Bæjarins besta - 14.02.2008, Blaðsíða 9
FIMMTUDAGUR 14. FEBRÚAR 2008 9
Framboð vinnuafls minnkar
Framboð vinnuafls á Vestfjörðum minnkar um 1,6% frá fyrra ári samkvæmt áætlun
fjármálaráðuneytisins. Áætlanir sem þessar eru meðal annars notaðar við útreikninga á
hlutfalli skráðs atvinnuleysis sem Vinnumálastofnun birtir mánaðarlega. Áætlunin er
gerð í svokölluðum ársverkum sem eru mælikvarði á magn framboðsins. Töluvert færri
ársverk kvenna eru áætluð en karla, og munar þar ríflega 30%. Mikil aukning hefur
orðið á framboði vinnuafls á Suðurnesjum, örlítil aukning á Vesturlandi, Suðurlandi og
höfuðborgarsvæðinu, en í öðrum landshlutum hefur dregið úr framboði.
Upplýsingar um lausar lóðir á netinu
Upplýsingar um lausar lóðir í Ísafjarðarbæ verða aðgengilegar á netinu
á næstu misserum. Tæknideild Ísafjarðarbæjar vinnur nú að því að í
samstarfi við verkfræðistofuna Snertil að upplýsingarnar verði að-
gengilegar en atvinnumálanefnd fór þess á leit í nóvember að svo yrði.
Þá er Skipulagsstofnun að opna skipulagsgátt á vef sínum og mun
sveitarfélögum bjóðast að tengjast þeirri gátt. Það má því vænta að
upplýsingarnar verði að finna á veraldarvefnum innan tíðar.
Refsing þyngd í sex ára fangelsi
Hæstiréttur hefur þyngt dóm
yfir karlmanni sem dæmdur
hafði verið fyrir manndráps-
tilraun fyrir Héraðsdómi Vest-
fjarða. Maðurinn sem er á sex-
tugsaldri hafði verið dæmdur
til fjögurra og hálfs árs fang-
elsisvistar en hæstiréttur þyngdi
dóminn í 6 ár. Til frádráttar
refsingu kemur gæsluvarð-
hald ákærða sem hann hefur
sætt frá 9. júní sl. Þá var mann-
inum gert að greiða eiginkonu
sinni eina milljón krónur í
bætur ásamt dráttarvöxtum
auk þess sem honum var gert
að greiða rúmar 1,4 milljónir
króna í sakarkostnað. Bóta-
kröfu sonar mannsins var vís-
að frá dómi. Hæstiréttur ákvað
að ákvæði héraðsdóms um
skaðabætur og sakarkostnað
skuli vera óröskuð en að auki
skuli maðurinn greiða allan
áfrýjunarkostnað málsins.
Í dómsorði segir að refsing
fyrir brotið, sem ákærði er sak-
felldur fyrir, skal að lágmarki
nema fimm ára fangelsi. Við
ákvörðun hennar verður að líta
til þess hversu einbeittur
ásetningur ákærða til verkn-
aðarins hafi verið, eins og gert
er í niðurstöðu hins áfrýjaða
dóms. „Ákærði fór með hlaðna
haglabyssu, sem hann hafði
sótt á neðri hæð hússins, á
eftir konu sinni að útidyrum á
efri hæð, þar sem hún leitaði
útgöngu. Þar lauk eftirförinni
með skoti úr byssunni þegar
útidyrnar höfðu verið opnað-
ar. Á einhverju stigi frá því að
ákærði ákvað að sækja byss-
una, hvort sem hún þá var
hlaðin eða hann hlóð hana, og
þar til hann hleypti af henni
svo nálægt konu sinni að högl-
in strukust við hægri öxl henn-
ar, varð ásetningurinn til. Án
tillits til þess hvort ásetning-
urinn hafi fyrst myndast þegar
útidyrnar voru opnaðar verður
að líta til þess að með því að
beita skotvopni á þennan hátt
framdi ákærði lífshættulegan
verknað og ljóst er að hending
ein réði að ekki hlaust bani
af.“
Forsaga málsins er sú að
föstudagskvöldið 8. júní sl.
fékk lögreglan á Vestfjörðum
tilkynningu um að maður
hefði skotið að konu sinni á
heimili þeirra að Bakkavegi
29 í Hnífsdal. Samkvæmt
frumskýrslu lögreglu var
maðurinn með skotvopn inn-
andyra en konan hafði komist
undan og hlaupið í hús nr. 25.
