Bæjarins besta - 14.02.2008, Blaðsíða 3

FIMMTUDAGUR 14. FEBRÚAR 2008 3
Þrjátíu manns starfa við þorskeldi
„Mitt fyrirtæki væri ekki
starfandi í þessari mynd
væri ekki fyrir þorskeldið“,
segir Halldór Eraclides,
framkvæmdastjóri Stáls og
hnífs. Stál og hnífur sér um
slátrun fyrir Hraðfrysti-
húsið – Gunnvöru og
ásamt því að öll ýsa sem
kemur sem meðafli í eldis-
veiðum er slægð hjá fyrir-
tækinu. Hart hefur verið
deilt á eldisveiðar í Ísa-
fjarðardjúpi og þá sér í lagi
meðaflann. „Í dag eru 30
manns sem starfa í kring-
um eldið og margir binda
miklar vonir við það. Við
vitum aldrei hvað verður í
framtíðinni en ef eldið
gengur ekki þá er það bara
þannig en við eigum að
fagna því að fyrirtæki eru
að reyna eitthvað nýtt.“
Auk þess að sjá um slátr-
un rekur Stál og hnífur
slægingarþjónustu, flakar
fisk og er með afskurðar-
vinnslu. „Fjóra til fimm
mánuði á ári starfa níu
manns hjá okkur bara við
eldið og þegar þeirri törn
lýkur tekur við annað eins
og t.d. afskurður, sem er
árstíðarbundinn. Með eld-
inu náum við halda úti
vinnu allt árið.“ Halldór
segir að sá afli sem heima-
bátar eru að fiska í Djúpinu
fari mest á markað og er
sendur burt algjörlega
óunninn. „Ef það á að
banna eldisveiðar og
rækjuveiðar eins og ein-
hverjir eru að halda fram á
þá ekki alveg eins að banna
allar veiðar í Djúpinu til að
vernda lífríkið? Það á að
styðja við eldið og ná sam-
stöðu um að prófa nýjar
leiðir í sjávarútvegi. En eins
og Pétur Tryggvi sagði í
grein á bb.is um daginn þá
næst hér lítil samstaða um
annað en jarðarfarir“, segir
Halldór. – smari@bb.is
Sirrý ÍS afla-
hæst árið 2007
Sirrý ÍS frá Bolungarvík
varð aflahæsti krókaafla-
marksbáturinn á síðasta ári
með 1.321 tonn miðað við
afla upp úr sjó og bolvíski
báturinn Guðmundur Ein-
arsson ÍS varð í öðru sæti
með 1.224 tonn, að því er
fram kemur í nýjustu Fiski-
fréttum. Alls veiddu fimm
krókaaflamarksbátar yfir
þúsund tonn á árinu 2007
og 10 bátar veiddu meira en
900 tonn. Í heild veiddu
krókaaflamarksbátar um 65
þúsund tonn af fiski á árinu
2007. Þar af veiddu 20 afla-
hæstu bátar tæp 18 þúsund
tonn eða 27,5% af heildinni.
Happadís GK, sem er í
þriðja sæti á listanum yfir
heildarafla, veiddi mestan
þorsk allra smábáta, eða 806
tonn, Sirrý ÍS veiddi mest
af ýsu 461 tonn og Narfi
SU krækti í mestan steinbít
eða 383 tonn. Verður það
að teljast gott af báti sem
rær fyrir austan land þar sem
aðalsteinbítsmiðin eru fyrir
vestan sem kunnugt er.
– thelma@bb.is
Skora á ríkisstjórnina að hefja
undirbúning að jarðgangagerð
Súðavíkurhreppur skorar á
ríkisstjórn Íslands að hefja nú
þegar rannsóknir og undirbún-
ing að jarðgangagerð milli
Súðavíkur og Ísafjarðar. Í
greinargerð með áskoruninni
sem samþykkt var á síðasta
fundi sveitarstjórnar kemur
fram að snjóflóð sem fallið
hafa á Súðavíkurhlíð undan-
farna sólahringa hafi enn og
aftur lagt líf fjölmargra veg-
farenda í stórhættu og að tíðni
flóðanna geri samgöngur milli
Súðavíkur og Ísafjarðar algjör-
lega óviðunandi. Bent er á
niðurstöðu rannsókna Veður-
stofu Íslands þar sem kemur
fram að ekki sé minni áhætta
fólgin í að aka milli Súðavíkur
og Ísafjarðar en að aka Óshlíð-
arveg.
„Sveitarstjórn Súðavíkur-
hrepps fagnar því að jarðgöng
milli Bolungarvíkur og Hnífs-
dals eru að verða að veruleika
og hvetur ríkisstjórn Íslands
til að stíga skrefinu lengra og
skapa öruggari samgöngur á
svæðinu með jarðgöngum
milli Súðavíkur og Ísafjarðar.
Það er réttlætismál að íbúum
Súðavíkur og Ísafjarðar og öðr-
um sem leið eiga um svæðið
verði gert mögulegt að komast
á milli þessara staða án þess
að lífum sé stefnt í voða vegna
ofanflóða. Því er skorað á
stjórnvöld að beita sér nú
þegar fyrir því að undirbúa
gerð jarðgangna milli Súða-
víkur og Ísafjarðar út frá sam-
félagslegum og öryggissjón-
armiðum“, segir í áskoruninni.
Súðavíkurhlíð getur verið erfið viðureignar í vondu veðri.
Slasaðist á höfði
á skíðasvæðinu
Drengur á ellefta ári slas-
aðist á skíðasvæði Ísfirð-
inga í síðustu viku þegar
hann lenti á kyrrstæðum
snjótroðara. Drengurinn
fékk skurð á höfði og heila-
hristing, og var fluttur með
sjúkraflugi til Reykjavíkur
til aðhlynningar. Að sögn
Úlfs Guðmundssonar, um-
sjónarmanns skíðasvæðis-
ins, skall höfuð drengsins á
beltum tækisins.
