Morgunblaðið - 05.12.2014, Page 2

2 FRÉTTIRInnlent
MORGUNBLAÐIÐ FÖSTUDAGUR 5. DESEMBER 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Helgi Bjarnason
Hjörtur J. Guðmundsson
„Ég er gríðarlega ánægður með
þessa niðurstöðu. Við höfum fengið
afskaplega hæfa konu, einn af okkur
sjálfstæðismönnum, til að koma í
ráðuneyti og ég tel að af þessu muni
ríkisstjórnin fá aukinn styrk,“ segir
Bjarni Benediktsson, formaður
Sjálfstæðisflokksins og fjármála-
ráðherra, um skipan Ólafar Nordal,
fyrrverandi alþingismanns, í emb-
ætti innanríkisráðherra í stað
Hönnu Birnu Kristjánsdóttur.
„Ég held að óhætt sé að segja að
það verði mikill styrkur að fá hana í
ríkisstjórnina,“ segir Sigmundur
Davíð Gunnlaugsson forsætisráð-
herra. Hann segir ljóst að Ólöf verði
öflugur liðsmaður ríkisstjórnarinnar
enda þekki allir hana frá fyrri tíð.
Margir komu til álita
Bjarni gerði tillögu um skipan
Ólafar á þingflokksfundi sjálfstæð-
ismanna í gær og var það samþykkt.
Hann segist fyrst hafa boðið Einari
K. Guðfinnssyni, forseta Alþingis og
fyrrverandi ráðherra, að taka að sér
embætti innanríkisráðherra en hann
afþakkað.
Bjarni nefndi eftir þingflokks-
fundinn að Ólöf hefði reynslu úr
ráðuneytinu og væri lögfræði-
menntuð. Þá væri hún búsett í
Reykjavík og vísaði með því til
gagnrýni um að einungis einn ráð-
herra væri úr þessum tveimur stóru
kjördæmum.
Bjarni sagði þegar hann var
spurður að því hvort hann treysti
ekki þeim þingmönnum Sjálfstæð-
isflokksins sem sóttust eftir ráð-
herraembættinu, að margir þing-
menn hefðu komið til álita. „Það
hins vegar er mín ákvörðun að koma
með tillögu sem ég tel, að teknu til-
liti til allra sjónarmiða, farnist best
og ég er mjög ánægður með þá nið-
urstöðu sem ég hef komist að og ég
hef fengið svigrúm hjá þing-
flokknum til að fylgja henni eftir.“
Spurður hvort veikindi Ólafar
hefðu sett strik í reikninginn, en
hún greindist með illkynja
krabbameinsæxli í sumar, sagði
Bjarni: „Það er það sem er ánægju-
legast í þessu að Ólöf hefur tekist á
við veikindin og er útskrifuð úr
þeirri meðferð sem hún hefur tekist
á við og lítur vel út, er hress og
treystir sér og hún hefur stuðning
sinna nánustu til þess að taka verk-
efnið að sér. Þannig að það er nú
kannski bara sérlega ánægjulegt
[…] að með þessu hefst nýr kafli hjá
henni,“ sagði Bjarni.
Sérstakt ráðuneyti í athugun
Ólöf tók við embætti á ríkisráðs-
fundi eftir hádegið en þá var Hanna
Birna leyst undan ráðherradómi, að
eigin ósk.
Ólöf tók við lyklunum að innan-
ríkisráðuneytinu síðdegis í gær.
Dóms- og lögreglumál verða aftur á
starfssviði innanríkisráðherra en
forsætisráðherra hefur sinnt þeim
undanfarna mánuði eftir að Hanna
Birna sagði sig frá þeim málaflokki
vegna opinberrar rannsóknar á
lekamáli í ráðuneytinu. Forsætis-
ráðherra býst við því að áfram verði
skoðað með stofnun sérstaks dóms-
málaráðuneytis en ákvörðunar væri
ekki að vænta í því efni á næstunni.
