Bæjarins besta - 18.10.2007, Blaðsíða 6

FIMMTUDAGUR 18. OKTÓBER 20076
Blikur á lofti
Ritstjórnargrein
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564
Ritstjóri: Sigurjón J. Sigurðsson, sími 892 5362, bb@bb.is · Blaðamenn: Thelma Hjaltadóttir, símar 456 4693
og 849 8699, thelma@bb.is og Gunnar Atli Gunnarsson, sími 847 0009, gunnaratli@bb.is. Ritstjóri netútgáfu
bb.is: Sigurjón J. Sigurðsson · Ljósmyndari: Halldór Sveinbjörnsson, sími 894 6125, halldor@bb.is
Ábyrgðarmenn: Sigurjón J. Sigurðsson og Halldór Sveinbjörnsson · Lausasöluverð er kr. 300 eintakið með vsk.
Veittur er afsláttur til elli- og örorkulífeyrisþega. Einnig sé greitt með greiðslukorti. ·
Önnur útgáfa: Ferðablaðið Á ferð um Vestfirði. · ISSN 1670 - 021X
Ekki var við öðru að búast en að ágreiningur yrði uppi um
aðgerðir ríkisstjórnarinnar til að mæta afleiðingum ákvörð-
unar sjávarútvegsráðherra um niðurskurð á þorskveiðum,
sem hann tók að ráði Hafró manna og með blessun samráð-
herra sinna. Klögumálin ganga á víxl, ásakanir um spillingu,
einkum hvað varðar úthlutun á byggðakvóta. Sjómenn eru
ósáttir, tekjur margra þeirra munu rýrna til muna, þótt sumir
þeirra sleppi ef til vill fyrir horn. Fiskvinnslufólki hefur ver-
ið sagt upp störfum og menn óttast enn frekari uppsagnir í
þeim geira. Þótt ríkissjóður hafi verið í stakk búinn til þola
tekjumissi samfara aflaskerðingunni er greinilegt að fjöldinn
allur, einstaklingar, útgerðar- og fiskvinnslufyrirtæki og
sveitarfélög standa berskjölduð frammi fyrir vandanum.
Af og til er boðað að meiri friður ríki ,,nú“ en verið hafi
um kvótakerfið. Umræðan í kjölfar mótvægisaðgerðanna
hefur heldur betur staðfest hið gagnstæða. ,,Hvar eru nú
mennirnir, sem hafa réttlætt tugmilljarða hagnað af viðskipt-
um með kvóta með því að þeir yrðu að vera undir það búnir
að tapa líka? Hvar eru nú mennirnir sem sögðust tilbúnir að
tapa ekki síður en að græða,“ spyr Morgunblaðið í leiðara
29. f.m. í umfjöllun um kröfu hagsmunasamtaka um frekari
niðurfellingu veiðigjalda, en sem kunnugt er hafa stjórnvöld
ákveðið af fella niður veiðigjald af þorski í tvö ár. En mikið
vill meira, ,,þeir (útgerðarmenn) vilja fá meiri bætur í því
formi að veiðigjaldið allt verði fellt niður,“ segir Morgun-
blaðið. Já, sér er nú hver friðurinn um kvótakerfið og fylgi-
fiska þess!
Eftir eindæma gott og þurrviðrasamt sumar tók við einhver
umhleypingasamasti og úrkomumesti mánuður, sem menn
muna. Hvort tíðarfarið í september boði hræringar í stjórn-
málum á vetri komanda skal ósagt látið. Nýverið færði um-
hverfisráðherra helstu stóriðjufyrirtækjum landsins ókeypis
heimild til útblásturs gróðurhúsalofttegunda fram til ársins
2012. Hefði þó mátt ætla að sporin hræddu, að gjafakvótinn
í fiskveiðistjórnunarkerfinu yrði ráðamönnum víti til varn-
aðar; að ekki yrði staðfestur nýr gjafakvóti á auðlindir
landsmanna. Þarna á við, að seint lærist sumum. Þá má telj-
ast undur ef með friðsömum hætti tekst að brúa það bil sem
sýnilega er í uppsiglingu milli aðila í komandi kjarasamn-
ingum vegna þess gífurlega launamismunar sem átt hefur
sér stað í þjóðfélaginu. Launakjör fjölmargra stétta eru í al-
gjöru uppnámi. Í lengstu lög verður þó að halda í von um að
vel til takist.