Vopnaðir lögreglumenn fóru
á vettvang og gerðar voru ör-
yggis ráðstafanir til að tryggja
öryggi nærstaddra. Hlúð var
að brotaþola, sem virtist ekki
hafa hlotið alvarlega áverka,
og hún flutt í sjúkrabifreið á
sjúkrahúsið á Ísafirði.
Meðan beðið var sérsveitar
ríkislögreglustjóra varð lög-
regla vör við ákærða í húsinu.
Lögreglumaður náði síma-
sambandi við ákærða sem svo
sleit samtalinu. Ákærði kom
síðan út úr húsinu í stutta stund.
Hlýddi hann ekki fyrirskipun-
um lögreglu um að leggjast
niður og hraðaði sér aftur inn
í húsið. Er sérsveitarmenn
komu á vettvang náðu þeir tali
af ákærða er hann kom í dyra-
gættina, og með hvatningu
þeirra fékkst ákærði til að
koma til móts við þá og var
hann yfirbugaður og handtek-
inn.
Meðan lögregla var á vett-
vangi hafði skothvellur heyrst
úr húsinu. Síðar fundust um-
merki um skot á barnastól og
gólfi á efri hæð hússins.
– thelma@bb.is
Það eru fá ef nokkur sjávar-
útvegsfyrirtæki ósnert af þeim
kvótaniðurskurði sem fram-
kvæmdur var í fyrra haust og
hjá fiskvinnslu Klofnings ehf.
á Suðureyri hefur niðurskurð-
ur í framleiðslu verið um 30%,
svipað og kvótaniðurskurður-
inn sjálfur. Klofningur hefur
undanfarin ár orðið einn stær-
sti útflytjandi landsins á þurrk-
uðum þorskhausum til Nígeríu
og er með höfuðstöðvar á Suð-
ureyri en vinnslustöðvar á Ísa-
firði, Brjánslæk, Tálknafirði
og Patreksfirði. Guðni A. Ein-
arsson framkvæmdastjóri Klofn-
ings segir það óhjákvæmilegt
að fyrirtækið verði að draga
seglin saman að einhverju
leyti við svona aðstæður.
„Það hjálpar ekki til að
Kambur sem var okkar stærsti
birgi hætti starfsemi og Bakka-
vík hætti bolfiskvinnslu. Við
höfum í staðinn reynt að fram-
leiða meira af öðrum afurðum
en þurrkuðu þorskhausunum,
svo sem ýsu og hryggi. Þá er
einnig mun minna framleitt
af loðdýrafóðrinu.“ Enn sem
komið er hefur ekki þurft að
grípa til fækkunar starfsfólks
en Guðni telur að það komi
nær örugglega að því. „Það
má gera ráð fyrir að vinnan í
sumar verði mun minni en
áður en starfsemin er það mik-
il að við ætlum okkur ekkert
að gefast upp fyrr en á bjarg-
brúnina er komið,“ segir Guðni.
Að hans mati eru þær fréttir
sem berast af uppsögnum
frystihúsa víða um landa ekki
óvæntar. „Ég hef ekki trú á að
þeir séu að þessu í einhverju
annarlegum tilgangi eða að
reyna að nýta sér tækifærið til
að hagræða. Yfirvöld virðast
ekki hafa gert sér nokkra grein
fyrir afleiðingunum sem af
kvótaniðurskurði um 60 þús-
und tonn hljótast. Það er ein-
falt reikningsdæmi að allur
niðurskurðurinn er tólf sinn-
um það magn sem unnið er í
Íslandssögu. Því hljóta 12
frystihús að leggja upp laup-
ana. Ef menn reyna að halda
því fram að það sé óeðlilegt
eru þeir á einhverjum villi-
götum.“
– sigridur@bb.is
Óhjákvæmilegur samdráttur hjá Klofningi
Suðureyri.
