Frjáls verslun - 01.03.2007, Qupperneq 18

FRÉTTIR
18 F R J Á L S V E R S L U N • 3 . T B L . 2 0 0 7
Alls 75 milljónum til jafnmargra
góðra málefna var á dögunum
úthlutað úr Menningarsjóði
Landsbankans. Málefnin sem
sjóðurinn styrkti eru öll í þjónust-
unni Leggðu góðu málefni lið
sem Landsbankinn hefur komið
á fót, en hún gerir öllum kleift
að gerast áskrifendur að góðum
málefnum.
Úthlutunin fór fram sama dag
og Landsbankinn gaf út veglegt
blað undir heitinu Leggðu góðu
málefni lið en blaðinu var dreift
á hvert heimili í landinu. Þar er
sögð saga tólf einstaklinga sem
glíma við erfiðleika í lífi sínu.
„Landsbankinn hefur alltaf
lagt áherslu á að móta og efla
íslenskt samfélag – vera þátt-
takandi í samfélaginu fremur en
áhorfandi. Með þessari úthlutun
vill bankinn hvetja aðra til hins
sama. Það geta allir skipt máli,“
sagði Björgólfur Guðmundsson,
formaður bankaráðs Lands-
bankans þegar styrkjunum var
úthlutað.
Tölvumiðstöð sparisjóðanna:
Nýja nafnið er Teris
Sæmundur Sæmundsson, forstjóri Teris, kynnir nýtt nafn og
merki fyrirtækisins.
Tölvumiðstöð sparisjóðanna
hefur fengið nýtt nafn og heitir
nú Teris. Ákvörðun um þetta
var tilkynnt með pompi og
prakt í hófi sem haldið var
eftir aðalfund félagsins fyrir
skömmu. Teris er upplýsinga-
tæknifyrirtæki sem þjónar
fjármálafyrirtækjum og starfar
sem upplýsingasvið þeirra.
Hjá félaginu starfa um 100
manns og er Teris því meðal
stærstu upplýsingatækni-
fyrirtækja landsins.
Menningarsjóður
Landsbankans:
75 félög fengu 75 milljónir
Gjörið svo vel! Björgólfur
Guðmundsson afhendir
Styrktarfélagi vangefinna
eina milljón króna.