Bæjarins besta - 14.02.2008, Blaðsíða 6
FIMMTUDAGUR 14. FEBRÚAR 20086
Ritstjórnargrein
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564
Ritstjóri: Sigurjón J. Sigurðsson, sími 892 5362, bb@bb.is · Blaðamenn: Thelma Hjaltadóttir, símar 456 4693
og 849 8699, thelma@bb.is · Sigríður Gísladóttir, símar 456 4694 og 697 8797, sigridur@bb.is og Smári
Karlsson, sími 866 7604, smari@bb.is. Ritstjóri netútgáfu bb.is: Sigurjón J. Sigurðsson · Ljósmyndari:
Halldór Sveinbjörnsson, sími 894 6125, halldor@bb.is. Ábyrgðarmenn: Sigurjón J. Sigurðsson og Halldór
Sveinbjörnsson · Lausasöluverð er kr. 300 eintakið með vsk. Veittur er afsláttur til elli- og örorkulífeyrisþega. Einnig
sé greitt með greiðslukorti. · Önnur útgáfa: Ferðablaðið Á ferð um Vestfirði. · ISSN 1670 - 021X
Ekkert ákveðið með undirverktaka
Ekki hefur enn verið samið um gerð ganga milli Hnífsdals og Bolungarvíkur og þar af leiðandi eru lægstbjóðendur,
Íslenskir aðalverktakar og Marti Contracrots Ltd., ekki enn farnir að ráða undirverktaka á svæðinu. Tilboð þeirra
hljóðaði upp tæplega þrjá og hálfan milljarð króna en fimm verktakar eða verktakahópar buðu í gangagerðina.
Aðspurður um málið segir Sigurður Sigurðsson, framkvæmdastjóri mannvirkjasviðs Íslenskra aðalverktaka, að ekki
hafi enn verið ákveðið hvenær verði samið. Hann vildi engu svara um það hvort fyrirtækið kæmi til með að ráða
undirverktaka á svæðinu. Um er að ræða 8,7 m breið, 5,1 km löng jarðgöng, byggingu um 310 m langra stein-
steyptra vegskála, gerð um 3,0 km langra vega og byggingu tveggja um 15 m langra steinsteyptra brúa.
Jóhanna Sigurðardóttir,
félags- og tryggingamálaráð-
herra, hefur skipað sjö ein-
staklinga í svæðisráð um mál-
efni fatlaðra á Vestfjörðum.
Þeir eru; Margrét Geirsdóttir,
Þuríður Ingimundardóttir og
Guðbrandur Sverrisson sem
tilnefnd eru af Fjórðungssam-
bandi Vestfirðinga, Íris Sveins-
dóttir sem tilnefnd er af Land-
lækni, Guðmundur Halldórs-
son, tilnefndur af Landssam-
tökunum Þroskahjálp, Stefán
Björgvin Guðmundsson sem
tilnefndur er af Öryrkjabanda-
lagi Íslands og Helga Björk
Jóhannsdóttir sem skipuð er
beint af ráðherra.
„Helstu hlutverk svæðis-
ráða eru að gera tillögur um
samræmingu þjónustu við
fatlaða, hafa eftirlit með þjón-
ustu við fatlaða, veita umsagn-
ir um svæðisáætlanir og síðast
en ekki síst annast réttinda-
gæslu fatlaðra þannig að þeir
fái þá þjónustu sem þeir eiga
rétt á“, segir í frétt á vefsíðu
ráðuneytisins. Alls eru átta
svæðisráð á landinu öllu.
– halfdan@bb.is
Sjö skipaðir í svæðisráð um málefni fatlaðra
Um 50 manns á Vestfjörð-
um eru um þessar mundir að
taka svoköllluð „pungapróf“,
sem veita skipstjórnarréttindi
á báta sem eru allt að 30 rúm-
lestir að stærð og þar af eru 12
grunnskólanemendur. Grunn-
skólinn á Ísafirði er einn fárra
skóla sem býður upp á punga-
prófið, en það er kennt sam-
kvæmt námsskrá framhalds-
skóla. Pungapróf hefur verið
kennt í skólanum í rúma hálfa
öld og hafa hundruð nemenda
lokið prófinu. Þau fara þó fæst
beint á sjó að loknu prófi.
