Frjáls verslun - 01.08.2010, Page 135
F R J Á L S V E R S L U N • 8 . - 9 . T B L . 2 0 1 0 135
vanta hundrað og fimmtíu verkfræðinga til
starfa.“
Það liggja tækifæri víða, sagði Símon og að
HRV væri hluthafi í fyrirtæki sem verið væri að
setja á stofn á Seyðisfirði. „Hugmyndafræðin
byggist á að framleiða meira úr álinu – því
við erum að flytja það hálfunnið úr landi.
Við getum unnið miklu meira úr álinu hérna
heima. Við Íslendingar erum samkeppnishæfir
við önnur lönd í þeim efnum.
Símon sagði að sam keppnis hæfni okkar
Íslendinga fælist í orkunni og laununum.
„Við viljum ekki lág laun til lengri tíma
þannig að það er orkan sem gerir okkur
fyrst og fremst samkeppnishæf. En laun eru
lægri á Íslandi en víða erlendis og það bætir
samkeppnishæfni okkar sem þjóðar.“
Símon sagði í lokaorðum sínum að hann
væri sammála Benedikt í því að það væri
ekki nóg að skoða fortíðina, setja sig inn
í hana og læra af henni – þetta væri allt
spurning um að framkvæma eitthvað; gera
eitthvað.
„Hjá mér snýst spurn ingin ekki um hvort
glasið sé hálffullt eða hálftómt því það flæðir
út úr því hjá mér. Þessi orð eru höfð eftir
ekki verri manni en Churchill. Hann upp lifði
hörmungar eftir stríðið sem við höfum ekki
upplifað ennþá. Við þurfum að koma hlutum
af stað og framkvæma.“
Símon Þorleifsson, framkvæmdastjóri hjá HRV verkfræðistofu.
eyþór ívar jónsson
af sprotUm sprEttUr framtíð
eyþór Ívar Jónsson, framkvæmdastjóri Klaks, fjallaði um
sprotastarfsemi, nýsköpun og frumkvöðla og nefndi að það
væri dálítið merkilegt að ræða um þau mál á þessum vettvangi
því stutt væri síðan enginn hefði haft áhuga á þessari umræðu,
nema e.t.v. í hátíðarræðum.
TexTi: Hrund Hauksdóttir
Við þurfum eitthvað annað en Internasjónalinn til að syngja – þótt ég
sé auðvitað hlynntur réttlátu þjóðfélagi.
Fram þjáðir menn í þúsund löndum,
sem þekkja skortsins glímutök. Við
þurfum eitthvað nýtt og því tel ég
að „Af sprotum sprettur framtíð“ sé
ágætur titill á nýju lagi,“ sagði Eyþór
Ívar Jónsson, framkvæmdastjóri Klaks.
„Það er kannski það sem ég stend
fyrir; sprotastarfsemi. Við rekum alls
konar þjónustu sem tengist sprotum
og hjálpum þeim til að verða jafnvel
aðalafurð. Viðskiptasmiðjan okkar er
í rauninni farvegur fyrir ný fyrirtæki,
eins konar hraðbraut, þar sem við
búum til fyrirtæki og flýtum vaxtarferli
fyrirtækjanna.“
Hann sagði að það væri dálítið merkilegt
að ræða um sprotastarfsemi, nýsköpun og
frumkvöðla á ráðstefnum því stutt væri
síðan enginn hefði haft áhuga á þessari
umræðu, nema e.t.v. í hátíðarræðum. Fólk
væri búið að gleyma af hverju farið var að
tala um sprota á ný – sem væru uppspretta
atvinnusköpunnar.
„Um 95% íslenskra fyrirtækja eru
smáfyrirtæki. Ný fyrirtæki og smáfyrirtæki
skapa langflest störf og það er sú staðreynd
sem hefur komið sprotaumræðu á kortið.
Sprotafyrirtæki er afar mikilvæg fyrir
hagkerfið.“