Frjáls verslun - 01.08.2005, Blaðsíða 141
F R J Á L S V E R S L U N • 8 . T B L . 2 0 0 5 141
M
argt leggst á eitt þegar leitað er
að skýringum á mikilli hækkun
íslensku hlutabréfavísitölunnar síð-
ustu misserin. Tvennt skiptir þó
líklega mestu máli. Annars vegar hafa skráð
félög í Kauphöllinni verið að ná meiri árangri
en félög víðast hvar annars staðar. Þetta á
ekki síst við um fjármálafyrirtækin en einnig
má nefna félög eins og Bakkavör, Actavis
og FL Group. Reksturinn hefur einfaldlega
gengið vel og til að mynda er hlutfall hluta-
bréfaverðs og hagnaðar á svipuðu róli og
á öðrum mörkuðum þrátt fyrir hækkun
verðs,“ segir Þórður Friðjónsson, forstjóri
Kauphallar Íslands. „Þá hefur íslenska hag-
kerfið verið mjög öflugt á undanförnum
árum. Hagvöxtur hefur verið mun meiri en í
öðrum ríkjum sem standa framarlega á sviði
efnahagsmála í heiminum.“
Töfraorð þegar vel gengur Í fyrirlestri í
Stokkhólmi fyrr í haust gerði Þórður útrás
íslenskra fyrirtækja erlendis að umtalsefni
og sagði hana þar ekkert stundarfyrirbrigði.
En hve stóran þátt á útrásin í háu hlutabréfa-
verði á íslenska markaðnum?
„Útrás er ekki töfraorð nema þegar vel
gengur. Þá gefur hún færi á örari vexti,
meiri hagnaði, breikkar rekstrargrundvöll
og eykur tiltrú fjárfesta á fyrirtækjunum.
Íslenskum fyrirtækjum í útrás hefur gengið
sérstaklega vel að afla sér fjár til vaxtar,
bæði hlutafjár og lánsfjár. Á sl. ári öfluðu
skráð félög í Kauphöllinni meira hlutafjár
en fyrirtæki á nokkrum öðrum markaði í
Evrópu, í hlutfalli af markaðsvirði. Jafnmik-
ils hlutafjár var aflað og á mörkuðum sem
eru tífalt stærri en sá íslenski,“ segir Þórður
sem telur stöðu íslensks efnahagslífs góða
um þessar mundir. Hagvöxtur á komandi
ári verði að líkindum milli 5 og 6% út árið og
spár geri ráð fyrir að það ástand haldist út
árið 2007. Vissulega séu þó ákveðnar blikur
á lofti. Verðbólga hafi látið á sér kræla og
viðskiptahallinn sé mikill.
„En þetta eru fjarri því að vera óleysanleg
úrlausnarefni. Verð á hlutabréfum sveiflast
náttúrlega eins og á öðrum mörkuðum. Ég
ætla ekki að spá um verðþróunina, engin
ástæða er til að leggjast í svartsýni. Einnig er
rétt að benda á að verðið mun að miklu leyti
ráðast af því hvernig til tekst með starfsemi
íslenskra félaga á erlendri grund og landvinn-
inga þeirra í framtíðinni.“
Stefnt að norrænum markaði Miðað við
áhuga og fyrirspurnir sem Kauphöllinni
berast segir Þórður að búast megi við að
íslenskum fyrirtækjum á markaði muni
fjölga næstu árin. Þá muni Kauphöllin innan
skamms setja á stofn nýjan markað sem ætl-
aður er framsæknum, smáum og millistórum
fyrirtækjum og hlotið hefur nafnið iSEC.
„Þá er Kauphöllin með í athugun hvort
gengið skuli til samninga við OMX um sam-
einingu eða hvort Kauphöllin skuli áfram
vera sjálfstætt fyrirtæki. Reikna má með
ákvörðun stjórnar um þetta í byrjun vetrar.
Af átta kauphöllum á Norðurlöndum og í
Eystrasaltsríkjunum eru sex þeirra starf-
ræktar af OMX. Einungis Kauphöll Íslands
og kauphöllin í Osló standa utan OMX en
vinna náið með OMX á vettvangi NOREX
samstarfsins. Innan NOREX hefur verið
stefnt að norrænum markaði með hluta-
bréf og líklega myndi þróun í þá átt verða
hraðað ef allar norrænu kauphallirnar
væru innan sama fyrirtækis. Á hinn bóginn
gæti tapast sveigjanleiki til að sinna sér-
stökum þörfum heimamarkaðar fyrir utan
að innganga í OMX yrði áhugaverðari ef
Kauphöllin í London gengi til liðs við sam-
steypuna.“
TEXTI: JÓN G. HAUKSSON
Þórður Friðjónsson, forstjóri Kauphallar Íslands, segir íslenska hag-
kerfið öflugt og mörg íslensk fyrirtæki séu að ná meiri árangri en
hin erlendu. Sameining Kauphallarinnar við hinar norrænu í skoðun.
ÚTRÁSIN EYKUR TILTRÚ
„Verð á hlutabréfum sveiflast náttúrlega eins
og á öðrum mörkuðum,“ segir Þórður Frið-
jónsson, forstjóri Kauphallar Íslands.
FORSTJÓRI KAUPHALLAR ÍSLANDS
KAUPHÖLLIN
TEXTI: SIGURÐUR BOGI
SÆVARSSON