Frjáls verslun - 01.08.2005, Side 153

F R J Á L S V E R S L U N • 8 . T B L . 2 0 0 5 153
SETIÐ FYRIR SVÖRUM
HRÖNN GREIPSDÓTTIR,
HÓTELSTJÓRI RADISSON SAS HÓTEL SÖGU
Hvað hefur komið þér mest á óvart í viðskiptalífinu á árinu?
Landvinningar íslenskra fjárfesta og fyrirtækja erlendis. Það hefur
varla liðið sá mánuður að ekki hafi verið greint frá mjög stórum fjár-
festingum eða kaupum á þekktum rótgrónum erlendum fyrirtækjum.
Mun afkoma fyrirtækis þíns verða betri í ár en í fyrra?
Afkoman mun verða svipuð en það er óhætt að segja að meira sé
haft fyrir rekstrinum nú en áður.
Hvað hefur einkennt rekstur fyrirtækis þíns á þessu ári og mun
það ná settum markmiðum? Samkeppnin hefur aukist með til-
komu nýrra hótela og veitingastaða en gestum ekki fjölgað að sama
skapi. Við greinum breytta kauphegðun, gestir bóka gistingu með
styttri fyrirvara en áður og leita gjarnan tilboða.
Telur þú að aðstæður í efnahagslífinu batni eða versni á árinu
2005? Ferðaþjónustan getur ekki mikið lengur búið við þetta háa
gengi íslensku krónunnar. Það er erfitt að koma kostnaðarhækk-
unum út í verðlagið þegar um 80% sölunnar fer fram erlendis og
keppt er við áfangastaði þar sem efnahagsumhverfið er allt annað.
Telur þú að verð á íslenskum hlutabréfamarkaði haldi áfram
að hækka? Mörg fyrirtækjanna á hlutabréfamarkaðnum eru að gera
mjög góða hluti bæði hér heima og erlendis. Því ekki ástæða til ann-
ars en að vera bjartsýn og spá frekari hækkunum.
SÆVAR HELGASON,
FRAMKVÆMDASTJÓRI ÍSLENSKRA
VERÐBRÉFA
Hvað hefur komið þér mest á óvart í viðskiptalífinu á árinu?
Miklar hækkanir á hlutabréfamarkaði hafa komið mér talsvert á óvart
sem og áframhaldandi hækkun fasteignaverðs.
Mun afkoma fyrirtækis þíns verða betri í ár en í fyrra?
Afkoma félagsins verður talsvert betri í ár en í fyrra. Munar þar
mestu aukin velta og aukning á eignum í stýringu. Viðskiptavinum
hefur fjölgað mikið.
Hvað hefur einkennt rekstur fyrirtækis þíns á þessu ári og mun
það ná settum markmiðum? Mikill vöxtur hefur einkennt rekstur
Íslenskra verðbréfa í ár líkt og undanfarin ár. Eignir í stýringu hafa
aukist mikið og eru í dag um 70 milljarðar kr. Markmiðum ársins
verður náð.
Telur þú að aðstæður í efnahagslífinu batni eða versni á árinu
2006? Efnahagshorfur tel ég almennt nokkuð góðar, þó blikur séu
á lofti. Verðbólguþrýstingur er talsverður, vaxandi eftirspurn og lágt
atvinnuleysi. Einnig er olíuverð áhyggjuefni.
Telur þú að verð á íslenskum hlutabréfamarkaði haldi áfram að
hækka? Ég tel að minnsta kosti afar litlar líkur á því að við sjáum
svipaðar ávöxtunartölur og á undanförnum þremur árum. Ég á þó
ekki von á verulegu bakslagi.
„Óhætt að segja að meira sé haft fyrir
rekstrinum en áður.“
- Hrönn Greipsdóttir, hótelstjóri Radisson SAS Hótel Sögu.
„Afar litlar líkur á því að við sjáum svipaðar
ávöxtunartölur.“
- Sævar Helgason, framkvæmdastjóri Íslenskra verðbréfa.
Velta: 1,2 milljarðar
Hagn. f. skatta: 28 milljónir
Eigið fé: 384 milljónir
Velta: 490 milljónit
Hagn. f. skatta: 286 milljónir
Eigið fé: 532 milljónir
STÆRSTA STÆRSTA
160 240