Frjáls verslun - 01.08.2005, Side 93
F R J Á L S V E R S L U N • 8 . T B L . 2 0 0 5 93
S
íðustu misseri höfum við lagt
áherslu á að efla rekstur bankans
enn frekar, samhliða vexti hans
utan Íslands. Hvort tveggja gekk
upp. Innri vöxtur bankans var mikill
og arðsemi yfir markmiðum okkar. Þá ber
vitaskuld hátt kaup okkar á danska bank-
anum FIH og breska bankanum Singer &
Friedlander,“ segir Hreiðar Már Sigurðsson,
forstjóri KB-banka. Ör vöxtur og sígandi
lukka hefur verið í starfsemi bankans undan-
farið. Í lok síðasta árs var bankinn í 211. sæti
yfir stærstu banka heims samkvæmt breska
tímaritinu The Banker. Eftir yfirtökuna á Sin-
ger & Friedlander reiknast mönnum til að
bankinn sé nálægt 180. sætinu.
Enginn einn höfuðkeppinautur „Við vorum
jafnframt í 1.033. sæti yfir stærstu fyrirtæki
heims um síðustu áramót samkvæmt banda-
ríska viðskiptatímaritinu Forbes,“ segir
Hreiðar Már. Hann bætir við - um útrás
bankans á síðustu misserum - að helsta verk-
efnið nú sé að samhæfa alla starfsemi og
auka hlutdeild á þeim mörkuðum þar sem
bankinn starfar.
„Síðustu ár hafa einkennst af miklum
innri vexti hjá bankanum og við stefnum á að
viðhalda þeim vexti samhliða góðri arðsemi.
Við höfum engan einn höfuðkeppinaut. Sam-
keppnin er mismunandi eftir mörkuðum.
Annars vörumst við að skilgreina okkur út
frá samkeppninni eins og fyrirtækjum hættir
oft til. Heldur viljum við einbeita okkur að
því að bjóða þjónustu í gegnum net þeirra
starfsstöðva sem við höfum byggt upp.“
Vöxtur ómögulegur án mistaka Það sem
í dag getur helst ógnað frekari vexti og
viðgangi í rekstri KB-banka er ástand alþjóð-
legra efnahagsmála. Hreiðar Már segir bank-
ann að nokkru marki háðan einstökum mörk-
uðum, þó sú áhætta sé stórum minni nú en
áður þegar starfsemin sé í tíu löndum.
„Á þessu ári hefur reksturinn gengið sér-
lega vel í Bretlandi og má segja að allar okkar
áætlanir þar hafi gengið eftir og vel það. Enn
fremur hefur reksturinn gengið vel í Lúxem-
borg á árinu, en þar hefur umfangið tvöfald-
ast á ári undanfarin ár. Raunar sýndu allar
helstu starfsstöðvar bankans methagnað á
fyrri helmingi ársins. Ég held að flestar fjár-
festingar, sem íslensk fyrirtæki hafa ráðist
í á Norðurlöndum síðustu ár, séu góðar. En
vitanlega verða menn ætíð að vera á varð-
bergi í örum vexti og vöxtur er ekki mögu-
legur án mistaka. Hins vegar held ég að
regluverkið hér á landi sé ágætlega í stakk
búið til að taka á þeim vanda. Að okkar mati
eru ýmsir kostir við að hafa móðurfélagið
staðsett á Íslandi. Fyrirtækjaskattar á Íslandi
eru lægri en víðast hvar í kringum okkur. Þá
er stjórnkerfið á Íslandi mjög skilvirkt miðað
við það sem víða viðgengst erlendis og það
er mikill kostur.“
Ísland er mikilvægt Hreiðar Már segir að
Ísland sé og verði alltaf afar mikilvægt mark-
aðssvæði KB-banka, þó svo vægi starfsem-
innar hér innanlands hafi minnkað jafnt og
þétt á undanförnum árum samhliða auknum
vexti erlendis. Hlutfall heildartekna bankans
frá Íslandi sé áætlað að verði um fimmt-
ungur í lok ársins.
„Það ójafnvægi sem er nú í þjóðarbú-
skapnum - og myndast hefur í kjölfar
mikils vaxtar - er auðvitað ákveðið áhyggju-
efni. Staðan hér er þó talsvert betri en sú
sem nágrannaþjóðir okkar glíma við. Á
meðan þær berjast við að koma hagvexti
af stað, erum við að fást við hvernig eigi
að hemja hann. Ég tel töluverðar líkur á
að aðlögunin í lok núverandi uppsveiflu
verði nokkuð hörð en þá skiptir höfuðmáli
að bankakerfið verði sterkt. Þá held ég að
það verði mikilvægt fyrir hagkerfið að eiga
alþjóðlegan banka eins og Kaupþing sem
er með meirihluta starfsemi sinnar utan
Íslands.“
„Ég held að meirihluti þeirra
fjárfestinga sem íslensk fyrirtæki
hafa ráðist í á Norðurlöndum
síðustu ár séu góðar. En vitan-
lega verða menn ætíð að vera
á varðbergi í örum vexti.“
TEXTI: SIGURÐUR BOGI SÆVARSSON
MYND: GEIR ÓLAFSSON
MIKILVÆGT AÐ
BANKAKERFIÐ SÉ STERKT
NR. 1 Á AÐALLISTA