„Sem betur fer var þetta
ekki eins alvarlegt og það
leit út í fyrstu. Ég fékk fréttir
seint um kvöldið þess efnis
að áverkarnir hefðu eingöngu
verið skurður á höfði og
heilahristingur, en hann var
fluttur suður vegna til ör-
yggis,“ segir Úlfur. Dreng-
urinn var staddur á skíða-
æfingu og samkvæmt heim-
ildum blaðsins voru æfinga-
félagar hans felmtri slegnir
yfir atvikinu og boðin áfalla-
hjálp daginn eftir. Var það
ákvörðun stjórnar Skíðafé-
lagsins sem fundaði eftir slys-
ið, að börnin fengu áfalla-
hjálp. – thelma@bb.is
Hægt að veita undanþágu
vegna landfræðilegra aðstæðna
Til að hægt sé að skilgreina
Ísafjarðarflugvöll sem alþjóða-
flugvöll og hefja þaðan milli-
landaflug með frakt og far-
þega, þarf völlurinn að upp-
fylla kröfur samkvæmt reglu-
gerðum um flugvelli og flug-
vernd. Í fyrrnefndu reglugerð-
inni er meðal annars kveðið á
um nauðsyn flugvallarhand-
bókar, öryggisstjórnunarkerf-
is og aðflugsbúnaðar, en síð-
astnefnda skilyrðið fer þó
mjög eftir landfræðilegum að-
stæðum hverju sinni. Reglu-
gerð um flugvernd fjallar um
viðeigandi ráðstafanir sem
þarf að uppfylla varðandi
meðhöndlun og skimum far-
þega, farangurs og fraktar. Ís-
land hefur, eitt Evrópulanda,
ákveðna undanþágu varðandi
skimun farþega og farangurs
í innanlandsflugi, en fullar
flugverndarráðstafanir þarf þó
að viðhafa í millilandaflugi.
Í lokaákvæði reglugerðar
um flugvelli kemur fram að
Flugmálastjórn sé heimilt að
veita undanþágu uppfylli völl-
urinn ekki skilyrði reglugerð-
arinnar að hluta eða öllu leyti
vegna landfræðilegra aðstæðna.
Sérstaklega skuli horft til þess
að veita starfsleyfi ef áralöng
reynsla er fyrir hendi af rekstri
flugvallar sem ekki uppfyllir
skilyrði vegna landfræðilegra
aðstæðna, og má með sanni
segja að slík reynsla sé fyrir
hendi á Ísafirði.
Segja má að tæknilega sé
ómögulegt að koma upp full-
komnum aðflugsbúnaði á Ísa-
fjarðarflugvelli, þ.e.a.s. þann-
ig að hægt sé að lenda á honum
í blindflugi, þar sem núver-
andi tækni krefst þess að
hindranalaust sé í flugbrautar-
stefnu. Tekið skal fram að stór
munur er á blindflugi og næt-
urflugi.
Þær upplýsingar fengust hjá
Flugmálastjórn að Ísafjarðar-
flugvöllur hefur heimild sem
„lendingastaður“, en ekki „flug-
völlur I“ eins og hann þyrfti
að hafa til að hægt væri að
skilgreina hann sem alþjóða-
flugvöll. Flugstoðir, sem reka
flugvelli landsins, hafa enn
sem komið er ekki óskað eftir
breytingu á þessari skilgrein-
ingu. – halfdan@bb.is
Glitnir hf., hefur fært Skíða-
félagi Ísfirðinga og skíða-
svæði Ísfirðinga á þriðja tug
hjálma að gjöf til að tryggja
öryggi barna á skíðasvæðinu.
„Þetta er lánshjálmar fyrir
krakka sem öllum er heimilt
að fá sér en við ætlum að gera
það að skyldu að öll börn séu
með hjálma á skíðasvæðinu“,
segir Björgvin Sveinsson,
stjórnandi á skíðasvæði Ís-
firðinga. Skemmst er frá því
að minnast að í síðustu viku
skíðaði drengur á snjótroðara
og hlaut höfuðáverka og kom
hjálmurinn í veg fyrir að verri
skaði hlytist af. „Það ættu allir
að vera með hjálm, þetta er
rétt eins og að spenna beltið í
bíl. Við viljum líka hvetja full-
orðna til að sýna gott fordæmi
og vera með hjálm“, segir
Björgvin. Hjálmarnir sem
passa á frá ungum börnum til
unglinga voru afhentir á
sunnudag.
Freygerður Ólafsdóttir hjá
Glitni segir gjöfina vera leið
fyrirtækisins til að stuðla að
öryggi ungra skíðamanna.
„Félagsmenn skíðafélagsins
eru skyldugir til að vera með
hjálm svo þetta er meira hugs-
að fyrir almenning. Hjálmar
eru nauðsynleg tæki fyrir unga
jafnt sem aldna og ættu að
vera sjálfsögð.“ Þess má geta
að á vef skíðafélagsins að
skíðamaðurinn ungi sem lenti
í slysinu sé allur að hressast
en hann er á Barnaspítala
Hringsins og óvíst hvenær
hann verði útskrifaður.
– thelma@bb.is
Glitnir gaf Skíðafélagi Ísfirð-
inga á þriðja tug skíðahjálma
Freygerður Ólafsdóttir afhenti Björgvini Sveinssyni, stjórnanda á skíðasvæði Ísfirð-
inga og Kristjáni Flosasyni þjálfara hjá Skíðafélagi Ísfirðinga hjálmana fyrir hönd Glitnis.