Neytendablaðið - 01.09.2007, Blaðsíða 21
Neytandinn svarar
María Kristín Gylfadóttir er neytandinn
að þessu sinni. María býr í Hafnarfirði
ásamt manni sínum og unglingsdóttur
en fjölskyldan bjó áður Bandaríkjunum í
8 ár.
María starfar sem verkefnisstjóri á lands-
skrifstofu Leonardo da Vinci starfsmennta-
áætlunar Evrópusambandsins en samhliða
starfi leggur hún nú stund á MBA nám
við Háskóla Íslands.
María hefur alltaf verið virk í félagsstarfi
og hefur komið víða við. Hún hefur
verið formaður Heimilis og skóla - lands-
samtaka foreldra frá árinu 2004.
Til gamans má geta að afi Maríu, Reynir
Ármannsson, var til langs tíma formaður
Neytendasamtakanna.
Flokkar þú heimilisúrgang?
Ég flokka plast og gler og pappír. Ég verð
þó að viðurkenna að pappírinn kemst ekki
alltaf í endurvinnslu en bæjarfélagið mitt
býður ekki ennþá upp á sérstakar tunnur
fyrir pappír.
Hefur ýtinn sölumaður fengið þig til
að kaupa eitthvað sem þú hefðir aldrei
annars keypt?
Já það hefur gerst og mun sjálfsagt gerast
aftur. Ég á sérstaklega erfitt með að segja nei
við sölumenn sem eru að selja eitthvað til
styrktar félaga- eða sjálfboðaliðasamtökum.
Í stað þess að kaupa hluti sem ég mun aldrei
nota vil ég frekar styrkja ákveðin samtök.
Hvenær fórst þú síðast í strætó?
Ég var svo heppin að eyða 3 vikum í
Kaupmannahöfn í ágúst þar sem ég notaði
einungis hjól og almenningssamgöngur.
Mest notaði ég þó hjólið.
Hefur þú notfært þér leiðbeininga- og
kvörtunarþjónustu Neytendasamtakanna?
Nei.
Hefur þú veitt í matinn?
Nei, ekki síðan ég var barn í veiðiferðum
með foreldrum mínum. Maðurinn minn er
hins vegar svolítið að dunda sér við veiðar
og laxinn hans bragðast ákaflega vel.
Biður þú um tax free þegar þú verslar
erlendis?
Alltaf. Þó að það sé ákveðin fyrirhöfn
þá skiptir það mig máli að fá 10-15% af
söluverði vörunnar til baka.
Hvenær skiptir þú síðast um banka eða
tryggingarfélag?
Ég tók þá „stóru“ ákvörðun að skipta um
banka í fyrra og hef ekki séð eftir því. Ég
skoðaði líka að skipta um tryggingarfélag
fyrr á árinu en mitt tryggingarfélag bauð
einfaldlega betur.
Reynir þú stundum að semja um lægra
verð fyrir vöru eða þjónustu?
Það kemur fyrir, sérstaklega þegar galli er
á vörunni eða ef ég er að kaupa ákveðið
magn af vörunni.
Fellurðu fyrir tilboðum?
Alltof oft, sérstaklega á vöru sem ég
þarf ekki að nota. Á móti lærði ég það
í Bandaríkjunum að fylgjast vel með
tilboðum á matvöru, sérstaklega kjöti og
fiski, sem getur skipt máli fyrir budduna.
Hvert er versta neytendahneykslið sem
þú manst eftir?
Samráð olíufélaganna hlýtur að vera versta
neytendahneyksli landsins.
Hverju myndir þú vilja breyta varðandi
neyslu þína?
Ég myndi vilja kaupa minna af því sem ég
þarf ekki og meira af vöru sem er framleidd
á umhverfisvænan hátt.
Sniðgengur þú einhver fyrirtæki eða
vörumerki?
Já, en örugglega ekki eins markvisst og ég
ætti að gera.
Kaupir þú vörur sem eru með vottuðu
umhverfismerki eða á annan hátt umhverf-
isvænar?
Já ég reyni að kaupa vörur merktar
norræna umhverfissvaninum og matvæli
sem eru lífrænt ræktuð og merkt sem slík.
Mér finnst mjög mikilvægt að fyrirtæki,
sérstaklega þau sem versla með matvöru,
setji sér stefnu um sölu á umhverfisvænum
vörum þannig að viðskiptavinurinn geti
valið að versla í verslunum eða keðjum sem
hafa sett sér slíka stefnu. Slíkt fyrirkomulag
þekkist t.d. víða í Danmörku.
Ert þú fylgjandi því að áfengi verði selt í
matvöruverslunum?
Já, ég er því fylgjandi að bjór og léttvín
verði selt í matvöruverslunum. Það er liður
í því að auka þjónustu við almenning. Það
fylgir því hins vegar mjög mikil ábyrgð að
selja áfengi, eins og reyndar sígarettur, og
það þyrfti að skilgreina ábyrgð seljenda og
viðurlög við brotum mjög vel áður en til
slíks kæmi.
Finnst þér íslenskir neytendur nógu með-
vitaðir og kröfuharðir?
Alls ekki. Við Íslendingar erum frekar lélegir
neytendur. Mörgum finnst erfitt að kvarta
og við gerum ekki alltaf nægilegar kröfur
um gæði matvöru og merkingar á innihaldi.
Þannig eigum við t.d. ekki að sætta okkur
við að grænmeti í lágvöruverslunum sé
lakara að gæðum en það sem er selt í öðrum
verslunum og að vara á síðasta söludegi
sé seld á fullu verði eins og ný vara. Við
fylgjumst líka allt of lítið með verði og
verðmerkingum er einnig mjög ábótavant
víða.
1 NEYTENDABLA‹I‹ 3. TBL. 2007