Bæjarins besta - 04.10.2007, Blaðsíða 17

FIMMTUDAGUR 4. OKTÓBER 2007 17
Lettneskur stórmeistari til Bolungarvíkur
Lettneski stórmeistarinn Normunds Miezis er genginn til liðs við Taflfélag Bolungarvíkur. Miezis er með 2.524
skákstig og eru aðeins fimm íslenskir skákmenn stigahærri en hann. Með þessari viðbót þykir ljóst að Bolvíkingar
eru því að styrkja sig verulega fyrir átökin í haust og hljóta að teljast til alls líklegir í baráttunni um 1. deildar-
sæti að ári, en Íslandsmót skákfélaga fer eftir hálfan mánuð í Rimaskóla. Þrír skákmeistarar hafa einnig gengið
nýlega til liðs við Taflfélag Bolungarvíkur. Árni Ármann Árnason og Guðmundur Halldórsson riðu á vaðið en
Árni hafði áður verið alla sína tíð í Taflfélagi Reykjavíkur og var hann formaður þess 1991-1994. Guðmundur
hefur síðustu ár verið í Taflfélaginu Helli. Svo gekk FIDE-meistarinn Elvar Guðmundsson til liðs við félagið.
„Gott að vera íbúi í Ísafjarðarbæ“
Meirihluti bæjarstjórnar
Ísafjarðarbæjar hefur lagt
fram áherslur fyrir fjárhags-
áætlun komandi árs. Við til-
lögugerðina var meðal annars
litið til mótvægisaðgerða
ríkisstjórnarinnar, Vestfjarða-
skýrslunnar, málefnasamn-
ings B- og D- lista í bæjar-
stjórn, tillagna atvinnumála-
nefndar Ísafjarðarbæjar og
annarra tillagna sem fram hafa
komið eða munu koma fram
frá minnihluta bæjarstjórnar.
Í fréttatilkynningu frá meiri-
hlutanum segir að mótvægis-
aðgerðir ríkisstjórnarinnar
skapi ný störf og nýja mögu-
leika. „Ákveðið hefur verið
að fara í jarðhitaleit, efla Fjöl-
menningarsetur, koma á frum-
greinadeild við Háskólasetur,
flýta vegamálum og auka
fjármagn til þorskeldisverk-
efna.
Í tilkynningunni kemur
einnig fram að Vestfjarða-
skýrslan sé uppspretta hug-
mynda og möguleika þar sem
85 ný störf eiga að vera til á
tveimur árum auka annarra
verkefna til að styrkja samfé-
lagið. „Þá telur meirihlutinn
að nýleg áformsyfirlýsing í
vatnsmálum milli Ísafjarðar-
bæjar og Brúarfoss ehf. sé lík-
leg til að skapa hér störf og
verðmæti. Eftirspurn eftir
vatni er að aukast og þar er
staða Ísafjarðarbæjar góð.“
Aðrar áherslur meirihlut-
ans:
Í gjaldskrármálum mun
meirihlutinn leggja til að:
· Leitast verður við að halda
gjaldskrám sem mest óbreytt-
um og jafnvel lækka.
· Vegna samdráttar afla-
heimilda verða hafnargjöld
lækkuð.
· Varðandi fimm ára börn
verða fjórir tímar gjaldfrjálsir
en eru tveir í dag.
· Gjaldskrá leikskóla verð-
ur lækkuð.
· Alltaf verður tekið mið af
rekstrargetu og möguleikum
til hagræðingar.
Framkvæmdir á vegum Ísa-
fjarðarbæjar:
· Áfram verður mikið um
framkvæmdir.
· Ný grunnskólabygging –
stórframkvæmd sem ljúka á
haustið 2008.
· Malbikunarframkvæmdir
2008.
· Hafnarframkvæmdir.
· Nýr Mávagarður undir
olíubirgðastöð.
· Átak í holræsismálum.
· Markviss viðhaldsvinna
á eignum sveitarfélagsins.
· Aðal- og deiliskipulags-
vinna.
· Þarfagreining vegna sund-
laugar og líkamsræktarað-
stöðu á Torfnesi hefur farið
fram. Verið er að undirbúa
næsta skref.
Bygging hjúkrunarheimilis:
· Fyrrverandi heilbrigðis-
ráðherra kynnti áform um
byggingu 10 rúma hjúkrunar-
heimilis árið 2010.
· Þörfin er 30 rúma hjúkr-
unarheimili að mati bæjar-
stjórnar Ísafjarðar
· Áfram verður unnið að
því máli af festu.
Styrking innviða stjórnsýsl-
unnar:
· Skipulagsbreytingar miða
að styrkingu stjórnsýslunnar
· Ráðinn verður mannauðs-
stjóri / starfsmannastjóri
· Upplýsingafulltrúi.
· Umhverfisfulltrúi.
· Skipulag einfaldað.
· Sviðum fækkað úr fjórum
í þrjú.
· Þjónustuver styrkt.
Nýtt Byggðamerki:
· Dómnefnd um byggða-
merki er að störfum.
· 42 umslög bárust og út úr
þeim um 80 tillögur.
· Nýja byggðamerki Ísa-
fjarðarbæjar er ætlað að sam-
eina bæjarbúa enn frekar og
auka samkennd og samstöðu.
Á næsta ári stefnir í að
bundið slitlag verði komið
milli Ísafjarðar og Reykja-
víkur um Djúp og Arnkötlu-
dal. Framundan er jarðganga-
gerð milli Ísafjarðar og Bol-
ungarvíkur og milli Dýrafjarð-
ar og Arnarfjarðar. Þá standa
fyrir dyrum bætur á raforku-
kerfinu og aukin útbreiðsla
GSM sambands á Vestfjörð-
um. Þessi styrking grunngerð-
arinnar vinnur að því að
styrkja samfélög eins og Ísa-
fjarðarbæ í sessi. Það er gott
að vera íbúi í Ísafjarðarbæ,
þjónusta er almennt góð og
biðraðir og biðlistar þekkjast
varla. Með því að rýna í tæki-
færin sem hér eru nefnd
nokkur dæmi um og umfram
allt nýta þau, mun samfélagið
styrkjast þegar til lengri tíma
er litið.
– gunnaratli@bb.is
Frá blaðamannafundi meirihlutans.