Bæjarins besta - 18.10.2007, Blaðsíða 14

FIMMTUDAGUR 18. OKTÓBER 200714
Vel mætt á stofnfund Púkanna
Stofnfundur Bifhjólaklúbbs Vestfjarða, Púkanna, fór fram í síðustu viku. Um
þrjátíu manns mættu til fundarins og var kosið í fimm manna stjórn. „Fund-
urinn var vel sóttur og stofnfélagar tæplega þrjátíu. Næstu verkefni eru að gera
heimasíðu og halda stjórnarfund til að leggja línurnar fyrir veturinn.“, segir
Marzellíus Sveinbjörnsson, nýkjörinn formaður klúbbsins. Aðrir stjórnarmenn
eru Gareth Rendall, Birgir Örn Sigurjónsson, Hagbarður Marinósson, og
Kristján Sigurðsson. Á myndinni er hin nýkjörna stjórn.
Mugison með
nýja plötu
sem á eftir að
koma á óvart
Ísfirski hafnarstjórasonur-
inn og poppstjarnan Örn Elías
Guðmundsson, eða Mugison,
stefnir að því að gefa út sína
þriðju sólóplötu í þessari viku.
„Það er markmiðið en ég
lofa ekki að það takist því það
er svo margt sem þarf að gerast
til að það takist. En það verður
í þessari viku eða næstu“, segir
Mugison og bætir við að á
plötunni séu 12 splunkuný lög
beint úr ofninum. Platan ber
nafnið Mugiboogie og er
að mestu tekin upp í
einkastúdíói tón-
listarmannsins
í Súðavík.
Aðspurður
hvort hún sé eitthvað í líkingu
við þær tvær fyrri segist Mugi-
son halda að diskurinn muni
koma fólki mjög mikið á
óvart.
„Þetta eru miklu stærri lög,
ef hægt er að mæla lög eftir
stærð þá eru þessi XXL miðað
við hinar plöturnar. Það er líka
miklu meiri keyrsla á þessari
plötu, þetta
er alveg fimmti gírinn.“ Mugi-
boogie var tvö ár í vinnslu en
á þeim tíma gerði Mugison
tónlistina fyrir tvær bíómyndir
Little Trip to Heaven og Mýr-
ina. Áður hefur Mugison gefið
út plöturnar Lonely Mountain
árið 2003 og Mugimama, Is
This Monkey Music 2005.
Hljóðfæraleikarar á plötunni
eru þeir Arn-
ar Geir Ómarsson og Guðni
Finnsson úr hljómsveitinni
Dr. Spock sem sjá um tromm-
ur og bassa, Davíð Þór Jóns-
son á hammond og píanó og
Pétur Ben á gítar.
Stefnan er að kynna plötuna
á hringferð um landið í nóv-
ember og stefnt er á útgáfutón-
leikana í Edinborgarhúsinu á
Ísafirði þann 1. nóvember.
„Það væri næs ef fólk vildi
taka daginn frá því það mættu
nefnilega svo fáir á síð-
ustu útgáfutónleika á
Ísafirði. Engar af-
sakanir núna
ef fólk ætlar
að geta
horft framan í mig þegar það
hittir mig í bakaríinu.“
Þá er einnig í deiglunni
halda tónleika í Bretlandi,
Þýskalandi, Frakklandi og
Danmörku. „Það eru ekki
beint útgáfutónleikar heldur
bara til að minna á mig og
kynna þetta aðeins fyrir út-
landinu því ég er búinn að
vera svo latur við að spila þar.
Ég tók mér frí frá tónleikum á
meðan ég var að vinna plöt-
una, fyrir utan nokkur góð-
gerðargigg, en ég var búinn
að bóka nokkur gigg í útlönd-
um.“
– thelma@bb.is
Arnar Guðmundsson í viðtali við kynni þáttarins, Unni
Birnu Vilhjálmsdóttur, alheimsfegurðardrottningu.
Fjöldi manns var samankominn í Einarshúsi.
Leitin að nýjum rokksöngvurum af báðum kynjum
fyrir Bandið hans Bubba, nýjan tónlistar- og skemmti-
þátt Bubba Morthens hófst í Bolungarvík í síðustu viku.
Tveir komust áfram í prufunum en þeir eru báðir
Bolvíkingar, Birgir Olgeirsson og Einar Örn Konráðsson.
Fjöldi manns var samankominn í Einarshúsi í Bolungar-
vík þar sem tökur stóðu yfir frá kl. 19:30–23. Eftir að
prufunum lauk endaði Bubbi kvöldið á nokkrum vel
völdum lögum við góðar undirtektir viðstaddra.
Tveir komust áfram í
„Bandinu hans Bubba“