Neytendablaðið - 01.06.2008, Blaðsíða 3

Frá kvörtunarfljónustunni
Stjörnuspá át upp inneignina
– erfitt að losna úr áskrift
Móðir komst að því að inneign í síma 12 ára dóttur hennar kláraðist
einkennilega fljótt. Kom í ljós að dóttirin hafði farið inn á „eitthvað“, eins
og hún orðaði það, og skráð sig í Stjörnuspeki með sms-skeyti. Inneignin
minnkaði um 19 krónur á dag og þær mæðgur voru sammála um að reyna að
komast út úr þessari áskrift en það átti eftir að reynast þrautin þyngri.
Fyrsta skrefið var að fara inn á mbl.is til að skoða hvort þar væri eitthvað
sem héti Stjörnuspeki. Í ljós kom að til eru þrenns konar áskriftir að
stjörnuspám sem hægt er að fá sendar í sms-skeyti. Til að afskrá sig þurfti að
biðja um lykilorð í sms. Móðirin reyndi 5 sinnum að fá sent lykilorð í síma
dótturinnar en ekkert gekk. Hafði hún þá samband símleiðis við tæknideild
Morgunblaðsins og vildi fá að vita hvernig hún gæti sagt áskriftinni upp. Þar
sem um mismunandi áskriftarleiðir var að ræða þurfti tæknideildin helst að fá
uppgefið hvernig sms-skeytið hljóðaði svo hægt væri að átta sig á því hvaða
stjörnuspá dóttirin hafði valið. Þetta þýddi að móðirin varð að leggja nýja
inneign inn á símann til að fá allavega eitt sms-skeyti sent þar sem dóttirin
hafði nýlega fengið nýjan síma og engin gömul skeyti voru í minninu.
Strax daginn eftir kom nýtt skeyti og gat móðirin upplýst tæknideildina um
orðalag stjörnuspárinnar. En þrátt fyrir þetta gat tæknideildin ekki fundið út
hvernig segja ætti áskriftinni upp og benti móðurinni á að hafa samband
við Stjörnuspeki.is símleiðis. Þegar móðirin hringdi þangað tók dágóðan tíma
fyrir þann sem varð fyrir svörum að átta sig á hvar spáin var skráð en það
hafðist að lokum og áskriftinni var loksins sagt upp.
Niðurstaða þessa ótrúlega máls er að ekki er eins auðvelt að segja sig úr svona
áskrift eins og að skrá sig í hana. Móðirin vill þó taka fram að hún fékk mjög
góðar viðtökur hjá bæði Stjörnuspeki.is og tæknideild Morgunblaðsins.
ENA leysir úr málum
Erlendur ferðamaður tók bíl á leigu hér á landi. Þegar
hann sótti bílinn var honum sagt að ef hann skilaði
bílnum eftir fimm daga í stað sjö fengi hann afslátt
af umsömdu leigugjaldi. Þegar til kom að maðurinn
skilaði bílnum eftir fimm daga var honum þó neitað
um endurgreiðslu vegna þessara tveggja daga.
Í kjölfarið leitaði hann til Evrópsku neytendaaðstoðar-
innar (ENA) í sínu heimalandi sem framsendi málið til
ENA á Íslandi.
Fulltrúi ENA hafði samband við bílaleiguna sem
viðurkenndi að mistök hefðu átt sér stað og féllst á að
endurgreiða manninum. Með milligöngu ENA leystist
málið því fljótt og vel.
Samningar við börn
Nýverið hafa Neytendasamtökunum borist nokkrar
kvartanir vegna samninga sem fyrirtæki gera við
börn. Er þar sérstaklega um að ræða símafyrirtæki,
sem hringja þá í krakka og bjóða þeim að skipta
um þjónustuaðila. Börnin veita samþykki sitt og
foreldrarnir vita ekki fyrr en reikningar vegna þessara
samninga birtast í heimabanka þeirra. Leiðbeininga- og
kvörtunarþjónustunni hefur tekist að leysa úr nokkrum
málum af þessu tagi en að gefnu tilefni eru fyrirtæki
minnt á að samningar ólögráða barna, sem gerðir eru
án samþykkis lögráðamanns, eru ekki bindandi.
Góð þjónusta í ZikZak
Félagsmaður hafði samband og vildi hrósa versluninni
Tískuhús ZikZak í Mörkinni. Segir félagsmaðurinn
starfsfólk verslunarinnar afskaplega yndislegt og
hjálpsamt og gefi sér nægan tíma með viðskiptavininum.
Það skipti t.d. ekki máli hversu margar flíkur
viðskiptavinurinn taki með sér í mátunarklefann
né hve langan tíma það taki að finna réttu flíkina.
Félagsmaðurinn er ánægður með öryrkjastyrkinn sem
verslunin veitir og vill sérstaklega hrósa Kristbjörgu
Gunnarsdóttur fyrir frábæra þjónustu.
Neytendasamtökin taka undir með félagsmanni
sem segir mikilvægt að hrósa fyrirtækjum þegar
þau eiga það skilið. Starfsmenn kvörtunar-og
leiðbeiningaþjónustunnar eiga í miklum samskiptum
við seljendur og þekkja mörg dæmi þess að þeir
veiti góða þjónustu og leysi hratt og vel úr málum ef
eitthvað kemur uppá.
3 NEYTENDABLA‹I‹ 2. TBL. 2008