Neytendablaðið - 01.12.2008, Qupperneq 15

jafnvel 1080. Vinsælar og útbreiddar
gerð ir af háskerpusjónvarpsbúnaði í lægri
skerpuflokkum eru oft kynntar og merktar
sem „1080 samhæfðar“ (1080i / 1080p
compatible). Þessi tæki geta tekið á móti
og spilað háskerpuefni en stundum aðeins
768 láréttar línur. Tæknin er engu að síður
betri en í „hefðbundnum“ sjónvarpstækjum
af eldri CRT­gerðum sem eru með um 500­
600 láréttar línur á skjánum, mismunandi
eftir löndum.
Munurinn á LCD og plasma
Gæði LCD­ og plasmaskjáa hafa aukist
veru lega undanfarin ár. Raunhæfur og
full kominn samanburður er erfiður. Báðar
gerðir hafa sína kosti og galla. Sumum
notendum hentar önnur gerðin greinilega
betur en hin og að sama skapi er misjafnt
eftir stöðum hvor gerðin á betur við. Báðar
gerðir endast þó vel og nota minni orku en
hefðbundin CRT­myndlampatæki.
Stærðin er oft afgerandi þáttur. Flestöll
tæki minni en 40 tommur eru nú LCD.
Algengasta stærð flatskjáa er 32 tommur,
en aðeins LCD­tæki eru fáanleg í þeirri
stærð.
Plasmasjónvörp eru yfirleitt ekki til undir
42 tommum og alls ekki undir 37 tommum.
Ef óskað er eftir stóru tæki, 40 tommur eða
meira, er vandað plasmatæki einatt betra
val. Vönduð 42­50 tommu plasmatæki skila
yfrleitt miklum myndgæðum.
Stærsti plasmaskjár sem sýndur hefur
verið opinberlega var kynntur á rafeinda­
tækjasýningu í Las Vegas á þessu ári. Hann
er 150 tommur (3,81 m, horn í horn), sem
merkir að hann er 1,80 m á hæð og 3,30 m
á breidd. Framleiðandi er Panasonic.
Markaðurinn
Langmest er nú selt af LCD­tækjum.
Brúttó tekjur á heimsmarkaði voru á
fyrsta árs fjórðungi þessa árs 21,1 milljón
doll ara af sölu LCD­tækja en 2,8 milljón ir
af sölu plasma tækja. Þar til nýlega voru
plasmaskjáir mun vinsælli en LCD­
skjáir vegna þess að hinir fyrrnefndu
gátu á ýmsum sviðum verið áberandi
betri tæknilega, með yfirburða birtustigi,
hraðari svartíma og meiri litafjölda og
dýpt. Auk þess var sjónvinkill áhorfenda
á þá breiðari. Álitið var að LCD hentaði
aðallega fyrir smærri skjái og gæti ekki
keppt við stóra skjái (einkum 40 tommur
og stærri). Nýir LCD­skjáir eru hins vegar
léttari en plasmaskjáir, ódýrari og oft
ekki eins orkufrekir. Þetta gerir þá miklu
samkeppnisfærari en áður. Orkunotkun er
raunar svipuð hjá LCD­ og plasmaskjám.
Hún fer aðallega eftir stærð skjásins en er
talsvert meiri ef myndefnið er bjart heldur
en ef það er dökkt.
PLASMASKJÁIR
Kostir
• Skila að jafnaði meiri myndgæðum en
sambærilegir LCD­skjáir.
• Vönduð 42­50 tommu plasmatæki skila
yfrleitt miklum myndgæðum.
• Skila yfirleitt betur bíómyndum,
náttúrulífsmyndum og háskerpuefni.
• Sýna betur íþróttir og hraðar hreyfingar.
• Hafa yfirleitt glerplötu til að hlífa
skjánum.
• Spegla birtu oft meira en LCD­skjáir og
henta betur þar sem umhverfi er ekki
bjart og fátt sem glampar.
• Eru yfirleitt ódýrari en LCD­skjáir.
Ókostir
• Plasmaskjáir í betri kantinum eru dýrari
en sambærilegir LCD­skjáir.
• Ekki fást minni skjáir en 37 tommur að
stærð (94 cm, mælt horn í horn). Það er
of stórt fyrir suma notendur.
• Það vildi gerast áður fyrr að ef sama
myndefnið (t.d. texti) var sýnt lengi
hreyfingarlaust á skjánum gat það
„brennst“ inn, þ.e. skilið eftir sig far á
skjánum sem sást meðan annað efni
var spilað, og spillt fyrir myndgæðum
með tímanum. Þetta á varla eða a.m.k.
sjaldan við lengur.
• Þeir hitna meira en LCD­skjáir, þó
ekki mikið. Víða í fyrirtækjum og
byggingum eru plasmaskjáir notaðir sem
upplýsingaskjáir sem ekki væri raunin ef
of miklum hita stafaði frá þeim.
• Nota stundum meiri orku en LCD­skjáir,
þótt munurinn sé lítill.
• Færri framleiðendur selja og þjónusta
plasmaskjái en LCD­skjái.
LCD-SKJÁIR
Kostir
• Eru fjölhæfari og með meiri gæði í
sumum þáttum en plasmaskjáir.
• Eru til í öllum stærðarflokkum, sumir
komast í jakkavasa eða veski en aðra má
horfa á af löngu færi.
• Nota stundum minni orku en
plasmaskjáir, þótt munurinn sé litill.
• Margir álíta að LCD sé framtíðarformið
fyrir alla skjái.
• Góðir ef spila á tölvuleiki og hafa
samskipti við tölvur.
• Spegla birtu minna en plasmaskjáir og
hentar betur í björtu umhverfi eða þar
sem glampar af einhverju.
Ókostir
• LCD­skjáir, sérlega 50 og 60 riða tæki í
ódýrari kantinum, hafa oft „draug“. Þetta
lýsir sér þannig að myndefnið er hreyft
og skilur eftir sig hala sem á ekki að sjást.
Ráðið til að losna við þetta er að kaupa
tæki með meiri riðafjölda, 100 eða 120hz
LCD­skjái, en þeir eru dýrari en 50­60hz
gerðir.
• Hafa yfirleitt ekki glerplötu til að hlífa
skjánum.
Sjónvarpstæki í gæðaprófi á rannsóknarstofu.
15 NEYTENDABLA‹I‹ 4. TBL. 2008