Frá því er greint á vef Svæð-
isútvarps Vestfjarða að óvenju
margir Íslendingar taki nú
pungapróf en ný lög varðandi
þessi réttindi tóku gildi 1. jan-
úar um áhafnir íslenskra fiski-
skipa, varðskipa, skemmtibáta
og annarra skipa. Við gildis-
töku laganna breytast reglur
um skipstjórnarréttindi til
lækkunar á réttindunum. Þeir
sem hófu námið fyrir breyt-
inguna eru óðum að ljúka því
og fá réttindi samkvæmt
gamla kerfinu.
– thelma@bb.is
Óvenju margir taka pungapróf
Erik Newman, forstöðu-
maður félagsmiðstöðvanna í
Ísafjarðarbæ, hefur óskað eftir
leyfi frá störfum næstu þrjá
mánuði. Erik hefur auk starfa
sinna við félagsmiðstöðvarnar
gengið í flest verk íþrótta- og
tómstundafulltrúa bæjarins frá
því að Jón Björnsson sagði
upp störfum. Einnig tók Erik
við sem starfsmaður íþrótta-
og tómstundanefndar. Mar-
grét Geirsdóttir, forstöðumað-
ur Skóla- og fjölskylduskrif-
stofu, mun hafa umsjón með
verkum Eriks en án efa mun
fjarvera hans skapa aukið álag
á starfsmenn bæjarins á þessu
sviði. Óhætt er að telja að
framundan sé þó nokkur upp-
lausn í íþrótta- og tómstunda-
málum bæjarins.
Enn hefur starf íþrótta - og
tómstundafulltrúa ekki verið
lagt niður eins og áætlað var
en samkvæmt nýju skipuriti
sveitarfélagsins átti að færa
störf hans á tæknideild og til
forstöðumanns félagsmið-
stöðva. Nýr íþrótta- og tóm-
stundafulltrúi átti að taka að
sér stjórn félagsmiðstöðva,
eftirlit með samningum Ísa-
fjarðarbæjar um íþrótta- og
tómstundamál og stefnumót-
un í málaflokknum, svo sem
varðandi mótun frístundamið-
stöðvar.
Erik hefur yfirumsjón með
öllum félagsmiðstöðum Ísa-
fjarðarbæjar auk dægradvalar;
á Ísafirði, Flateyri, Suðureyri
og Þingeyri. Þá hafði verið
mikið rót á Félagsmiðstöð Ísa-
fjarðar áður en hún fékk fast
aðsetur í kjallara Sundhallar-
innar við Austurveg en þá
höfðu á annan tug staða verið
skoðaðir undir félagsmiðstöð-
ina. Félagsmiðstöðin hafði þá
átt í húsnæðisvanda síðan nýju
mötuneyti var komið upp í
Grunnskólanum á Ísafirði.
Að auki er framtíð ung-
mennahússins Gamla apó-
teksins í óvissu en í stöðumati,
sem þáverandi forstöðumaður
Skóla- og fjölskylduskrifstofu
stóð að fyrir rúmu ári, var lagt
til að starfsemi hússins yrði
hætt. Engin formleg ákvörðun
hefur þó verið tekin. Rekstur
Gamla apóteksins hófst árið
2000. Að uppbyggingu þess
komu Rauði krossinn forvarn-
arhópurinn Vá-Vest og Holl-
vættir MÍ.
Að sögn Eriks eru ástæður
hans fyrir leyfinu persónuleg-
ar. Honum hefur verið gefið
leyfi til að starfa á öðrum vett-
vangi á meðan á því stendur.
Tómstundamál í ólestri
Grunnskólinn á Ísafirði.
Deilur um greymslurétt
á erfðaskrá Dillons
Á þessum degi fyrir 45 árum
Þjóðskjalavörður, Stefán Pétursson, hefur gert kröfu til að
þjóðskjalasafni verði afhent erfðaskrá A.E.D. Dillons lávarðar,
sem afhent var Minjasafni Reykjavíkurborgar ásamt fleiri
gripum með gjafabréfi Sigurðar Ólasonar hrl., eins og skýrt
hefur verið frá í MBL. Kom bréf þar að lútandi frá þjóð-
skjalaverði fyrir síðasta borgarráðsfund og var þar samþykkt
að verða við þessari kröfu með fyrirvörum, sem skjala- og
minjavörður lagði til að fylgdu svari til þjóðskjalavarðar. Í
gærmorgun var svo erfðaskráin afhent þjóðskjalaverði ásamt
fyrrnefndu bréfi, þar sem sagt er að safnið fái erfðaskrána til
geymslu í Jarðabókarsjóð, sem var eina bankahólf landsmanna.