Ríkisstjórnin fær aukinn styrk
 Ólöf Nordal tekin við embætti innanríkisráðherra  Dómsmálin aftur til innanríkisráðherra
 Styrkur að fá hana í ríkisstjórn, segir forsætisráðherra  Einar afþakkaði ráðherrastólinn
Morgunblaðið/Ómar
Tilkynning Bjarni Benediktsson hélt tillögu sinni leyndri þar til eftir þing-
flokksfund í gær og þá var í nógu að snúast við að svara fjölmiðlamönnum.
Morgunblaðið/Ómar
Breytt ríkisstjórn Ólöf Nordal er nýjasti ráðherra ríkisstjórnarinnar. Skipan hennar var staðfest á ríkisráðsfundi
ríkisstjórnarinnar og Ólafs Ragnars Grímssonar forseta eftir hádegi í gær. Ólöf hefur þegar tekið til starfa.
’
Ég óska að sjálfsögðu nýrri mann-
eskju til hamingju með embættið
og Ólöf er auðvitað öflug manneskja
þannig að ég efast ekkert um að hún
geti gert þetta vel. Þetta kom svolítið
á óvart. Menn hafa aðallega verið með
getgátur um það hver úr þing-
flokknum þetta yrði þannig að þetta
er kannski ekki eitthvað sem flestir
reiknuðu með.“
Steingrímur J. Sigfússon, þingmaður VG.
’
Ég bara óska henni velfarnaðar.
[…] Ég hefði ekki veðjað á þetta
en mér líst bara vel á. Ég held að Ólöf
sé vel að þessu komin. En þetta kem-
ur á óvart vegna þess að hún hafði
stigið út úr pólitík og nú stígur hún
aftur inn og það er bara gaman að
því.“
Guðmundur Steingrímsson,
formaður Bjartrar framtíðar.
’
Þetta kom á óvart, sérstaklega
þar sem Ólöf hafði lýst því yfir að
hún ætlaði að hætta í pólitík í bili. En
hún er að sjálfsögðu vel að þessu
komin. […] Og það verður bara athygl-
isvert að sjá hvernig henni tekst að
vinna úr þeim miklu málum sem þarf
að glíma við í þessu ráðuneyti.“
Birgitta Jónsdóttir, þingmaður Pírata.
’
Landssamband sjálfstæðiskvenna
óskar nýjum innanríkisráðherra,
Ólöfu Nordal, velfarnaðar í starfi. Hún
hefur sýnt með verkum sínum að hún
er vel hæf til að sinna þeim mikilvægu
málaflokkum sem undir ráðuneyti
hennar heyra. LS fagnar því að Bjarni
Benediktsson, formaður Sjálfstæð-
isflokksins, hafi gætt að kynjahlut-
föllum við skipan í ráðherraembætti
og kona hafi orðið fyrir valinu.“
Landssamband sjálfstæðiskvenna.
’
Hvöt, félag sjálfstæðiskvenna ósk-
ar nýjum innanríkisráðherra,
Ólöfu Nordal, innilega til hamingju.
Það er mikill styrkur fyrir ríkisstjórn-
ina að fá að njóta krafta og reynslu
Ólafar. Hvöt óskar Ólöfu Nordal vel-
farnaðar í erfiðu og krefjandi starfi.“
Stjórn Hvatar, félags sjálfstæðiskvenna.
Skipan Ólafar
kom á óvart
Kristján H. Johannessen
khj@mbl.is
„Það er eingöngu verið að sam-
þykkja útgreiðslur til forgangs-
kröfuhafa, en með því komumst við í
betri stöðu til að stíga næstu skref í
afnámi hafta,“ segir Bjarni Bene-
diktsson, fjármála- og efnahagsráð-
herra, í samtali við Morgunblaðið.
Vísar hann í máli sínu til þess að í
gær var tilkynnt að samþykktar
verða undanþágubeiðnir frá lögum
um gjaldeyrismál sem gerir gamla
Landsbankanum (LBI hf.) fært að
inna af hendi greiðslur til forgangs-
kröfuhafa fyrir um 400 milljarða.
