Neytendablaðið - 01.09.2007, Blaðsíða 3

Frá kvörtunarfljónustunni
Maður nokkur hafði samband og sagði farir sínar ekki sléttar. Hann
hafði keypt pizzu hjá Domino’s og hugðist greiða með debetkorti.
Posinn virkaði hins vegar ekki sem skyldi og eftir tvær tilraunir
staðgreiddi maðurinn pizzurnar. Seinna, þegar hann skoðaði
bankayfirlitið sitt, sá hann að pizzan hafði verið gjaldfærð tvisvar af
kortinu hans. Hann hafði sem sagt greitt þrisvar sinnum fyrir eina
pizzu. Maðurinn hafði samband við Domino’s sem endurgreiddi
aðra færsluna en sagðist ekki hafa sannanir fyrir því að pizzan hefði
verið staðgreidd og neitaði því að bakfæra nema aðra færsluna.
Engin kvittun til
Maðurinn leitaði þá til Neytendasamtakanna. Starfsmaður sam-
takanna hafði samband við Domino’s og fór fram á að fyrirtækið
sýndi kvittun með undirskrift mannsins því hefði debetkortafærslan
farið í gegn ætti fyrirtækið að eiga afrit með undirskrift kaupanda.
Eftir allmörg samtöl við Domino’s ákvað fyrirtækið að endurgreiða
debetkortafærsluna enda var engin kvittun til og ekkert sem benti
til annars en að maðurinn hefði staðgreitt pizzuna eins og hann
hélt fram.
Ekki enn fengið greitt
Pizzan var keypt í mars og í júlí var maðurinn enn ekki búinn að
fá seinni færsluna bakfærða þrátt fyrir mörg símtöl og tölvupóst-
samskipti.
Það er því ástæða til að benda fólki á að fá staðgreiðslukvittun ef
staðgreitt er eftir að posinn klikkar og einnig að skoða vel banka-
yfirlit og kreditkortareikning.
Kona nokkur keypti flugfar til Finnlands með Icelandair. Kaupin
fóru fram á netinu og fékk konan sendan útprentaðan farseðil
heim til sín. Svo óheppilega vildi til að miðinn týndist og fannst
hann ekki aftur þrátt fyrir mikla leit. Konan fór þá á söluskrifstofu
Icelandair þar sem henni var sagt að það þyrfti að gefa miðann
út aftur og það kostaði 4.000 krónur. Konunni fannst það heldur
mikið og þráaðist eitthvað við en ekki virtist um annað að velja og
fór svo að konan borgaði 4.000 krónur fyrir nýjan flugmiða.
Þegar til kastanna kom þurfti konan aldrei að sýna flugmiðann við
innritun, hvort heldur var hér heima eða úti. Konan veltir því fyrir
sér hvers vegna hún hafi þurft að borga 4.000 fyrir útprentaðan
miða sem reyndist með öllu óþarfur.
Neytendasamtökin sendu Icelandair fyrirspurn vegna þessa og barst
svar skömmu síðar. Í því segir að um mistök hafi verið að ræða
og konan fengi endurgreiddar þær 4.000 krónur sem hún greiddi
aukalega fyrir nýjan útprentaðan miða.
Dýrt að týna miða
Er posinn bilaður?
Fáðu kvittun!
Á heimasíðu Neytendasamtakanna, ns.is, eru birtar upplýsingar
um verð á 95 oktana bensíni og díselolíu sem byggðar eru á
upplýsingum sem fram koma á heimasíðum olíufélaganna. Það
voru því mikil vonbrigði þegar forráðamenn hjá N1 ákváðu
að hætta að birta verð á einstökum stöðvum. Fyrirrennari N1,
Esso, hafði einmitt verið til fyrirmyndar í þessum efnum og á
heimasíðu þess fyrirtækis mátti sjá verð á öllum Esso-stöðvum
landsins.
Neytendasamtökin hafa gagnrýnt þessa ákvörðun. Til að
markaðurinn þjóni sem best hagsmunum neytenda verða þeir
að hafa sem besta yfirsýn. Það er ekki gert með því að hætta
að birta upplýsingar um eldsneytisverð eins og N1 hefur nú
gert. Minnt er á að FÍB lét Capacent kanna hug neytenda til
þessa. Í ljós kom að rúmlega 77% neytenda vilja að slíkar
upplýsingar séu á heimasíðum olíufélaganna. Neytendablaðið
beinir þess vegna þeim eindregnu tilmælum til forráðamanna
N1 að endurskoða þessa ákvörðun og birta jafn nákvæmar
upplýsingar um eldsneytisverð og Esso gerði áður.
Upplýsingar
um bensínverð vantar
á heimasíðu N1
 NEYTENDABLA‹I‹ 3. TBL. 2007