Bæjarins besta - 26.08.2010, Blaðsíða 4

4 FIMMTUDAGUR 26. ÁGÚST 2010
Rúmlega þrjátíu skemmti-
ferðaskip heimsækja Ísafjörð í
sumar. Enn fleiri skip eru vænt-
anleg næsta sumar en sum
skemmtiferðaskip koma tvisvar
til Ísafjarðar á sumri og önnur
koma eingöngu við í Vigur en
leggja ekki við Ísafjarðarhöfn.
Mikið annríki hefur verið hjá
þeim þjónustuaðilum sem koma
á einn eða annan hátt að skipa-
komum í sumar en það er ferða-
skrifstofan Vesturferðir á Ísafirði
sem sér um að þjónusta og skipu-
leggja ferðir fyrir farþega skip-
anna.
Ísafjarðarhöfn er þriðja stærsta
höfn landsins er kemur að mót-
töku skemmtiferða en fyrir sum-
arið höfðu aldrei fleiri skip boðað
komu sína vestur á firði. Þau
skip sem komið hafa það sem af
er sumri og eiga eftir að koma
eru öll mismunandi að stærð en
stærsta skip sumarsins var Costa
Magica sem kom um miðjan júní.
Costa Magica er stærsta skipið
sem komið hefur til Ísafjarðar en
það er heil 102.587 brúttótonn
að stærð og tekur að hámarki
3.470 farþega.
Guðmundur M. Kristjánsson
er hafnarstjóri Ísafjarðarbæjar en
meðal verka hans er að fá erlend
skipafélög til þess að heimsækja
Ísafjarðarhöfn. Bæjarins besta sló
á þráðinn og spurðist fyrir um
sumarið og framtíðina.
– Hvernig hefur sumarið geng-
ið hingað til?
„Þetta hefur bara gengið mjög
vel. Það voru tvær afbókanir þar
sem um er að ræða bilanir í skip-
um og þau komu ekki til Íslands.
Að öðru leyti hefur sumarið
gengið æðislega vel. Það kom
þarna smá óveðurskafli en það
hitti akkúrat þannig á að það kom
ekkert skip á meðan. Það gekk
allt upp í sambandi við mótttöku
á þessum skipum og ég veit ekki
betur en allir sé ánægðir.“
– Er erfitt að að fá skemmti-
ferðaskip til að heimsækja Ísa-
fjörð?
„Það er svolítið ferli. Við höf-
um tekið mjög markvisst þátt í
alþjóðlegum kynningarráðstefn-
um síðustu ár. Þær eru tvær, ann-
ars vegar Evrópu–ráðstefna að
hausti til og svo önnur í Miami í
mars. Þegar Hermann heitinn
Skúlason var hafnarstjóri var
byrjað að taka þátt í þessum ráð-
stefnum og við höfum gert þetta
mjög markvisst síðan.“
Guðmundur var kjörinn í stjórn
Cruise Europe samtakanna á
aðalfundi þeirra fyrr á árinu en
Guðmundur er fulltrúi norður-
svæðisins í stjórninni, þ.e. Ís-
lands, Noregs og Færeyja, en
hana skipa níu manns. Cruise
Europe eru samtök 105 hafna í
Vestur-, Norður- og Mið-Evrópu
sem vinna saman að markaðs-
setningu fyrir skemmtiferðaskip.
Af þeim 105 höfnum sem mynda
samtökin eru fjórar á Íslandi.
Guðmundur segir að það sé tekið
eftir því að komum skemmti-
ferðaskipa hafi fjölgað hér.
„Sums staðar er þeim að fækka
en það hefur verið stöðug aukn-
ing hjá okkur og við höfum alltaf
náð að bæta við. Það getur hins
vegar komið niðursveifla í þetta
en kreppan virðist samt sem áður
ekki hafa haft áhrif í þessu.“
Aðspurður um hvort að hann
finni fyrir miklum áhuga skipafé-
laga á að koma hingað segir
Guðmundur svo ekki vera.
„Það þarf að hafa fyrir þessu
og það sem mér finnst skipta
mestu máli í þessu eru persónuleg
tengsl sem myndast á ráðstefnum
og þess háttar. Maður kynnist
fólki og því fólki sem er að sjá
um þetta. Þegar maður fer alltaf
ár eftir ár og hittir sama fólkið
myndast ákveðin tengsl.“
– Hvernig lítur næsta sumar
út?
„Það eru komnar 33 bókanir
fyrir næsta sumar. Þannig er
aukning frá því sem er núna en
hins vegar virðist árið 2012 fara
rólega af stað. Þetta er langhlaup
og þetta byggist á því að vera
sýnileg á þeim vettvangi þar sem
allir eru. Þar eru allar þær hafnir
sem eru að sækjast eftir að fá
skemmtiferðaskip til sín.“
kristjan@bb.is
Komum skemmtiferðaskipa fjölgar