Bæjarins besta - 04.10.2007, Blaðsíða 8
FIMMTUDAGUR 4. OKTÓBER 20078
STAKKUR SKRIFAR
Merkileg barátta
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Óneitanlega er það merkileg frétt að þekktur hæstaréttarlögmaður í
Reykjavík hafi nú bæst í hóp barna Hermanns heitins Jónassonar fyrrum
forsætisráðherra og formanns Framsóknarflokksins. Lúðvík Gissurarson
taldist ekki lengur til barna Gissurar Bergsteinssonar hæstaréttardómara
eftir úrskurð árið 2004. Að vísu þurfti Lúðvík að leita tvisvar til Hæstaréttar
áður en héraðsdómur tók kröfu hans til efnismeðferðar. En nú er niðurstaða
héraðsdóms Reykjavíkur fengin og telst Lúðvík sonur Hermanns.
Það er raunverulegur kostur fyrir fólk að láta fara fram líferfðafræðilega
rannsókn á sjálfu sér og ættingjum lifandi og látnum til að skera úr um
faðerni. Það er stórmerkilegt svo ekki sé meira sagt og þá vaknar spurningin
um það hverju sé að treysta í ættarskrám Íslendinga. Þjóðin hefur lagt mikið
upp úr ættrakningu og lagt áherslu á áreiðanleika hennar og vakið á sér
athygli fyrir skráningu og nákvæmni varðandi ættartengsl. Hvernig á að
bregðast við þessari nýju staðreynd að ekki er lengur þörf lifandi fólks til
þess að leiða sannleikann um uppruna manna í ljós. Við hljótum að staldra
við.
Auðvitað hristir það upp í öllum að komast að því að fólk sem komið er
á efri ár og lengi hefur talist til afkomenda manna og þar af leiðandi til
ákveðinnar ættar hverfur skyndilega úr ættinni og yfir í aðra ætt. Heldur
flækir það og málið þegar með fylgir fjöldi afkomenda viðkomandi sem
ekki var réttilega færður til ættarbókarinnar. Er ef til vill ekkert að marka
ættfræðina og hversu mörg og mikil eru frávikin? Sennilega eru und-
antekningar á borð við þessa sem hér hefur verið rædd afar fáar. En þær eru
klárlega til og þá er ekki víst að viðkomandi sem skotist hefur í aðra ætt en
sína eigin fái sömu upplýsingar og Lúðvík hafði greinilega fengið um að
hann væri ekki sonur hins opinbera föður síns.
Þrautseigja Lúðvíks og lögmanns hans, Daggar Pálsdóttur hæstréttarlög-
manns, við að fá sannleikann staðfestan er mikil og virðingarverð. Óneit-
anlega eru það ein mestu réttindi fólks að fá að vita af hverjum það er
komið. Mörg dæmi eru þess að margir leggi mikið á sig til að finna uppruna
sinn, þótt fátitt sé að svo mikið sé viðhaft sem í þessu tilviki.
Öll viljum við vita hvaðan við komum. Það er hluti tilveru okkar og
sjálfsvitundar og verður mönnum æ mikilvægara eftir því sem árum
fjölgar. Við berum fram alls kyns erfðaeiginleika og mörg dæmi eru þess
að fólk hafi fullyrt að þessi eða hinn sé ekki sonur föður síns. Við verðum
sennilega að hætta að afskrifa að svo geti ekki verið. Fróðlegt væri að sjá
tölur frá vísindamönnum um ,,náttúrulega skekkju” varðandi ferðrun
barna eða rangferðrun öllu heldur. Vonandi riðlast ekki Íslendingabók.
Hæstiréttur á síðasta orðið.
Málþing um atvinnulíf í október
Málþing um atvinnulíf í Ísafjarðarbæ verður haldið 20. október í Edin-
borgarhúsinu á Ísafirði. Yfirskrift málþingsins er „Atvinna fyrir alla“ og
meginmarkmiðið er að gera íbúum grein fyrir stöðu atvinnumála með
sérstakri áherslu á þróun og ný tækifæri sem víða er að finna í atvinnulífi
Ísafjarðarbæjar. Þá verður fjallað um hverjar framtíðarhorfurnar eru, séð
frá sjónarhóli ýmissa aðila á svæðinu sem tengjast atvinnuuppbyggingu.
Bæjarstjóri Ísafjarðarbæjar vinnur að undirbúningi þingsins.
Útgáfu ljóðabókar Eiríks Arnar flýtt
Útgáfu nýjustu ljóðabókar ísfirska skáldsins Eiríks Arnar Norðdahl hefur verið flýtt vegna
góðrar viðtöku í forsölu. Bókin, Þjónn, það er Fönix í öskubakkanum mínum, verður því
gefin út um miðjan október en ekki í byrjun nóvember eins og til stóð. Ákveðið var að
fyrstu 200 eintökin af bókinni yrðu seld í forsölu á sérstöku tilboði og hefur það gengið
svo vel að einungis um fjórðungur forsölulagersins er eftir. Eiríkur er búsettur í Helsinki, en
verður staddur á Íslandi frá 8.-15. október næstkomandi, til þess að kynna ljóðabókina og
ljóðaþýðingasafnið, og til þess að taka þátt í 3ju alþjóðlegu ljóðahátíð Nýhils.
Ábyrgðin er hjá stofnunum ríkisins og ráðuneyti
Grímur Atlason, bæjarstjóri
í Bolungarvík, segir stofnanir
ríkisins og ráðuneyti bera ein
ábyrgð á seinagangi á gerð
snjóflóðavarnargarðs.
