Frjáls verslun - 01.08.2010, Blaðsíða 147

F R J Á L S V E R S L U N • 8 . - 9 . T B L . 2 0 1 0 147
eins og Nína á að vera þykir henni takast vel upp
í dansinum og bætir við frábærum leik í erfiðu
hlutverki þar sem hún lýsir vel kuldanum sem
kemur frá Nínu sem og þeim geðbreytingum
sem á henni verða. Margir eru á því að óskarinn
bíði eftir henni á næsta ári. Sjálf segir Portman
um hlutverkið að persónan hafi verið lengi að
mótast. „Nokkur ár eru síðan Aronofsky nefndi
hlutverkið við mig og af og til höfum við verið að
ræða myndina, þannig að ég var búin að hugsa
persónuna lengi. Varðandi dansinn þá var ég í
ballett til 12 ára aldurs og lagði þannig grunninn
en var svo í eitt ár að æfa mig undir leiðsögn
tveggja frábærra dansara og kenn ara. Æfingarnar
voru ekki stífar í byrjun en eftir því sem nær dró
upptökum urðu þær blóð, sviti og tár og ef einhver
telur sig sjá sársauka í svip mínum í einhverjum
ballettatriðunum þá er það ekki leikur.“
Darren Aronofsky
Fyrsta kvikmynd Darrens Aronofskys í fullri lengd
er Pi (1998), svart hvít kvikmynd sem vakti mikla
athygli og hlaut mörg verð laun. Strax í þeirri kvik-
mynd er Aronofsky farinn að kafa í manns sálina
en Pi fjallar um hálf brjálaðan stærðfræðing sem
er í sífelldri leit að reglu í heiminum. Hann trúir
því statt og stöðugt að heim inn sé hægt að tákna
með tölum og að hann sé einfaldur og fallegur og
hafnar allri óreiðu.
Næst kom Requiem For a Dream (2000), sem
fjallaði á átakan legan hátt um fjóra eiturlyfja-
neyt endur, kvikmynd sem lætur engan ósnort-
inn sem hana sér. Þriðja kvikmynd Aronofskys
er The Fountain (2006), sem fór fyrir ofan garð
og neðan hjá mörgum enda einstaklega tor skilin
kvik mynd sem fjallar um vísindamann sem fylgist
með eiginkonu sinni versna af krabba meini. Í
kring um þennan söguþráð er önnur saga sem
spann ar hundruð ára og gerir myndina súrrea líska.
Ef einhverjir hafa haldið að Aronofsky væri að
flippa út með The Fountain og á brattann væri
að sækja fyrir hann þá gerði The Wrestler (2008)
þær hugmyndir að engu, en hún er vin sæl asta
kvik mynd Aronofskys hingað til og greiddi leið
Mick eys Rourkes aftur á topp inn í kvikmynda-
brans anum. Fimm kvikmyndir á tólf árum eru
ekki mikil afköst og ekkert er á hreinu hvað
Aronofsky tekur sér fyrir hendur næst. Hann
er orðaður við mörg verk efni en nýjustu fréttir
herma að hann komi til greina sem leikstjóri
nýrrar Superman-kvik myndar. Ekki er ákveðið
hven ær Black Swan verður sýnd hér á landi en
hún verður tekin til almennrar sýningar í Banda-
ríkjunum 1. desember.
KVIKMYNDAFRÉTTIR
MORGUNDÝRÐ
Harrison Ford og Diane Keaton eiga að
baki langan og farsælan feril í kvikmyndum
en hafa ekki leikið í sömu kvikmynd fyrr
en nú í gaman mynd inni Morning Glory
þar sem þau leika morgun þátta stjórn­
endur í sjónvarpi. Fjallar myndin um
ungan sjónvarps framleiðanda sem Rachel
McAdams leikur. Hún á að hleypa nýju
fjöri í morgunþátt sem Diane Keaton
hefur drottnað yfir og ræður gamlan ref
(Harrison Ford) og er hann settur við hlið
Keaton. Eins og vænta má verða fljótt
árekstrar enda bæði föst á sínu og þá
kemur að hinni samningslipru McAdams
sem á nú nóg með sjálfa sig enda
einkalífið ekki eins og best verður á kosið.
Auk þeirra þriggja leika í myndinni Jeff
Goldblum, Patrick Wilson og rapp ar inn
50 Cent. Leikstjóri er Roger Michell sem
leikstýrði Notting Hill á sínum tíma.
Flóttastúlkurnar
Margir rokkaðdáendur kannast við
gítarleikarann Joan Jett sem fór fyrir
hljómsveit sinni Blackhearts í upphafi
níunda áratugarins. Áður hafði hún verið
í stelpuhljómsveitinni The Runa ways,
sem átti nokkra smelli um miðjan áttunda
áratuginn. Þar var aðalsöngdívan Cherie
Currie, sem fór illa út úr ljúfa lífinu þar sem
dóp og áfengi var daglegt brauð, líf sem
Jett þoldi mun betur. The Runa ways segir
frá hljómsveitinni og sér staklega þessum
tveimur stúlkum og innbyrðis baráttu þeirra
um völdin í hljómsveitinni. Í hlutverki Currie
er Dakota Fanning sem ekki er lengur með
saklausa barnsandlitið sem heillaði alla
í Hide and Seek og War of the Worlds.
Mótleikkona hennar í hlutverki Joan Jett er
annað ungstirni, Kristen Stewart, stjarnan
úr Twilight­myndunum.
Velkomin í Riley-fjölskylduna
Kristen Stewart er vinsæl hjá ungu
kynslóðinni og eftirsótt. Auk þess sem
hún leikur annað aðalhlutverkið í The
Runaways þá er hún mótleikkona James
Gandolfinis (Sopranos) í Wel come to the
Rileys þar sem hún leikur 16 ára stúlku
sem strokið hefur að heiman og leiðst út í
vændi. Gandolfini er í hlutverki manns sem
í kjölfar dótturmissis yfirgefur eigin konuna
og leiðist út í mikla óreglu. Kvöld eitt er
hann staddur á strippbúllu þar sem hann
rekst á ungu gleðikonuna og í stað þess
að borga fyrir blíðu hennar býður hann
henni 100 dollara á dag fyrir að mega búa
hjá henni í nokkra daga og er ætlun hans
að reyna að koma lagi á líf sitt og um leiða
að bjarga stúlkunni frá vændinu. Leikstjóri
er Jake Scott, sonur Ridleys Scotts. Jake
á eina kvik mynd að baki, Plunkett and
Macleane (1999), en hefur helst getið sér
orð fyrir tónlistarmyndbönd.
Diane Keaton og Harrison Ford í hlut verkum þáttastjórnenda í sjónvarpi.
James Gandolfini og Kristen Stewart í hlutverkum sínum.