Bæjarins besta - 26.08.2010, Blaðsíða 2

2 FIMMTUDAGUR 26. ÁGÚST 2010
Guðmundur F. Sigurjónsson,
stjórnarformaður Kerecis, segir
að þróunarferlinu sé um það bil
að ljúka og við taki prófunar- og
skráningarferli sem taki eitt ár.
Fyrirtækið hefur í um þrjú ár
unnið að rannsóknum og vöru-
þróun á lækningavörur úr þorsk-
próteini. „Við fáum þorskroð úr
eldisþorski sem eru í kvíum út-
gerðarfyrirtækisins Gunnvarar á
Súðavík og framleiðum úr roðinu
prótein, sem er svo unnið áfram
í stoðefni. Helsti kosturinn við
eldisþorskinn er að rekjanleikinn
mjög svo einfaldur. Einnig er
breytileiki próteinanna minni í
eldisþorski en í villtum þorski er
próteinsamsetningin mismun-
andi eftir árstíðum,“ segir Guð-
mundur í samtali við Útvegs-
blaðið.
Guðmundur segir að vinnan
við rannsóknir og vöruþróun hafi
gengið vel til þessa, enda hafi
verið vandað til verka. Vöruþró-
unin fari að mestu fram á eigin
rannsóknarstofu á Ísafirði en hluti
fari fram hjá Matís sem búi yfir
mikilli þekkingu og góðum tækja-
kosti. „Við búumst við að fram-
leiðsla hefjist á næsta ári og stefn-
um að því að framleiðsla stoð-
efnisins fari fram á Ísafirði og þá
mögulega í samvinnu við Gunn-
vöru. Við höfum sótt um einka-
leyfi á vörunni í nokkrum lönd-
um. Hugsanlegir kaupendur hafa
verið mjög jákvæðir, þannig að
eins og staðan er í dag getum við
leyft okkur að vera bjartsýn á
framtíðina,“ segir Guðmundur í
Útvegsblaðinu.
Markaðurinn fyrir lækninga-
vörur sé gríðarlega stór og sam-
keppnin eftir því hörð. Fólk sem
er með þrálát sár sem ekki tekst
að lækna getur misst útlimi. Þetta
á meðal annars við um fólk með
sykursýki eða æðahrörnunar-
sjúkdóma. „Við ætlum okkur að
fara rólega af stað. Allar rann-
sóknir og prófanir hafa til þessa
lofað góðu og hráefnið til fram-
leiðslunnar er fyrsta flokks. Ný-
sköpunarsjóður atvinnulífsins
hefur nýverið keypt um þriðjungs
hlut í Kerecis sem er ákveðin við-
urkenning á okkar starfi. Auk
þess er skemmtilegt að þróa vöru
úr hráefni sem annars væri líklega
hent,“ segir Guðmundur F. Sig-
urjónsson stjórnarformaður Ker-
ecis. Frá þessu var sagt í Útvegs-
blaðinu. – thelma@bb.is
Hefur sótt um einkaleyfi víða um heim
Félagsmönnum í Verka-
lýðsfélagi Vestfirðinga býðst
nú að leita til lögfræðinga fé-
lagsins til að fá úr því skorið
hvort myntkörfulán sem þeir
kunna að hafa tekið, gætu ver-
ið ólögmæt samkvæmt úr-
skurði Hæstaréttar. Það eina
sem félagsmenn þurfa að gera
er að koma upprunalegum
lánasamningi og einum greið-
sluseðli til félagsins en það
mun síðan sjá um koma gögn-
um til lögfræðinga félagsins
sem munu finna út hver staðan
er og veita ráðgjöf um fram-
haldið.
Fram kemur á vef VerkVest
að þjónusta þessi sé félags-
mönnum að kostnaðarlausu.
Ef hinsvegar kemur í ljós að
viðkomandi lán teljist ólögleg
og við taki frekari vinna lög-
fræðinga við hagsmunagæslu
gagnvart bönkum eða fjár-
málafyrirtækjum yrði ein-
göngu greidd þóknun á sömu
kjörum og félagsmenn njóta
hverju sinni.
– kristjan@bb.is
Bjóða aðstoð vegna
myntkörfulána
Bolvíkingurinn Jón Guðni
Fjóluson, leikmaður Fram knatt-
spyrnu, fór fyrir stuttu til Hol-
lands til að skoða aðstæður hjá
knattspyrnuliðinu PSV Eind-
hoven. Jón Guðni er ættaður frá
Bolungarvík að því er fram kem-
ur á vefnum vikari.is. Hann er
sonur Fjólu Halldóru Jónsdóttur,
dóttur Jóns Guðna Pétursson
skipstjóra og Esterar Hallgríms-
dóttur.
