Frjáls verslun - 01.08.2005, Blaðsíða 131

F R J Á L S V E R S L U N • 8 . T B L . 2 0 0 5 131
NR. XX Á AÐALLISTA
S
tarfsemi í nýrri verksmiðju er komin
á fullt skrið og við erum afar ánægð
með útkomuna. Mun betri með-
höndlun á hráefni skilar okkur góðri
afurð, svo góðu lýsi að það er algjör-
lega bragð- og lyktarlaust. Ég hefði ekki
trúað þessu sjálf að óreyndu hvað þetta er
flott. Nú er engin afsökun lengur fyrir því að
taka ekki lýsi daglega,“ segir Katrín Péturs-
dóttir, forstjóri Lýsis hf.
Frá lýsi til lyfja Líðandi ár í starfsemi Lýsis
hefur verið viðburðaríkt. Ný verksmiðja í
Örfirisey var tekin í notkun á vordögum.
Framleiðslugeta hennar um 6.000 tonn á ári,
helmingi meiri en gömlu verksmiðjunnar við
Grandaveg.
„Við fullnýtum ekki enn afköstin, aðal-
lega vegna þess að okkur vantar lifur til fram-
leiðslu í þorskalýsi. Markaðurinn gæti tekið
við að minnsta kosti 1.000 tonnum af lýsi til
viðbótar. Hráefnisskortur er mjög hamlandi
þáttur í allri okkar starfsemi,“ segir Katrín,
sem á dögunum var útnefnd heiðursfélagi
í Stjórnvísi - sem áður hét Gæðastjórnunar-
félag Íslands. Katrín fékk verðlaunin fyrir
fagleg vinnubrögð og framsýni í stjórnunar-
háttum og rekstri.
Áherslur Lýsis hf. í dag miðast ekki síst
við að marka fyrirtækinu sess í lyfjafram-
leiðslu. Sótt hefur verið um leyfi til lyfjafram-
leiðslu og er reiknað með að það verði í
höfn fyrir áramót. „Í dag er lýsi flokkað sem
heilsulyf á flestum mörkuðum. Við fáum
reglulega niðurstöður rann-
sókna um áhrif lýsis á lík-
ama og sál. Þær eru mjög
jákvæðar og leiða til þess
að menn skoða nú mögu-
leika á notkun vörunnar
sem íblöndun í lyf og jafn-
vel matvæli. Við sjálf erum
ekki að framleiða lyf úr
lýsi, en seljum hráefnið til lyfjafyrirtækja,“
segir Katrín.
Mikil söluaukning Í byrjun ársins lögðu
stjórnendur Lýsis upp með að velta ársins
yrðu um 1.500 milljónir króna og virðist
sú áætlun - sem og aðrar sem gerðar voru
- ætla að standast í grófum dráttum. Raunar
eru sölutölur 13% hærri en gert var ráð fyrir,
en hátt gengi íslensku krónunnar dregur úr
framlegð.
„Staða íslensku krónunnar er slæm fyrir
okkur eins og allar útflutningsgreinar,“ segir
Katrín. „Það er með ólíkindum finnst okkur
að styrkur krónunnar skuli haldast svona
mikill og lengi í ljósi þess að viðskiptahall-
inn er orðinn 15% útflutningi í óhag. Við
megum ekki gleyma því að útflutningurinn
er grunnurinn sem við byggjum á. Hann þarf
að vera traustur svo byggja megi upp aðra
starfsemi. Í dag er öll atvinnuuppbygging í
landinu á kostnað útflutningsins. Okkur hjá
Lýsi hefur þó tekist að
halda góðum rekstri þrátt
fyrir hátt gengi, til dæmis
með framvirkum vörnum
og því að hækka verð full-
unninnar vöru. Það getur
þó verið erfitt að skýra út
slíkar verðhækkanir fyrir
erlendum kaupendum.“
Að virða umhverfi og auðlind Til að bregð-
ast við hráefnisskorti hefur Lýsi hf. nýlega
hækkað skilaverð fyrir hvert kíló ufsa- og
þorskalifrar úr 22 kr. í 30. Engu að síður
kasta fjöldamargir sjómenn lifrinni fyrir
borð þegar gert er að fiskinum og það finnst
Katrínu miður.
„Þetta er slæmt. Þrengir okkur til þess að
bjóða mönnum aðrar tegundir af lýsi sem
ekki eru upprunnar á Íslandi og dregur því
úr sérstöðu okkar á erlendum mörkuðum.
Það væri óskandi að menn legðu í staðinn af
þann leiða ávana að fleygja verðmætum og
legðu sitt af mörkum til aukinnar verðmæta-
sköpunar í samfélaginu. Vaxandi hluti sjó-
manna kemur þó með lifrina í land. Þannig
virða þeir umhverfið og sameiginlega auð-
lind okkar.“
LÝSI • KATRÍN PÉTURSDÓTTIR
„Mun betri meðhöndlun á
hráefni skilar okkur góðri
afurð, svo góðu lýsi að
það er algjörlega bragð-
og lyktarlaust.“
TEXTI: SIGURÐUR BOGI SÆVARSSON
MYND: GEIR ÓLAFSSON
Uppgangur í starfsemi Lýsis hf. Áherslur
í dag miðast ekki síst við lyfjaframleiðslu.
HRÁEFNISSKORTUR
ER HAMLANDI ÞÁTTUR
NR. 142