Frjáls verslun - 01.03.2007, Blaðsíða 82

82 F R J Á L S V E R S L U N • 3 . T B L . 2 0 0 7
ÚR EINU Í ANNAÐ
TEXTI: SVAVA JÓNSDÓTTIR
MYNDIR: GEIR ÓLAFSSON o.fl.
Myndlist:
TUNGUMÁL HINS ÓRÆÐA
Kraftur. Kraftur pensilstrokunnar.
Kraftur litanna. Kraftur náttúru-
nnar. Þetta fer um hugann þegar
maður virðir fyrir sér málverk
eftir Tolla – Þorlák Kristinsson.
Hann segir að sjá megi fingrafar
sálarinnar á striganum – enginn
beiti jú penslinum eins.
Litagleðin einkennir málverk
Tolla og segist listamaðurinn
vilja sjá hvert þanþol litanna
leiðir; hann segir þó að í upphafi
ferilsins hafi ekki verið auðvelt
að mála myndir í svona sterkum
litum.
,,Þegar ég byrja á málverki
elti ég oft eitthvað óvænt í lit
og formi. Þessu má líkja við
setninguna: „Þú ratar með því
að elta glóðina af sígarettunni,“
eins og eitthvert skáldið sagði.“
Tolli fær oft hugmyndir í
náttúrunni og bendir hann á
að Íslendingar séu oft tengdir
náttúruöflunum. „Við erum
tilfinningalega og andlega
samofin náttúrunni.“ Þegar
hann er spurður hvað íslensk
náttúra sé í huga hans segir
hann: ,,Íslensk náttúra er hluti
af stærri heild en hún hefur
sérstöðu. Hér eru gríðarlegir
kontrastar í formum og litum.“
Hann nefnir líka vatnið, ísinn,
eldinn, miðnætursólina og
myrkrið, sem og blámann og þá
grunnskildi sem leggjast á ís á
veturna þegar sólin skín á hann.
,,Birtan býr til þessa töfra og
þetta drama.“
Kraftur náttúrunnar ræður
sem sé för þegar Tolli stendur
fyrir framan strigann. Um mynd-
listina segir hann: „Hún er
tungumál hins óræða. Hún
tengist þeirri þörf mannsins
að kanna óþekktar víddir.“
„Við erum tilfinn-
ingalega og andlega
samofin náttúrunni.“