Frjáls verslun - 01.08.2010, Qupperneq 55

F R J Á L S V E R S L U N • 8 . - 9 . T B L . 2 0 1 0 55
Hvenær telur þú að fjárhagslegri
endurskipulagningu fyrirtækja ljúki og
þau geti byrjað að fjárfesta aftur?
Það er erfitt að setja fyrirtæki á Íslandi
undir einn hatt. Aðstæður eru mjög
mismunandi. Almennt má segja að það
séu eitt eða tvö ár í að fjárhagslegri
endurskipulagningu sé „lokið“ og það
muni taka nokkur ár í viðbót að byggja
upp nauðsynlegt eigið fé. Hins vegar þurfa
mörg fyrirtæki stöðugt að fjárfesta til þess
að geta starfað og veitt eðlilega þjónustu.
Finnur þú á meðal viðskiptavina þinna
að þeir fái ekki nægilega fyrirgreiðslu í
bönkum?
Yfirleitt tel ég að bankarnir aðstoði og veiti
nauðsynlega fyrirgreiðslu.
Finnur fyrirtæki þitt beint fyrir því að
gjaldeyrishöftin trufli starfsemi þess?
Gjaldeyrishöftin trufla mjög alla starfsemi
og skapa óvissu.
Er fyrirtæki þitt í samkeppni við
fyrirtæki í eigu banka eða kröfuhafa?
Já.
Hvaða áhrif hefði það á starfsemi
fyrirtækis þíns ef Íslendingar gerðust
aðilar að Evrópusambandinu?
Tel það jákvætt.
Hyggst fyrirtæki þitt bæta við sig fólki á
næstunni?
Verkefnastaðan hjá okkur á nýju ári ræður
því hvort við bætum við starfsfólki eða
ekki.
Ertu hlynntur því að festa vísitöluna í
öllum lánasamningum og kippa þannig
verðtryggingunni úr sambandi?
Hef ekki skoðað hvaða áhrif það hefði.
Ef þú yrðir forsætisráðherra í einn dag;
hvert yrði þitt fyrsta verk?
Miðað við ástandið í dag þá myndi ég
boða til kosninga strax.
Viðskiptalífið yrði betra ef …
… bankar og lífeyrissjóðir væru ekki að
taka yfir fyrirtæki og fara í samkeppni
við einkaaðila. Þessi þróun er röskun
á eðlilegri samkeppni, það á ekki að
vera þeirra hlutverk að vera í „beinni“
samkeppni við viðskiptavini eða
sjóðsfélaga.
Betra ef bankar
og lífeyrissjóðir
væru ekki að
taka yfir fyrirtæki
Frosti Bergsson, stjórnarformaður Opinna kerfa.
FROSTI BERGSSON
stjórnarformaður Opinna kerfa
Mörg fyrirtæki
þurfa stöðugt að fjárfesta