Bæjarins besta - 26.08.2010, Blaðsíða 6

6 FIMMTUDAGUR 26. ÁGÚST 2010
Útgefandi: Gúttó ehf., kt. 680501-2620, Sólgötu 9, 400 Ísafjörður, sími 456 4560, fax 456 4564. Ritstjóri: Sigurjón J. Sigurðsson, sími
892 5362, bb@bb.is. Blaðamenn: Thelma Hjaltadóttir, símar 456 4693 og 849 8699, thelma@bb.is, Kristján Einarsson, símar 456 4560
og 848 3403, kristjan@bb.is. Ritstjóri netútgáfu bb.is: Sigurjón J. Sigurðsson. Ljósmyndari: Halldór Sveinbjörnsson, sími 894 6125,
halldor@bb.is. Ábyrgðarmenn: Sigurjón J. Sigurðsson og Halldór Sveinbjörnsson. Lausasöluverð er kr. 400 eintakið með vsk. Veittur er
afsláttur til elli- og örorkulífeyrisþega. Einnig sé greitt með greiðslukorti. Önnur útgáfa: Ferðablaðið Á ferð um Vestfirði. ISSN 1670 - 021X
Spurningin
Kvíðir þú
skammdeginu?
Alls svöruðu 413.
Já sögðu 80 eða 19%
Nei sögðu 333 eða 81%
Netspurningin er birt viku-
lega á bb.is og þar geta
lesendur látið skoðun sína
í ljós. Niðurstöðurnar eru
síðan birtar hér.
Helgarveðrið
Horfur á föstudag:
Vestlæg eða breytileg átt.
Væta um vestan- og
norðanvert landið en
annars úrkomulítið. Hiti
5-13 stig. Horfur á
laugardag: Norðanátt og
rigning um mest allt land.
Hiti 5-12 stig, hlýjast
sunnanlands. Horfur á
sunnudag: Norðanátt og
rigning norðan- og aust-
anlands en annars skýjað
með köflum. Hiti 5-14
stig, hlýjast sunnanlands.
Ritstjórnargrein
Hættum þrefinu
Mengun af rækjuúrgangi og
viðurstyggileg fýla frá Kampa
Veruleg mengun er í Skutuls-
firði af rækjuskel og úrgangi frá
rækjuvinnslunni Kampa ehf. að
Sindragötu 1 á Ísafirði ásamt ill-
vígri fýlu. Annars vegar kemur
mengunin beint úr frárennsli
vinnslunnar og hins vegar er full-
yrt að rækjuskel sé sturtað í sjóinn
af Hnífsdalsbryggju. Finnur
Magnússon sem búsettur er við
Sundstræti ekki langt frá rækju-
vinnslu Kampa segir að lyktin sé
alveg óbærileg og hafi verið það
undanfarið. „Ég meira að segja
vaknaði við þessa fýlu eina nótt-
ina. Ég hef verið að ræða við
fólk hérna í kring og það eru allir
sammála um að það sé ekki hægt
að búa við þetta til lengdar.“
Annar íbúi við Sundstræti segir
að rækjuskel frá vinnslunni sé
þar í fjörunni. „Það er ferleg pest
af þessu enda er þetta að rotna í
fjörunni.“
„Í víkinni hér fyrir innan höf-
um við iðulega séð rækjuskel, til
dæmis núna í vikunni. Það leynir
sér ekki neitt. Við höfum heyrt
að þeir sturti hér fram af bryggj-
unni. Við höfum ekki orðið vör
við eins mikið af þessu og núna
kringum síðustu helgi“, segir
starfsmaður hjá Hraðfrystihús-
inu-Gunnvöru við Hnífsdals-
bryggju. Kajakræðari sem fór út
á fjörð fyrir nokkrum dögum
kveðst hafa fengið ósómann
framan í sig í pusinu.
Hjá Heilbrigðiseftirliti Vest-
fjarða könnuðust menn ekki við
neinar kvartanir eða ábendingar
vegna þessa máls núna undan-
farið og vissu ekki til þess að
málið væri þar á borðum. Hins
vegar segir bæjarfulltrúi í Ísa-
fjarðarbæ að hann hafi fyrr í sum-
ar komið persónulegri ábendingu
til eftirlitsins um mikla rækjuskel
í fjörunni og vonda lykt.
