Morgunblaðið - 05.12.2014, Qupperneq 11
Tómatar í kös Þessi mynd er undir áhrifum frá ljóði
Antons Helga, Prófarkalesari ávarpar tómatana.
ekki að myndskreyta ljóð Antons
Helga, heldur sé innblásin af þeim.
Illa sofinn prófarkalesari
rápaði inn í ávaxta- og
grænmetiskæli
á einhvers konar föstudegi.
Þá heyrðist rödd. Það heyrðist
rödd. Já rödd.
Tómatur í kös
í bláum kassa
kallaði og spurði:
Svara þú mér, spekingur:
Hvort er tómaturinn ávöxtur eða
grænmeti?
Þetta var í hádeginu á
föstudegi.
Þarna var ekki neinn til svara
nema illa sofinn prófarkalesari.
Skyndilega risu gúrkurnar upp.
Þær tóku dansspor og sungu
viðlag:
Hvað er ég?
Hver er ég?
Hvert er eðli mitt?
(Brot úr ljóðinu Prófarkalesari
ávarpar tómatana úr „Tvífari gerir
sig heimakominn“, 2014)
Úr þessu ljóði varð til mynd
sem sýnir ringlaðan prófarkalesara
og tómata í kös í bláum kassa.
Dapurlegri er ljóðmælandinn sem
syrgir enn rauðu skóna 40 árum
síðar og úr varð skemmtileg mynd:
Ég mátaði rauða skó í London.
Stúlkan sagði: Þetta er síðasta
parið.
Ég ákvað samt að bíða.
Hver trúir sölufólkinu?
Ég ákvað að ganga einn hring í
verslunarmiðstöðinni.
Þetta var góður dagur og margt
að sjá.
Þegar ég kom til baka voru skórn-
ir farnir.
Hún þóttist ekkert vita.
Það eru bráðum liðin fjörutíu ár.
Engir skór hafa enst mér eins vel.
(Úr „Ljóð af ættarmóti“, 2010)
Anton Helgi Jónsson hlaut
Ljóðstaf Jóns úr Vör í byrjun
þessa árs og náði þeim einstaka ár-
angri að vera fyrstur skálda til að
hljóta verðlaunin í annað sinn.
Verðlaunin hlaut Anton Helgi
fyrir ljóðið Horfurnar um miðja
vikuna, sem er eitt ljóðanna í nýj-
ustu ljóðabók skáldsins „Tvífari
gerir sig heimakominn“ og Sossa
hefur drukkið í sig að undanförnu
ásamt ljóðunum í bókinni „Ljóð af
ættarmóti“.
Anton Helgi mun lesa ljóð sín
í jólaboði Sossu, sem hefst kl. 17
og tónlistarmaðurinn Svavar Knút-
ur mætir með gítarinn og gleður
boðsgesti með söng. „Ég hef haft
þetta fyrir hefð frá því ég flutti aft-
ur til Keflavíkur fyrir 18 árum og
brydda alltaf upp á einhverju nýju
í hvert sinn. Að jólaboði loknu get
ég síðan hafið minn jólaundirbún-
ing,“ sagði Sossa að lokum.
Endingargóðir skór Mynd undir áhrifum ljóðs um rauða
skó sem fylgdu ljóðmælanda í hartnær 40 ár, í söknuði.
Heimasíða Sossu: www.sossa.is
DAGLEGT LÍF 11
MORGUNBLAÐIÐ FÖSTUDAGUR 5. DESEMBER 2014
Eins og allir vita þá erustórstjörnurnar BeyoncéKnowles og Jay Z á land-inu. Eins og Íslendinga
er von og vísa þá hefur áhugi á þess-
um nýju „Íslandsvinum“ verið
gríðarlegur og vissir fjölmiðlar
reynt að fylgjast með ferð þeirra
skref fyrir skref. Lítið sem ekkert
hefur verið gefið upp um ferðir pars-
ins en þau eiga víst að hafa farið í
Bláa lónið og skoðað Skógafoss. Síð-
an hefur því verið haldið fram að þau
ætli að geta eitt stykki barn hér en
ég sel það nú ekki dýrara en ég
keypti það. En þarf ekki að sýna
hjónunum „alvöru“ Ísland og Íslend-
inga? Hvernig væri nú að sleppa
þessum ferðamannastöðum í eitt
skipti? Ég held til dæmis að
Beyoncé og Jay Z hefðu gaman af
því að fara í Hagkaup í Skeifunni
á miðnætti í kvöld. Þar fá
þau sko að sjá alvöru Ís-
lendinga í sínu náttúrulega
umhverfi, að troða nammi
ofan í poka. Urrandi hver
á annan yfir Haribo-inu
og saltpillunum. Minn-
ir á fínustu Safari-
ferð. Svo gæti
Beyoncé jafnvel
rekist á gott tilboð
á garni eða töfra-
sprota. Hversu
hentugt? Frá Skeif-
unni væri upplagt að
fara niður í bæ og fá
mjög svo fágaða vín-
menningu Íslend-
inga beint í æð.
Ímyndaðu þér,
Beyoncé sjálfa að
taka lagið á Live
Pub á meðan Jay Z
skellir sér í kass-
ann? Eða í röðinni á
Kaffibarnum að bölva
fólkinu í „VIP“-röðinni? Ætli þau
verði beðin um skilríki? Frá Kaffi-
barnum væri jafnvel hægt að fara á
Nonnabita. Þar er hægt að fá allt
það sem íslenskur landbúnaður hef-
ur upp á að bjóða, pepperoni, beikon
og kokteilsósu. Þetta bara getur
ekki klikkað! Síðan væri kjörið að
láta þau taka leigubíl heim, því eins
og allir vita gerast helstu ævintýri
Reykjavíkur í leigubílaröðinni. Það
er nefnilega alls ekki ólíklegt að þau
myndu eignast vini fyrir lífstíð í
leigubílaröðinni. Það
er reyndar líka lík-
legt að þau lendi í slag.
Á laugardaginn þyrfti
síðan auðvitað að fara
með þau í Bauhaus,
maður þarf alltaf eitt-
hvað þaðan og svo að
sjálfsögðu Toys R Us. Ég
hef nefnilega heyrt að
aumingja Blue Ivy eigi
eiginlega ekki neitt dót.
Ef tími gefst er síðan
kjörið að fara með þeim í
IKEA og leyfa þeim að
smakka hangikjöt,
svona í tilefni hátíðar
ljóss og friðar og að það
kosti bara 995 krónur. En
mikilvægast er að þau séu í
Nike Free-skóm, 66° Norður
úlpu og haldi á Ittala-vasa.
Þau þurfa nú að passa inn í
hópinn!
»Ímyndaðu þér,Beyoncé sjálfa að taka
lagið á Live Pub á meðan
Jay Z skellir sér í kassann?
HeimurAuðar
Auður Albertsdóttir
audura@mbl.is