Fjórar umsóknir bárust
um starf fjármálastjóra Ísa-
fjarðarbæjar en umsóknar-
frestur rann út í síðustu viku.
Þá hafði umsóknarfrestur-
inn verið framlengdur um
tæpar tvær vikur að tillögu
ráðningarþjónustunnar Tal-
ent sem sér um ráðninguna.
Umsækjendur eru Indriði
Indriðason, fjármálastjóri á
Stokkseyri, Jón Halldór
Oddsson, yfirmaður upplýs-
ingar- og gagnasviðs í Reyk-
javík, Neil Shiran Þórisson,
verkefnastjóri á Ísafirði og
Víðir Ólafsson, sérfræðing-
ur á Ísafirði. Fjármálastjóri
er sviðsstjóri fjármálasviðs
en helstu verkefni þess eru
gjaldskrár, innheimta, greið-
sla reikninga, fasteigna-
gjöld, bókhald- ársreikning-
ar, fjárhagsáætlun ársins og
þriggja ára áætlun sem er
Fjórir vilja starf fjármálastjóra
megin langtímastjórntæki við
fjármálalega umsýslu sveitar-
félagsins.
Eins og greint hefur verið
frá óskaði Þórir Sveinsson eft-
ir starfslokasamningi í októ-
ber eftir að hafa hjá sveitarfé-
laginu í 16 ár. Í starfinu felst
ábyrgð á daglegri fjármála-
stjórn bæjarins, gerð og eftir-
fylgni fjárhagsáætlana, um-
sjón með fjárstýringu og greið-
sluflæði, innheimta og reikn-
ingagerð, skýrslugerð og
uppgjör, stefnumótun og
þátttaka í gæðastarfi og
samstarf við starfsmenn
bæjarins.
Hæfniskröfur til starfsins
eru háskólamenntun á sviði
viðskipta, þekking og reyn-
sla af stjórnun og rekstri,
reynsla af sveitarstjórnar-
málum er kostur, sjálfstæði
í vinnubrögðum og frum-
kvæði og góð samskiptahæfni.
Stjórnsýsluhúsið á Ísafirði.
Hefur komið fyrir
að of stutt er mokað
Stjórn íbúasamtakanna Átaks
á Þingeyri fullyrðir að mikil
óánægja sé meðal íbúa bæjar-
ins með snjómokstur Vega-
gerðarinnar. Segir í bréfi sam-
takanna til bæjarráðs Ísafjarð-
arbæjar að ferðir snjómokst-
urstækja séu fáar og seint á
morgnanna þegar illa viðrar.
Þá segir í bréfinu að íbúar
fullyrði að oft sé Gemlufalls-
heiði mokuð en Dýrafjörður
skilinn eftir ómokaður. Að-
spurður um málið segir Geir
Sigurðsson, rekstrarstjóri Vega-
gerðarinnar á Ísafirði, að verk-
takar sjái um mokstur á þess-
um leiðum og að þeir muni
taka tillit til þessara athuga-
semda.
„Það hefur komið fyrir, en
örsjaldan að okkar mati, að
það hefur verið mokað of stutt.
Þá hefur sá sem mokar metið
það sem svo að vegurinn um
fjörðinn væri í lagi og því
hætt mokstri“, segir Geir.
„Almennt teljum við að
þjónustan milli Ísafjarðar og
Þingeyrar hafi verið góð í vet-
ur, en það getur alltaf komið
fyrir að menn meti stöðuna
ekki rétt og moka ekki nógu
langt, og við vitum um slík
tilvik“, segir Geir Sigurðsson.
rekstrarstjóri Vegagerðarinn-
ar. – halfdan@bb.is
Þingeyri.