Ægir - 01.08.2010, Blaðsíða 20

20
Æ G I S V I Ð T A L I Ð
HB Grandi er stærsta sjávarútvegsfyr-
irtæki landsins með um 11% úthlutaðra
veiðiheimilda. Fyrirtækið gerir út átta
togara og það hefur yfir að ráða fjórum
uppsjávarveiðiskipum. Starfsstöðvar
félagsins eru í Reykjavík, á Akranesi og
Vopnafirði auk þess sem félagið stendur
að þorskeldi í Berufirði. Á síðasta ári
voru starfsmenn að meðaltali 622 talsins
ef miðað er við heilsársstörf. Á annað
hundrað manns frá 17 þjóðlöndum störf-
uðu hjá HB Granda í fyrra. Mikil upp-
bygging hefur átt sér stað hjá félaginu í
kjölfar samruna og sameiningar Granda í
Reykjavík, HB á Akranesi og Tanga á
Vopnafirði en það ferli hófst á árinu
2004 er Grandi keypti HB. Þetta starf
hefur Eggert Benedikt leitt en hann tók
við starfi forstjóra í febrúar 2005 eftir að
hafa gegnt starfi markaðsstjóra frá miðju
ári 2004. Við ræddum á dögunum við
Eggert Benedikt um uppbyggingu HB
Granda, umræðuna um breytingar á fisk-
veiðistjórnunarkerfinu og afstöðuna til
Evrópusambandsumræðunnar.
„Það voru þrjú meginstef sem voru
lögð til grundvallar við sameiningu
Granda, HB og Tanga. Eitt var að sam-
eina þessi þrjú fyrirtæki í eitt og reyndar
bættist Svanur RE 45 ehf. inn í félagið
um leið og Tangi á árinu 2005. Það hef-
ur tekist og við erum komin með eitt
sameiginlegt fyrirtæki og það skiptir
engu máli hvaðan skipin eða vinnslufyr-
irtækin komu. Meginstef númer tvö var
svo efling uppsjávarsviðsins. Við samein-
inguna varð til mjög stór uppsjávardeild
sem nú hefur yfir að ráða fjórum skipum
og vinnslu á Akranesi og Vopnafirði.
Bræðslurnar voru í raun fjórar talsins en
þeim hefur verið fækkað í tvær með því
að loka verksmiðjunum í Þorlákshöfn og
síðan í Reykjavík. Framleiðsla á fiskmjöli
og -lýsi fer því nú fram á Akranesi og á
Vopnafirði. Að auki höfum við beina-
mjölsverksmiðjuna í Reykjavík, sem er
raunar ekki í rekstri um þessar mundir.
Uppsjávarvinnslan á Vopnafirði hefur
verið stórefld frá því sem var í tíð Tanga
hf. og reyndar hefur uppbygging einnig
átt sér stað á Akranesi. Á Vopnafirði höf-
um við í raun byggt upp frá grunni mjög
öfluga uppsjávarmiðstöð. Þar er höfuð-
áherslan lögð á vinnslu á uppsjávarfiski
til manneldis, flökun og frystingu sem
og loðnuhrognavinnslu, auk bræðslu og
eins höfum við látið byggja þar stóra
frystigeymslu og nýtt löndunarhús svo
fátt eitt sé nefnt. Það sér nú fyrir endann
á þessari uppbyggingu því aðeins á eftir
að ljúka minniháttar frágangi við bræðsl-
una. Fjárfestingar HB Granda vegna
þessa verkefnis nema nú á fimmta millj-
arð króna. Þriðja meginstefið var svo efl-
ing markaðsstarfsins og sölumála. Staðan
var þannig að við vorum í meginatriðum
að selja okkar afurðir til íslenskra sölu-
fyrirtækja sem síðan sáu um að markaðs-
setja þær erlendis. Við ákváðum að tíma-
bært væri að taka sölu- og markaðsmálin
alfarið yfir og nú má segja að HB Grandi
sjái um sölu á öllum afurðum félagsins á
erlendum markaði. Við seljum allt til val-
inna viðskiptavina sem í flestum tilvikum
eru einnig nánir samstarfsaðilar okkar.
Að stórum hluta eru þetta tiltölulega lítil
fyrirtæki, þar sem afurðir frá HB Granda
eru stór hluti af rekstrinum. ESB ríkin
með Þýskaland, Frakkland, Belgíu og
Bretland sem stærstu markaðssvæði, eru
okkar langstærsti markaður. Noregur
hefur verið annað stærsta markaðssvæði
okkar og síðan seljum við m.a. afurðir til
fyrirtækja í Bandaríkjunum, Brasilíu, Jap-
an, Suður-Kóreu, Rússlandi, Úkraínu,
Póllandi, Hvíta-Rússlandi, Kína og á
Spáni svo fátt eitt sé nefnt,“ segir Eggert
Benedikt en nefna má að til annarra
landa en þeirra, sem nefnd eru hér að
framan, fóru um 8% framleiðslunnar
miðað við verðmæti á árinu 2009. Fé-
lagið er nú með sölustjóra fyrir einstakar
afurðir og markaðssvæði.
„Þessu fylgir sérhæfing en auk þess
vinnur öll markaðsdeildin saman að
ákveðnum málum. Markaðsdeildin er
okkar andlit út á við gagnvart viðskipta-
vinunum. Við höfum gefið út ítarlegt
kynningarefni, byggt upp öfluga vefsíðu
og starfinu fylgjum við síðan eftir með
þátttöku í sýningum og fundum með
Íslenskur sjávarútvegur stendur á ákveðnum tímamótum
um þessar mundir. Hart hefur verið deilt um það hvort
breyta eigi fiskveiðistjórnunarkerfinu og þá með hvaða
hætti. Margir styðja svokallaða fyrningarleið en í henni
felst að stjórnvöld innkalli aflaheimildirnar í áföngum og
úthluti þeim að nýju gegn gjaldi. Aðrir hallast frekar að til-
lögu sáttanefndar Alþingis um að samið verði við sjávarút-
vegsfyrirtækin um langtíma nýtingu aflaheimilda og fyrir
hana komi hóflegt afgjald sem greinin geti staðið undir.
Deilur um fiskveiðistjórnunarkerfið eru fjarri því það eina
sem eigendur og stjórnendur sjávarútvegsfyrirtækjanna
þurfa að hafa áhyggjur af um þessar mundir. Fyrir dyrum
standa viðræður við Evrópusambandið um að Ísland gerist
aðili að sambandinu. Óhætt er að fullyrða að fáir ef nokkr-
ir stjórnendur sjávarútvegsfyrirtækja geta hugsað þá hugs-
un til enda að íslenskum sjávarútvegi verði í framtíðinni
stjórnað frá Brussel. Í þeim hópi er Eggert Benedikt Guð-
mundsson, forstjóri HB Granda.
Umræðan um ESB
ristir grunnt og
er illa ígrunduð
- rætt við Eggert Benedikt Guðmundsson, forstjóra HB Granda, um uppbyggingu
fyrirtækisins, fiskveiðistjórnunarkerfið og afstöðuna til aðildar að ESB
HB Grandi hefur að undanförnu staðið fyrir mikilli uppbyggingu á uppsjávarvinnslu sinni á Vopnafirði.
Mynd Jón Sigurðsson