Ægir - 01.04.2011, Page 55
55
F R É T T I R
Króli ehf. hefur í 30 ár útveg-
að íslenskum höfnum stein-
steyptar flotbryggjur frá SF
Marina í Svíþjóð. Þessar
bryggjur má víða sjá í höfnum
hér á landi og hafa þær stað-
ist erfiðar íslenskar aðstæður.
Nú hafa Króli og SF Marina
gert samning við Loftorku í
Borgarnesi um framleiðslu á
flotbryggjum SF Marina sem
Króli selur og þjónustar með
sama hætti og þær sænsku.
Framleiðslan hjá Loftorku
bætist því við sem nýr valkost-
ur fyrir viðskiptavini Króla.
„Smábátasjómenn vita að
flotbryggjurnar frá SF Marina
eru traustar og öruggar við
erfiðar, íslenskar aðstæður
enda hefur Króli lokið yfir 50
uppsetningum slíkum bryggj-
um hérlendis. Okkur hjá
Króla líst mjög vel á gæðin
og vinnubrögðin hjá Loftorku
og erum mjög ánægðir með
að geta nú boðið upp á inn-
lenda framleiðslu á þaul-
reyndri hönnun. Loftorku-
menn munu hafa nóg að gera
við flotbryggjuframleiðslu fyr-
ir okkur á næstunni,“ segir
Kristján Óli Hjaltason, fram-
kvæmdastjóri Króla ehf. í
Garðabæ.
Fyrsta bryggjan sem fram-
leidd var hjá Loftorku er nú
komin úr verksmiðjunni í
Borgarnesi og hefur verið sett
á flot í Húsavíkurhöfn. Flot-
bryggjan er 25 metrar á lengd
og 3 metrar á breidd og veg-
ur um 35 tonn. Pantanir liggja
fyrir á ellefu flotbryggjum frá
Króla sem verða framleiddar
hjá Loftorku og settar upp
víða um landið. Störfum við
innlenda framleiðslu mun
fjölga með þessum samningi.
Bergþór Ólason, fjármála-
stjóri Loftorku í Borgarnesi
ehf., segir þessa nýju fram-
leiðslu fagnaðarefni fyrir fyrir-
tækið. „Fyrir okkur er þetta
mjög ánægjulegur áfangi.
Loftorka breikkar með þessu
framleiðslulínu sína og fer
inn á alveg nýtt svið. Það er
sérstaklega ánægjulegt að
þessi framleiðsla sé komin
hingað heim því steyptar flot-
bryggjur í höfnum landsins
hafa hingað til flestar verið
innfluttar. Störfum við inn-
lenda framleiðslu fjölgar og
hérlendis verður til þekking á
sérhæfðri framleiðslu með
samstarfinu við Króla og SF
Marina. Áhugi þeirra á sam-
starfi við okkur undirstrikar
stöðu Loftorku sem leiðandi
aðila á markaði fyrir for-
steyptar einingar,“ segir Berg-
þór.
Kristján Óli Hjaltason og Bergþór Ólason við flotbryggjuna í húsnæði Loftorku í Borgarnesi.
Flotbryggjuframleiðsla í Borgarnes
Flotbryggjan á leið út úr húsi Loftorku í Borgarnesi.