Jón Guðni hefur verið frábær
með Fram í sumar og átt marga
góða leiki og hefur skorað þrjú
mörk í þeim 15 leikjum sem hann
hefur spilað. Hann er afar fjöl-
hæfur leikmaður og getur bæði
leikið sem miðjumaður og mið-
vörður. Hann var í U21 árs lands-
liðinu sem vann frábæran sigur á
Þjóðverjum á dögunum en hann
og Hólmar Örn Eyjólfsson mynda
afar sterkt miðvarðapar þar.
Skoðar aðstæður hjá PSV
Nokkuð hefur borið á því á
Vestfjörðum og reyndar víðar um
landið að berjabrekkur séu brúnar
að sjá. Þrátt fyrir að þurrkar hafi
verið miklir á landinu er ekki
hægt að kenna þeim um ryðbrúna
litinn heldur er sökudólgurinn
líklega að mestu lirfa fiðrildisins
birkifetans. Þessar skemmdir eru
í fæstum tilfellum varanlegar að
því er fram kemur á vef Náttúru-
stofu Vestfjarða en plágan gæti
herjað á sama stað árið eftir þar
sem lirfan púpar sig og lifir þann-
ig af veturinn og vaknar sem
fiðrildi að vori. Hart frost á auða
jörð gæti slegið nokkuð á stofn-
inn.
„Lirfan lifir á laufi og étur að-
allega birki en einnig bláberja-
og aðalbláberjalyng. Hann étur
alla blaðgrænu úr laufinu en eftir
verður æðvefur sem er ryðbrúnn.
Berin geta náð að þroskast áður
en lirfan kemur. Lirfurnar éta
yfirleitt ekki berin. En þessi plága
hefur góða hlið þar sem mófuglar
komast í feitt þar sem lirfurnar
eru,“ segir á vef Náttúrustofu Vest-
fjarða. – kristjan@bb.is
Ryðbrúnar berjabrekkur Vestfirðir vöktu athygli margra í Íslandstjaldinuá Menningarnótt. Hér fræðir Kristjana Milla
Snorradóttir einn gesta um Vestfirði.
Ferðamálstofa og markaðs-
stofur landshlutanna tóku í fyrsta
skipti sameiginlega þátt í Menn-
ingarnótt sem haldin var í Reyk-
javík um helgina. Markaðstofa
Vestfjarða tók þátt í kynningu
sem fram fór í Íslandstjaldinu
svokallaða og var einn af megin-
punktum hátíðarinnar. Markaðs-
stofur landshlutana kynntu þar
haust- og vetrardagskrána á sínu
svæði. „Þetta var mjög skemmti-
legt. Við lögðum áherslu á veislu
að vestan og buðum upp á reyktan
rauðmaga frá Patreksfirði og
harðfisk frá Flateyri og vakti það
mikla lukku. Við fengum einnig
bolvíska refi með okkur í lið og
einn lunda. Það var mesta traffík-
in í básinn okkar þar sem við
vorum með eitthvað áþreifanlegt,
bæði til að smakka og skoða,“
segir Kristjana Milla Snorradóttir
sem var ein þeirra sem stóð vakt-
ina hjá Markaðsstofu Vestfjarða.
„Punkturinn yfir i-ið var síðan
tónlistarmaðurinn Biggibix sem
spilaði þrisvar sinnum yfir dag-
inn. Sara Vilbergsdóttir, listmál-
ari tók þátt í að mála málverk á
staðnum fyrir hönd Vestfjarða
en þar málaði einn listamaður
frá hverjum landshluta á verk
sem var síðan afhjúpað á staðn-
um. Það var stöðugur straumur
af fólki þrátt fyrir kulda og sýndu
margir matnum og dýrunum okk-
ar mikinn áhuga,“ segir Kristjana
Milla. Þess má geta að Jón Gnarr,
borgarstjóri í Reykjavík setti há-
tíðina í tjaldinu og var henni
einnig slitið þar um kvöldið.
Vestfirðir vöktu athygli
Ísfirðingurinn Biggibix tróð upp ásamt Halldóri Gunnari Pálssyni og Helgu Margréti Marzellíusardóttur.