Ægir - 01.04.2011, Qupperneq 26
26
S J Ó M A N N A D A G U R I N N
Hátíð hafsins verður haldin í
Reykjavík dagana 4.-5. júní og
er þetta í þrettánda skipti
sem hátíðin er haldin undir
þessu nafni. Hátíðin hefur nú
flutt sig um set og fest sig í
sessi vestur á Granda, enda
er hún þar í nálægð við höfn-
ina og helstu fyrirtæki sem
sinna útgerð og sjómennsku.
Hátíðin fjallar um allt sem
viðkemur hafinu, menningu
tengdri sjómennsku, skip,
fisk, hafmeyjar og sjómanna-
lög. Að Hátíð hafsins standa
Faxaflóahafnir og Sjómanna-
dagsráð Reykjavíkur, en verk-
efnisstjórn er í höndum Höf-
uðborgarstofu.
Fiskur hátíðarinnar að
þessu sinn er síld og kemur
hún víða við sögu í dagskrá
hátíðarinnar. Gestasveitar-
félag Hátíðar hafsins er að
þessu sinni síldarbærinn
Siglufjörður. Starfsmenn sveit-
arfélagsins Fjallabyggðar
munu kynna menningu og
sögu bæjarins og ein af fjór-
um sýningum Víkurinnar,
sem opnaðar verða á hátíð-
inni, er einmitt Síldarheimur
Siglufjarðar. Þar munu pers-
ónulegar og lifandi myndir
lýsa því hvernig var að upp-
lifa síldarævintýrið á Siglufirði
forðum.
Á Hátíð hafsins verður
meðal annars hægt að skoða
myndlistarsýningar, taka þátt
í ratleik, fara í hvalaskoðun,
bregða sér í lundaskoðun,
skoða íslenska fiska, líta um
borð í skonnortu, fara á sjó-
stöng eða bregða sér í sjó-
ræningjasiglingu! Sæbjörgu,
skipi Slysavarnafélagsins
Landsbjargar hefur af þessu
tilefni verið breytt í sjóræn-
ingjaskip og mun það sigla
um sundin blá undir sjóræn-
ingjaflöggum!
Fjölbreytt skemmtidagskrá
verður á sviði á hátíðarsvæð-
inu á Grandagarði, sem og
vítt og breitt um svæðið. Þá
verður einnig að sjálfsögðu
hægt að bragða á fjölbreyttu
sjávarfangi víða á svæðinu.
Og er hér aðeins fátt eitt
talið. Nánar má sjá í dagskrá
hátíðarinnar á www.hatid-
hafsins.is
Hátíð hafsins í þrettánda skipti:
Þéttskipuð dagskrá á Granda
Fiskarnir vekja alltaf áhuga hjá ungum
sem eldri.
Sjóræningjar! Sæbjörginni hefur verið breytt í sjóræningjaskip og hér er áhöfnin í
fullum sjóræningjaklæðum, tilbúin að taka á móti farþegum. Sem að sjálfsögðu
eru hvattir til að mæta í búningum.
Faxaflóahafnir
Hafnarfjarðarhöfn
Hafnarsjóður Fjarðabyggðar
Hafnarsjóður Skagafjarðar
Hafnarsjóður Þorlákshafnar
Hafnir Ísafjarðarbæjar
Sandgerðishöfn
Seyðisfjarðarhöfn
Tálknafjarðarhöfn
Vestmannaeyjahöfn
Gleðilega sjómannadagshátíð!