Bæjarins besta - 02.08.2007, Side 13
FIMMTUDAGUR 2. ÁGÚST 2007 13
Undir áhrifum Djúpuvíkur
Dýrfinna Torfadóttir, gullsmiður, opnaði sýningu á verkum sínum í Hótel
Djúpavík á laugardag fyrir viku. Dýrfinna heimsótti Djúpuvík og fleiri nálæga
staði í fyrrasumar og að því er fram kemur í tilkynningu varð hún fyrir sterkum
áhrifum af umhverfi og fegurð svæðisins. Hún vann í kjölfarið nokkrar gripi og
setti saman myndverk sem verða til sýnis á hótelinu til loka ágústmánaðar.
„Allt áhugafólk er velkomið og þeir sem verða á faraldsfæti þennan tíma sem
sýningin stendur ættu að líta við á hótelinu og fá sér hressingu og litast um“.
Styrkja atvinnusköpun
Bolungarvíkurkaupstaður hefur samþykkt að veita Fjölmenningarsetrinu á Ísafirði styrk
sem nemur 30.000 krónum til þess að kanna atvinnuástand á norðanverðum Vestfjörð-
um í kjölfar óvissu á atvinnumarkaðnum á vormánuðum. Fjölmenningarsetrið hefur í
hyggju að leggja könnun fyrir innlenda og erlenda íbúa svæðisins. Bæjarráð tók styrk-
beiðnina fyrir á fundi fyrir stuttu og samþykkti að styrkja könnunina.Var þá vakin athygli
á því að Bolungarvíkurkaupstaður brást strax við því ástandi sem skapaðist á atvinnu-
markaði í sveitarfélaginu í vor, m.a. með því að ráða inn viðbótarstarfsfólk í áhaldahús.
Ekki búið að sækja um losun-
arheimildir fyrir olíuhreinsistöð
Búið er að sækja um 134%
leyfilegra losunarheimilda Ís-
lendinga í koltvísýringi á
árunum 2008 til 2012. Heim-
ildirnar eru samkvæmt Kyoto-
bókuninni sem Ísland er aðili
að. Alls eru heimildir fyrir
losun á 10,5 milljónum tonna
á ári en búið er að sækja um
heimildir fyrir 13,4 milljónum
tonna á tímabilinu. Þetta kem-
ur fram á vef Umhverfisstofn-
unar. Athygli vekur að búið
er að sækja um heimildir fyrir
verksmiðjur sem enn eru á
umræðustigi og óvíst hvort
að verði reistar. Má þar nefna
álver Fjarðaráls að Bakka og
álver Alcan í Þorlákshöfn.
Ekkert bólar á umsókn um
losunarheimildir fyrir olíu-
hreinsistöð á Vestfjörðum.
Í erindi Hafsteins Helgason-
ar frá verkfræðistofunni Línu-
hönnun, sem hægt er að nálg-
ast vef Fjórðungssambandi
Vestfirðinga, kemur fram að
koltvísýringsmengun frá olíu-
hreinsistöð á Vestfjörðum
yrði 560 þúsund tonn ári. Við
nánari eftirgrennslan kemur í
ljós að sú tala er miðuð við
allra lægstu gildi, eða 70 kg
koltvísýringur per tonn. Losun
koltvísýrings frá olíuhreinsi-
stöðvum er á bilinu 70 – 250
kg/tonn, sumsé á milli 560
þús. og 2 millj. tonn á ári.
Lokað var fyrir umsóknir
starfandi fyrirtækja þann 1.
júní s.l. en ný fyrirtæki geta
sótt um níu mánuðum áður en
þau hefja rekstur. Umræddar
heimildir gilda fyrir starfsemi
í staðbundinni orkuframleið-
slu með brennslu jarðefna-
eldsneytis sem losar meira en
30 þús. tonn koldíoxíðs árlega
eða staðbundinni iðnaðar-
framleiðslu sem losar meira
en 30 þús. tonn koldíoxíðs
árlega.
Það er Umhverfisstofnun
sem fer yfir allar umsóknir og
metur hvort þær eru raunhæf-
ar. Síðan fer sérstök úthlutun-
arnefnd yfir þær og útdeilir
heimildunum. Í nefndinni sitja
fulltrúar frá fjármála-, um-
hverfis- og iðnaðarráðuneytis.
Samningar um næsta skref
Kyoto hefjast nú í haust á Bali
og á að ljúka í Kaupmanna-
höfn árið 2009. Gangi það eftir
gefst aðildarríkjunum færi á
að fullgilda samkomulagið
áður en fyrsta skuldbindingar-
tímabili Kyoto-bókunarinnar
lýkur árið 2012.
Miðað við hugsanlega los-
un frá olíuhreinsistöð og að
búið er að sækja um allar los-
unarheimildir okkar og gott
betur, verður ekki betur séð
en að stöðin rísi í fyrsta lagi
eftir 2012. Einnig má færa
fyrir því rök að ósennilegt sé
að Íslendingar fái auknar los-
unarheimildir í næsta sam-
komulagi, enda er markmiðið
að minnka losun koltvísýr-
ings. Aðrir leiðir eru mögu-
legar, t.d. að stjórnvöld á Ís-
landi hunsi Kyoto-bókunina
eða fyrirtæki kaupi losunar-
kvóta. – smari@bb.is
Lítil tiltrú á olíuhreinsi-
stöð innan stjórnkerfisins
Á fréttavefnum Eyjunni er
það fullyrt, og vísað í ónafn-
greinda heimildarmenn, að
þeir aðilar sem eiga í viðræð-
um um olíuhreinsistöð hafi
verið beðnir að gera grein fyrir
hverjir standi á bak við verk-
efnið en orðið lítt ágengt. Það
virðist vera að öll atriði varð-
andi bakhjarla, fjármögnun og
fyrirtæki sem munu leggja til
hráefni og selja afurðir eru
ófrágengin samkvæmt því
sem greint er frá á Eyjunni.
