Bæjarins besta - 14.02.2008, Blaðsíða 1
Stofnað 14. nóvember 1984 · Sími 456 4560 · Veffang: www.bb.is · Verð kr. 300 m/vsk
Fimmtudagur 14. febrúar 2008 · 7. tbl. · 25. árg.
„Ég er mjög bjartsýnn á þann gír sem Ísafjörður
er í núna. Ég held að fortíðarhyggja sé aldrei til
góðs og við verðum að átta okkur á nýjum tímum.
Eftir því sem mér skilst á að hefjast háskóla-
nám hér næsta haust og maður sér alltaf
fjölga bílunum fyrir utan Háskólasetrið.
Er það ekki bara framtíðin?“, spyr
Steinþór Bjarni Kristjánsson
athafnamaður. Sjá viðtal í miðopnu.
Hreiðrar um
sig í ísfirsku
atvinnulífi
Neyðarútgönguleið Hlíf-
ar II á Ísafirði er nú heft
vegna fannfergis og er
það langvarandi vanda-
mál. „Þetta vandamál
kemur upp aftur og aftur.
Þegar gert var við húsið
að utan kom sterklega til
greina að leysa úr þessum
vanda og var málið kom-
ið á það stig að komnar
voru tillögur og teikning-
ar að lausnum. En því
miður reyndist afar erfitt
að ná samvinnu við arki-
tekt og við hreinlega misst-
um af lestinni með þetta“,
segir Margrét Geirsdóttir,
formaður Skóla- og fjöl-
skylduskrifstofu Ísafjarð-
arbæjar.
„Ísafjarðarbær á ekki
nema 11% í Hlíf II og
því er það stjórnarmál
húsfélagsins á Hlíf II að
ganga til verks og láta
laga vandann. Bærinn
verður að lúta að vilja að
meirihluta í þessu tilfelli
en að sjálfsögðu myndi
sveitarfélagið taka þátt í
því ef eitthvað yrði gert
til þess að laga vandann.“
Þorbjörn Sveinsson,
slökkviliðsstjóri Ísafjarð-
arbæjar kannaðist við
málið er blaðið hafði
samband við hann. „Þetta
hefur verið vandamál frá
því að húsið var byggt
og á sínum tíma var rætt
við verkfræðing hússins
um að gera eitthvað í mál-
inu en það var ekki gert.
Við höfum bent á þetta
vandamál en það er al-
farið á vegum húsráð-
anda að gera eitthvað í
málinu. – thelma@bb.is
Neyðarút-
gönguleið á
Hlíf II heft
Mugison sómi Súðavíkur
Mugison var útnefndur
„Sómi Súðavíkur“ á sunnu-
dag. Útnefningin fór fram í
félagsheimili staðarins og
veitti Ómar Már Jónsson
sveitarstjóri Mugison viður-
kenningarskjal þar sem kemur
fram að popparinn hafi með
dugnaði sínum og sköpunar-
gleði verið öðrum í sveitarfé-
laginu fyrirmynd.
„Þetta er mesti heiður sem
mér hefur hlotnast í viður-
kenningarformi. Þetta var hel-
víti töff. Rúsínan í pylsuend-
anum voru verðlaunin sem ég
fékk, en bærinn ætlar að
föndra fyrir mig 17 þúsund
eintök af plötunni minni“, seg-
ir Mugison sem hefur þurft að
fá vini og fjölskyldu til að
hjálpa sér að brjóta um og
ganga frá nýjustu plötu sinni.
„Ég hefði verið drepinn ef ég
hefði stungið upp á enn einni
vinnuhelginni. Mér finnst það
mega töff að heill bær ætli að
massa 17 þúsund stykki, það
er efni í kvikmynd.“
Mugison segist standa í
þakkarskuld við Súðvíkinga
sem hafa lengi staðið þétt að
baki honum. „Þegar ég var í
húsnæðisvanda þá lánuðu þeir
mér kirkjuna sem ég var með
meira og minna í nokkur ár,
endurgjaldslaust. Það létti mér
lífið að geta verið óáreittur að
vinna fram á nætur. Svo fékk
ég lánaðar stofur í grunnskól-
anum, þannig að ég er alltaf
að fá eitthvað frá Súðavík og
gaman að fá að vita að bærinn
sé ánægður með það sem ég
er að bralla hérna“, segir Mugi-
son, sómi Súðavíkur. Ómar Már Jónsson sveitarstjóri útnefnir Mugison sóma Súðavíkur.