„Skipulagsþátturinn tók
sinn tíma og lengri tíma en
gert var ráð fyrir en það er
reynsla flestra sveitarfélaga á
Íslandi í dag að skipulags-
frumskógurinn sé að þéttast
mikið, hvaða skoðun sem
maður kann að hafa á því.
Skipulagið hefur hins vegar
ekkert með núverandi stöðu
að gera, þannig að boltinn er
hjá umhverfisráðuneytinu og
framkvæmdasýslunni“, segir
Grímur á bloggsíðu sinni í
kjölfar óljósra frétta úr um-
hverfisráðuneytinu um sveit-
arfélagið dragi lappirnar í
þessu máli.
BB greindi frá því í sumar
að allt væri orðið klappað og
klárt fyrir framkvæmdirnar og
að Bolvíkingar vonuðu að
gerð snjóflóðavarnanna yrði
boðin út fljótlega. Þeir bíða
enn. Grímur segir staðreyndir
málsins vera þessar:
„1. Lög um umhverfismat
áætlana hafa gert það að verk-
um að lengri tíma tók að fara
með ferlið í gegnum skipu-
lagsferlið. Gríðarleg vinna
fyrir sveitarfélagið og kostn-
aður en mestur tími fer í að
bíða eftir greinargerðum og
aðfinnslum Skipulagsstofn-
unar.
2. Því ferli er lokið og beðið
er eftir staðfestingu umhverf-
isráðherra á breytingu á aðal-
skipulagi.
3. Sveitarfélagið býður ekki
út verkið – það gerir Fram-
kvæmdasýsla ríkisins. Út-
boðsgögn eru ekki tilbúin en
þau vinnur framkvæmdasýsl-
an. Sveitarfélagið hefur ítrek-
að óskað eftir drögum eða
endanlegum gögnum en ekki
fengið.
4. Það er ekkert því til fyrir-
stöðu að bjóða verkið út strax
í dag eða nú eða fyrir mánuði
ef því er að skipta. Það yrði
gert með fyrirvara um stað-
festingu ráðherra á breyting-
um á aðalskipulagi.“
Varnargarðurinn í Bolung-
arvík á að vera um 18-22 metra
hár og 700 metra langur þver-
garður, staðsettur þar sem Dís-
arland er nú. Auk þess verða
8 keilur ofar í fjallinu. Áætlað
er að í varnarvirkin fari um
400 þúsund rúmmetrar af fyll-
ingarefni sem reiknað er með
að fáist innan framkvæmda-
svæðisins. Áætlaður heildar-
kostnaður við byggingu varn-
arvirkjanna er 750 milljónir
króna en endanlegur kostnað-
ur ræðst þó af þeim tilboðum
sem berast í verkið. Gert er ráð
fyrir verkið taki um 2-3 ár.
Gaf hjarta-
stuðtæki
Lögreglan á Ísafirði
hefur fengið afhenta veg-
lega gjöf, hjartastuðtæki
af gerðinni Samaritan
PAD. Tækið færði Helga
Guðbjartsdóttir lögreglu-
stjóranum, Kristínu Völ-
undardóttur, en það er
gefið lögreglunni til minn-
ingar um eiginmann Helgu,
Hjört Jónsson bakara-
meistara frá Flateyri sem
lést 8. júní síðastliðinn.
Oft er talað um að hinn
og þessi séu góðkunn-
ingjar lögreglunnar og er
merking þess yfirleitt nei-
kvæð. Hjörtur Jónsson
var hins vegar góðkunn-
ingi lögreglunnar á Vest-
fjörðum í orðsins fyllstu
merkingu. Í tilkynningu
frá lögreglu segir að hann
hafi oftsinnis létt lög-
reglumönnum lífið.
Í samræmi við óskir
Helgu mun tækið verða í
útkallsbifreið lögregl-
unnar, á Ísafirði.
23 skemmtiferðaskip hafa
boðað komu sína á næsta ári
Alls hafa 23 skemmtiferðaskip boðað komu
sína til Ísafjarðar á næsta ári. Hjá Vesturferðum
fengust þær upplýsingar að þetta væru færri skip
en hefðu komið í sumar en búast má við að
einhver bætist við og líta bókanir í ár betur út en
bókanir á sama tíma á síðasta ári. Hafnarstjóri
Ísafjarðarbæjar hefur farið reglulega á skemmti-
skipasýningar, meðal annars til Hamborgar og
Flórída til að kynna Ísafjarðarhöfn sem vænlegan
kost fyrir skemmtiskip og verður engin breyting á
því í vetur.
Í sumar komu 22 skip til Ísafjarðar og tvö komu
í Vigur og á Hesteyri. Að minnsta kosti eitt nýtt
skipafélag sendir skip til Ísafjarðar á næsta ári, en
það er skipið Delphin Voyager. Skipafélög sem
áður hafa verið í viðskiptum við Ísafjarðarhöfn
senda nokkur ný skip; Spirit of adventure og Ms
Deutschland svo einhver séu nefnd. Þá er Clipper
Adventures skip sem kemur aftur eftir nokkurra
ára hlé. Stærsta skipið sem kemur til Ísafjarðar
sumarið 2008 er Maasdam, sem hefur komið tvis-
var sinnum áður. Maasdam er um 55.500 brúttó-
tonn og með því ferðast um 1.300 manns.Fyrsta
skipið kemur 6. júní og það síðasta 29. ágúst. Maasdam við bryggju á Ísafirði í sumar.