Saman dregið má líklega ganga að því sem gefnu að
haustið verði vindasamt við Austurvöllinn í höfuðborginni.
s.h.
Fjármagn til minni vega þarf að auka
Bæjaryfirvöld í Ísafjarðarbæ segja nauðsynlegt að fjármagn til annarra vega en stofnvega
verði aukið. „Fjármagn til tengivega, héraðsvega og landsvega […] þarf að auka. Fólk ekur
sífellt meira um stór svæði í atvinnusókn og því þarf að bæta þessa vegi og þjónustu við
þá“, segir í erindi Ísafjarðarbæjar til fjárlaganefndar alþingis. Undanfarin ár hefur verið fast-
ur liður um vetrarsamgöngur í dreifbýli Ísafjarðarbæjar í erindi til nefndarinnar en því er
sleppt í ár. „Ekki vegna þess að kostnaður hafi minnkað, þvert á móti heldur viljum við
frekar minna á nauðsyn þess að fjármagn til annarra vega en aðalvega (stofnvega þarf að aukast.“
KFÍ spáð þriðja sæti
Körfuknattleiksfélagi Ísafjarðar er spáð þriðja sæti í 1. deild karla. Kom
það fram á árlegum kynningarfundi vegna upphafs Íslandsmóta í Iceland
Express deildum karla og kvenna en þar var að vanda kynnt spá for-
manna, þjálfara og fyrirliða liðanna. Samkvæmt spánni munu það verða
KR og Keflavík sem sigra Iceland Express deildirnar í vetur. Spáin í 1.
deild er sú að Breiðablik fari beint upp í Iceland Express deildina, Valur
verði í öðru sæti og eins og áður sagði er KFÍ spáð þriðja sæti.
Á þessum degi fyrir 12 árum
Ákærði leiksoppur
í fjölskyldudeilu
„Átján ára piltur í Hafnarfirði var í gær dæmdur til 15 mán-
aða fangelsisvistar fyrir að hafa orðið fyrrverandi sambýlis-
manni móður sinnar að bana með því að aka bifreið sinni á
hann. Í niðurstöðu dómarans, Más Péturssonar, segir að í máli
þessu birtist algengar fjölskyldu- og forræðisdeilur í sinni
svörtustu mynd og pilturinn hafi orðið leiksoppur þeirra atvika.
Pilturinn sagði að föstudagskvöldið 12. maí hefði hann
ætlað að á AA-fund í Kaplahrauni. Hann sá hins vegar fyrrver-
andi sambýlismann móður sinnar […] fara inn á fundinn og
ákvað að fara ekki sjálfur. […]
Þegar Sigurgeir heitinn kom út af fundinum og steig á
reiðhjól ákvað pilturinn að veita honum eftirför. Hann kvaðst
hafa ætlað að aka fram úr honum, skrúfa um leið niður rúðu og
hrópa að honum að sækja ekki sömu fundi og hann væri sjálf-
ur að sækja og láta fjölskyldu sína í friði. Hann hafi litið niður
til að sjá rafmagnsrofa til að færa rúðuna niður, en fundið þá að
högg kom á bifreiðina. Atburði mundi hann svo ekki nánar
fyrr en bifreiðin var stöðvuð.
Taflfélag Bolungarvíkur er
efst í 2. og 4. deild að loknum
fyrri hluta Íslandsmóts skák-
félaga sem haldið var í Rima-
skóla í Reykjavík um helgina.
A-sveit félagsins sigraði b-lið
Taflfélags Reykjavíkur í fjórðu
umferð, 4,5-1,5 en TR-b er
aðal keppinautur Bolvíkinga
um fyrsta sætið og var þessi
stórsigur því afar mikilvægur.
Sigurinn tryggði Bolvíking-
um um leið sjö vinninga for-
ystu á næstu lið. Sveitin tefldi
mjög vel í öllum umferðunum
og hlaut 20 vinninga af 24
mögulegum.