[…] „Ég tel það nánast hneyksli hvernig Sigurður Ólason
hæstaréttalögmaður, hefur haldið á þessu máli. Hann hefði
fyrst og fremst át að snúa sér til þjóðskjalasafnsins þegar skjal-
ið fannst til að ganga úr skugga um hvert það átti að fara. En
hann gerði það ekki. Í stað þess hirti hann skjalið sjálfur –
þannig kemst hann sjálfur að orði í MBL. –en segist hafa feng-
ið til þess leyfi yfirmanns síns í fjármálaráðuneytinu þar sem
skjalið fannst.
Óvart
Vetur konungur hefur heldur betur minnt á sig undanfarið;
Þorrinn sannað að lýsing Fjallaskáldsins í Þorraþrælnum er
hvergi nærri úr sögunni þrátt fyrir hlýnun jarðar. Og hverju má
búist við af Góu gömlu, sem samkvæmt þjóðtrúnni á að vera
grimm fyrstu þrjá dagana og þá muni hún góð verða. Það
merkilega við vinsælasta umræðuefni allra tíma, veðrið, er að
það kemur fólki alltaf á óvart. Óteljandi dæmi vitna um fólk
sem þrátt fyrir viðvaranir um yfirvofandi illviðri æðir upp um
fjöll og firnindi og á síðan allt undir því komið að óviðkomandi
nái að bjarga þeim til byggða; björgunarleiðangrar sem kosta
offjár og stofna lífi og limum leitarmanna í bráða hættu. Eftir-
leikurinn sjónvarpsviðtöl við ,,ofurhugana“ sem vissulega þótti
gaman að sjá björgunarmennina koma en voru aldrei í neinni
hættu!
Fréttir herma að bankarnir hafi því sem næst skrúfað fyrir
lánveitingar til húsnæðiskaupa. Þetta kom æði mörgum í opna
skjöldu, ekki síst fasteignasölum. Eitt lán á dag stóð í einu
blaðinu. Kúvending bankanna, frá þeir hófu kapphlaupið við
Íbúðalánasjóð með taumlausum austri á ómældu, ódýru erlendu
lánsfé, sem nú er ekki lengur í boði, mun hafa ófyrirséðar af-
leiðingar í för með sér á höfuðborgarsvæðinu. Byggingaraðilar
sitja þar uppi með þúsundir íbúa og tugþúsundir fermetra
verslunarhúsnæðis, sem byggt hefur verið umfram þörf. Allra
augu lokuð fyrir því að ævintýrið tæki enda. Fjárfestingarfyllir-
íinu stanslaust haldið áfram, timburmönnunum endalaust slegið
á frest. Sérfræðingar banka og annarra lánastofnana þögðu
þunnu hljóði meðan ódýra fjármagnið var fyrir hendi; stjórn-
völd stóðu álengdar ráðþrota gagnvart þenslunni sem þetta
olli í þjóðfélaginu; ráðið sem ríkisvaldið greip síðan til var að
draga úr framkvæmdum á landsbyggðinni og hvað frekast á
þeim svæðum þar sem neikvæður hagvöxtur var sem mestur.
Dæmi um örvæntinguna sem gripið hefur um sig í bransanum
á höfuðborgarsvæðinu er svokallaður ,,rauveruleikaþáttur“
sem nú stendur fyrir dyrum á einni sjónvarpsstöðinni til að
koma fáeinum óseldum íbúðum í gagnið.
Af því sem spurst hefur út frá samningaviðræðum atvinnu-
rekenda og verkalýðssamtakanna má ráða að hinir fyrr nefndu
óttast að atvinnuleysis muni gera vart við sig er líða tekur á
árið. Og horfa þá til ríkisvaldsins. Eflaust hefur einhver tekið
eftir því að efst á óskalistanum til varnar því böli sem atvinnu-
leysi vissulega er, er eitt stykki álver á suðurlandi. Í stuttu
máli: Nýtt fjármagn inn í hagkerfið til að viðhalda hagvextinum
í þéttbýlinu á suðvestur horninu! Húsvíkingar sem líkt og
íbúar NV-kjördæmis hafa um langt skeið barist hart fyrir til-
veru sinni eru ekki frekar venju á kortinu. Umhugsunarvert
þegar slík spil eru dregin upp úr stokknum í Karphúsinu!
Þegar upp er staðið: Sumt kemur aldrei á óvart!
s.h.