre. Það
hefur allt til alls. Dagsetningin er
skemmtileg. Við kveðjum vetur-
inn með glamúr og glæsileika.
Þetta verður rosalega skemmti-
legt. Ég lofa því að gestirnir fara
brosandi út og tilbúnir í sum-
arið“.
Miðasala fer fram á midi.is en
einnig má kaupa miða við inn-
ganginn og í síma 540-9800.
Börn yngri en 12 ára fá miðann
á 2000. Einungis er hægt að bóka
barnamiða í síma 540-9800.
Heklan, atvinnuþróunarfélag Suðurnesja og MSS munu
bjóða áhugasömum að taka þátt í
hönnunar- og frumkvöðlasmiðju
í Eldey í maí.
Markmið smiðjunnar er að þátt-
takendur hanni og þrói vörur er
byggja á endurvinnslu eða nýtingu
á hráefni úr náttúru Reykjaness.
Afurðirnar verða svo kynntar á vef-
síðu og markaðssettar sem mögu-
legar söluvörur.
Farið verður yfir stuðningsum-
hverfi frumkvöðla og veitt ráð m.a.
varðandi styrkumsóknir og mark-
aðssetningu.
Smiðjan verður kennd í Eldey á
dagtíma, milli kl. 9:00 og 15:00 og
leiðbeinendur verða Daníel Sig-
mundsson listamaður og Linda
Stefánsdóttir leikmyndahönnuður
en þau standa á bak við vörulínuna
Krukka sem byggir einmitt á hug-
myndafræði endurvinnslu.
Skráning og upplýsingar eru hjá
MSS í síma 421 7500 eða www.mss.
is.
Tónlistarhátíðin All Tomorrow's Parties á Ásbú í sumar. Keflvík-
ingurinn Tómas Young stendur fyrir stórri tónlistarveislu í lok júní.Saga EuroviSion
flutt í andrEwS
Hönnunar- og frumkvöðla-
smiðja í Eldey í maí
Hátíð!
Tómas Young
hefur veg
og vanda
af hátíðinni
en hann er
fæddur og
uppalinn
Keflvíkingur.