Að því fram kemur á vikari.is
er fátítt að ein sveit hafi slíka
yfirburði. B-lið Taflfélags
Bolungarvíkur gerði 3-3 jafn-
tefli við Víkingasveitina í
fjórðu umferð. Bolvíkingar
leiða því enn 4. deildina og
hafa eins vinnings forskot.
Keppnin um tvö efstu sætin,
og þátttökurétt í 3. deild að
ári, er mjög hörð og ljóst er að
úrslit munu ekki ráðast fyrr
en í lokaumferðunum. Seinni
hluti mótsins fer fram 28. febr-
úar-1. mars. – thelma@bb.is
Taflfélag Bolungarvíkur
efst í tveimur deildum
Talsvert magn af rækju á af-
mörkuðum svæðum í Djúpinu?
Rækjurannsóknum Haf-
rannsóknastofnunar í Ísafjarð-
ardjúpi og Jökulfjörðum lauk
í síðustu viku. Lítið fæst upp
úr rannsóknamönnum um
aflabrögð en orðrómur er uppi
um að rækjustofninn sé á upp-
leið og möguleiki að rækju-
veiðar verði leyfðar á ný, en
þær hafa ekki verið leyfðar í
Djúpinu síðan 2004 er stofn-
inn var kominn að fótum fram.
Samkvæmt heimildum blaðs-
ins fékk rannsóknaskipið
Dröfn talsvert af rækju á af-
mörkuðum svæðum í Djúp-
inu. Dröfnin er nú í Arnarfirði
við rannsóknir á rækju. Nið-
urstöðu rannsóknanna í Djúp-
inu er að vænta í næstu viku.
Heimildarmaður blaðsins
sagði að það yrði eigendum
rækjukvótans ekki mikið
gleðiefni, verði veiðar leyfðar
á ný. Verði gefinn út rækju-
kvóti falla rækjubætur niður
sem eigendur kvótans fengu
þegar veiðar voru bannaðar.
Bæturnar eru kvóti í öðrum
tegundum sem útgerðir hafa
getað veitt eða leigt frá sér.
Þykja þær mun fýsilegri en
rækjukvóti eins og ástandið
er í rækjuiðnaðinum í dag.
Samkvæmt heimildum blaðs-
ins hefur rækjukvóti í Ísafjarð-
ardjúpi verið seldur um allt
land og þá hafa kaupendur
verið að ásælast rækjubæturn-
ar, ekki rækjukvótann.
Vegarslóði gerður að göngustíg
Ákveðið hefur verið að vegarslóði
sem gerður var við framkvæmdir við
Tungudalsvirkjun verður nýttur sem
göngustígur. Umræddur vegur liggur
frá stöðvarhúsi virkjunarinnar að
skíðasvæði Ísfirðinga. „Um er að
ræða slóða sem gerður var þegar
pípan var sett niður. Orkubúið ætlar
sér að setja hlið á göngustíginn til að
sporna gegn því að ekið sé þar um“,
segir Kristján Haraldsson, Orkubús-
stjóri.
Samkvæmt heimildum blaðsins er
stígurinn nýttur sem akvegur en að
sögn Kristjáns er það þá gert í óleyfi.
„Orkubúið leyfir ekki umferð þarna.
Við ætlum að sá fræi og bera áburð á
stíginn næstu tvö árin til þess að
hann sé þokkalega gangfær og því er
ekki ráðlegt að verið sé að aka hann.“
Samkvæmt upplýsingum sem
fengust hjá Ísafjarðarbæ bárust at-
hugasemdir við það þegar OV ætlaði
að setja upp hlið til að sporna gegn
akstri um slóðann og var málinu frest-
að þar til en bærinn væri búinn að
afgreiða athugasemdina. Ísafjarðar-
bær tók þá ákvörðun að loka þessum
kafla. Náttúruunnendur ættu því að
geta nýtt sér þessa viðbót við göngu-
stíga sveitarfélagsins. Vegurinn liggur frá stöðvarhúsi OV í Tungudal að skíðasvæði Ísfirðinga.