Skuldabréfið er uppgreiðanlegt
Tildrög undanþágunnar eru þau
að LBI og Landsbankinn hafa náð
samkomulagi um breytingar á skil-
málum skuldabréfa sem gefin voru
út af Landsbankanum á grundvelli
ákvörðunar Fjár-
málaeftirlitsins,
frá því í október
2008, um upp-
skiptingu eigna
og skuldbindinga
í kjölfar falls
Landsbanka Ís-
lands.
Fela breyting-
ar á skilmálum
skuldabréfsins
milli LBI annars vegar og Lands-
bankans hins vegar í sér lengri af-
borgunarferil skuldabréfsins auk
þess sem búið er að minnka endur-
fjármögnunaráhættuna eftir 2018. Í
tilkynningu fjármála- og efnahags-
ráðuneytis kemur fram að skulda-
bréfið sé uppgreiðanlegt. Er því
mögulegt fyrir bankann að endur-
fjármagna bréfið þegar betri kjör
eru í boði á fjármagnsmörkuðum.
Undanþágufjárhæðin, sem er um
400 milljarðar króna, nemur tæplega
5% af upphaflegum kröfum í bú
hinna föllnu banka. Með þeim
greiðslum sem nú verða heimilaðar
hafa forgangskröfuhafar í bú Lands-
bankans fengið um 85% af höfuðstóli
krafna sinna greiddan. Forgangs-
kröfur í bú Glitnis og Kaupþings eru
nú þegar að fullu greiddar.
Auðveldar erlenda fjármögnun
Fram kemur í tilkynningu Seðla-
banka Íslands að mat bankans sé
það að skilmálabreytingin mun hafa
jákvæð áhrif á efnahagslegan og
fjármálalegan stöðugleika þjóðar-
búsins og auðvelda losun fjármagns-
hafta.
„Hætta á óstöðugleika í greiðslu-
jöfnuði þjóðarbúsins næstu árin
minnkar því, enda verður greiðslu-
byrði af gjaldeyrisskuldum inn-
lendra aðila töluvert minni en áður
var áætlað eða sem nemur 124
ma.kr. fram til ársins 2018. Betri
fjármögnun Landsbankans hf. ætti
að liðka fyrir fjármögnun Lands-
bankans á erlendum lánsfjármörk-
uðum á viðráðanlegum kjörum og
auðvelda honum að mæta þörfum at-
vinnulífsins fyrir lánsfjármagn í er-
lendri mynt,“ segir í tilkynningu.
Bjarni segir fullmótaðar tillögur
um heildstæða stefnu stjórnvalda
um afnám fjármagnshafta nú liggja
fyrir. Munu ráðgjafar ríkisstjórnar-
innar kynna stjórnvöldum tillögurn-
ar á næstu dögum, jafnvel í dag eða
næstkomandi mánudag. Að því
loknu fara tillögurnar til vinnslu inni
í stjórnkerfinu í samvinnu við Seðla-
banka Íslands.
Um 400 milljarðar greiddir út
 Seðlabankinn veitir LBI hf. undanþágu fyrir greiðslu til
forgangskröfuhafa  Sátt um breytta skilmála skuldabréfa
Bjarni
Benediktsson
Steinþór Pálsson, bankastjóri Landsbankans, segir
þetta góð tíðindi fyrir efnahagslíf Íslands.
„Með þessu er stigið veigamikið skref til að leysa
viðfangsefni er varða skuldastöðu þjóðarbúsins og
afnám fjármagnshafta. Skilmálar nýju skuldabréf-
anna eru mjög vel viðráðanlegir fyrir Landsbankann
og mun þessi breyting auðvelda bankanum al-
þjóðlega lánsfjármögnun eins og áður hefur komið
fram. Þá felur samkomulagið í sér að sérstökum
hömlum á arðgreiðslur hefur verið hrundið úr vegi til
hagsbóta fyrir hluthafa bankans,“ segir Steinþór í til-
kynningu.
VEIGAMIKIÐ SKREF STIGIÐ
Steinþór
Pálsson
Góð tíðindi fyrir efnahag