Albertína Friðbjörg Elíasdótt-
ir, formaður umhverfisnefndar
Ísafjarðarbæjar, telur að mál sem
þetta heyri fyrst og fremst undir
heilbrigðiseftirlitið en ekki nefnd-
ina og hafi ekki komið til um-
fjöllunar hjá henni. „Það hefur
enginn kvartað til okkar en þetta
er hins vegar auðvitað mjög
óheppilegt.“
– hlynur@bb.is
Íbúar í næsta nágrenni við Kampa eru orðnir þreyttir á ástandinu.
Bæjarins besta fagnaði samkomulaginu um yfirtöku sveitarfélag-
anna á málefnum fatlaðra á komandi ári. Vart leikur vafi á að nið-
urstaða málsins grundvallaðist á sátt samningsaðila um auka hlut-
deild sveitarfélaga í skatttekjum, í formi útsvars. Þá hafði ákvæðið
um endurmat á yfirfærslunni 2014 sitt að segja. Minnug grunnskól-
ans á þar við hið fornkveðna að brent barn forðast eldinn.
Í þessu sambandi var haft eftir Halldóri Halldórssyni, formanni
Sambands íslenskra sveitarfélaga: ,,Við höfum verið að koma á
fjárhagsramma við erfiðar aðstæður í þjóðfélaginu en við teljum
okkur vera búin að ná lendingu. – Ég tel að þetta sé yfirfærsla á
jafnræðisgrundvelli með hagsmuni skjólstæðinganna í huga.“ Eng-
um blöðum er um að fletta að BB taldi þessi orð formanns samtaka
sveitarfélaga boða aukinn skilning milli ríkis og sveitarfélaga um
skiptingu þjóðarkökunnar. Land væri fyrir stafni. Vart er þó lendingu
náð því fyrr í mánuðinum var haft eftir formanninum að of mikið
þref í fjárhagslegum samskiptum ríkis og sveitarfélaga væri ríkjandi;
jafnframt að þörf væri fyrir meiri aga í fjármálum sveitarfélaga og
að því væri unnið í nýju frumvarpi, um breytingar á sveitarstjórnar-
lögum, sem lagt verður fram á haustþingi.
Fjármál sveitarfélaga hafa verið, eru og verða erfið. Síauknar
kröfur um þjónustuhlutverk þeirra kalla á æ meira fjármagn, sem
óhjákvæmilega dregur úr möguleikum til framkvæmda, sem engu
síður kunna að vera nauðsynlegar. Þörfin fyrir nýjum og tryggum
tekjustofnum brennur því hvað mest á flestum sveitarfélögum. Þak
á heimild sveitarstjórna til að skuldsetja sveitarfélögin er eitt af því
sem nú er til umræðu varðandi fjármál þeirra. Ekki er ólíklegt að til
þessa verði horft fyrr en seinna með lagasetningu. Umdeilt mál, en
segja má að til þess séu vítin að varast þau.
Bæjarins besta hefur ekki legið á þeirri skoðun sinni að lítið hafi
farið fyrir sanngirni í samskiptum ríkis og sveitarfélaga hvað við-
víkur skiptingu skatttekna eftir að útsvar og og tekjuskattur runnu
saman í einn skattstofn við innheimtu. Nægir í því sambandi að
benda á þær afleiðingar sem flutningur grunnskólans hefur haft á
fjárhag margra sveitarfélaga. Eflaust man einhver eftir kennara-
verkfalli nokkru eftir að flutningur grunnskólans átti sér stað, og
,,framlagi“ ríkisvaldsins til lausnar þeirrar erfiðu deilu: Okkur
kemur þetta ekkert við, þið hafið tekið við skólanum!
Vonandi er að þrefið, sem formaður Sambands íslenskra sveitar-
félaga hefur réttilega vakið athygli á að ríkt hefur milli ríkis og
bæja, fari að tilheyra fortíðinni. s.h.