Þá segir einnig að heimild-
armenn Eyjunnar í stjórnkerf-
inu hafi ekki öðlast tiltrú á
verkefninu eftir lestur minnis-
blaðs frá rússnesku aðilunum
sem eru í viðræðum um olíu-
hreinsistöð á Vestfjörðum.
Enn og aftur er vísað í heim-
ildarmenn og því haldið fram
að ekki sé um „konkret“ verk-
efni að ræða, eins og það er
orðað og vísað í önnur stór-
iðjuverkefni á landinu sem
andstæðu olíuhreinsistöðvar-
innar.
Orðrétt segir: „Í tilfelli olíu-
hreinsistöðvarinnar virðist
hins vegar um að ræða aðila
sem vilji búa til viðskiptatæki-
færi - jafnvel til að endurselja
aðilum í olíugeiranum. Þau
verðmæti sem sóst er eftir fel-
ist í því að ná samningum við
Íslendinga um leyfi til að reisa
og reka stöðina. Þegar þeir
liggi fyrir verði fjármögnunar
leitað eða samningarnir seldir
eða notaðir sem verðmæti við
að búa til félag um reksturinn
í samstarfi við aðra aðila.“
Umræða um olíuhreinsistöð
má ekki kæfa aðrar aðgerðir
Gunnar Hallsson, bæjarfull-
trúi í Bolungarvík, segir eðli-
legt að það byggist upp tor-
tryggni í garð olíuhreinsi-
stöðvar. „Það vantar mikið af
upplýsingum um hvort þetta
sé mögulegt en það er alveg á
hreinu að allar bæjarstjórnir á
Vestfjörðum hafa sent frá sér
ályktanir eða skýr skilaboð um
að halda áfram markvissri
vinnu til að fá úr því skorið
hvort verkefnið sé gerlegt og
eitthvað sem við teljum henta
okkar svæði“, segir Gunnar.
„Umræða um hugsanlega
olíuhreinsistöð má ekki skyggja
á þau brýnu mál sem við þurf-
um að vinna að í augnablikinu.
Ég lít ekki svo á að umræðan
um olíuhreinsistöð sé partur
af boðuðum mótvægisaðgerð-
um.“ Hann segist sjálfur ekki
geta mælt með eða á móti olíu-
hreinsistöð, of mörgum spurn-
ingum sé ósvarað til að hægt
sé að taka afstöðu til málsins.
Flosi Jakobsson, útgerðar-
maður í Bolungarvík, sagði
þá sveitarstjórnarmenn sem
mæla á móti olíuhreinsistöð
vera ábyrgðalausa bendi þeir
ekki á neitt annað sem gæti
komið í staðinn. „Ég hef sem
bæjarfulltrúi varað við að
þetta mál kæfi allt annað. Ef
það gerist og svo kæmi í ljós
að þetta yrði ekki að veruleika
þá værum við búin að tapa
dýrmætum tíma í ekkert“,
segir Gunnar.
Gunnar segist líta svo á að
málið sé í ágætis farvegi svo
langt sem það nær miðað við
hversu mikið vantar upp á
upplýsingar um olíuhreinsi-
stöðina og þá sem sagðir eru
standa að baki þessari hug-
mynd.
Grímur Atlason, bæjarstjóri
Bolungarvíkur, hefur lýst yfir
andstöðu sinni við olíuhreinsi-
stöð á Vestfjörðum. Gunnar
segir það ekki koma á óvart
enda eru hans hugsjónir og
væntingar á nótum náttúru-
verndar. „En hann hefur bent
á mörg góð mál sem gætu
komið Vestfjörðum vel og
bæjarstjórn Bolungarvíkur
leggst sem einn maður á þær
árar enda nauðsynlegt að auka
fjölbreytni á atvinnumarkað-
inum hér vestra.“, segir Gunn-
ar.
– smari@bb.is
Frá Bolungarvík.
Ljósmyndara blaðsins rak í rogastans þegar hann
keyrði Seljalandsveginn á Ísafirði í gær og sá að búið
var að leggja nýtt gervigras á blettinn við húsið Þórs-
hamar. Húsráðandinn, Fjölnir Baldursson, segir að
hann hafi fengið nóg af því að slá og lausnin hafi verið
einföld, setja gervigras á lóðina. Hann segir þetta vera
það sem koma skal, grasið er iðagrænt og „nýslegið“
allan ársins hring. Kostnaðinn segir hann ekki vera
mikinn sé litið til lengri tíma. Sláttuvélar kosti sitt og
hafi í gegnum tíðina ekki reynst langlífustu heimilis-
tækin. Sér hann fyrir sér að eftir 20 til 30 ár hafi þetta
borgað sig upp. Svo ekki sé minnst á gleðina sem fellst
í því að sleppa við sláttinn. – smari@bb.is
Setti gervi-
gras á lóðina
Fjölnir Baldursson á gervigrasinu.