Morgunblaðið - 05.12.2014, Page 29

UMRÆÐAN 29
MORGUNBLAÐIÐ FÖSTUDAGUR 5. DESEMBER 2014
Ecco Ethan
Stærðir: 40-46
Verð kr. 21.995
Ecco Ethan
Stærðir: 40-46
Verð kr. 21.995
Ecco Bendix
Stærðir: 40-46
Verð kr. 27.995
Ecco Bendix
Stærðir: 40-46
Verð kr. 26.995
ECCO - KRINGLAN - SÍMI: 5538050
STEINAR WAAGE KRINGLAN & SMÁRALIND
WWW.SKOR.IS
Hvað klikkaði?
Stundum tökum við rangar ákvarðanir og gerum mistök.
Þó mistök séu auðvitað leiðinleg meðan á þeim stendur er
lærdómurinn sem af þeim hlýst afar mikilvægur.
Mánudaginn 8. desember kl. 13.00–14.30
í sal Arion banka, Borgartúni 19
Skráning og nánari upplýsingar á imark.is
Örfyrirlestrar
um klúður
í markaðsmálum
Fyrirlesarar:
Þorvaldur Sverrisson,
stefnumótunarstjóri á auglýsinga-
stofunni Jónsson & Le'macks, fjallar um
markaðssetningu á fólki í fyrirlestrinum
Aldrei syngja.
Birna Ósk Einarsdóttir,
framkvæmdastjóri sölu- og þjónustu-
sviðs hjá Símanum, flytur fyrirlesturinn
Allir tilbúnir – nema viðskiptavinurinn.
Sigtryggur Baldursson,
framkvæmdastjóri ÚTÓN, fjallar um
markaðssetningu íslenskra tónlistar-
manna erlendis í fyrirlestrinum
Útflutningur tónlistar.
Gísli Brynjólfsson, framkvæmdastjóri
Hvíta hússins, flytur fyrirlesturinn
Castro, Hvíta og brjáluðu kaþólikkarnir.
Sigmar Vilhjálmsson, veitingamaður,
flytur fyrirlesturinn Hvað var ég að pæla?
um það sem klikkaði í Miklagarði.
Fundarstjóri:
Þóra Tómasdóttir, stofnandi Festival of
Failure sem er óður til hugmynda og
vettvangur fyrir ógleymanleg mistök.
Þóra Þorvaldur Birna Sigtryggur Gísli Sigmar
Trúðu á tvennt í
heimi
tign sem hæsta ber:
Guð í alheimsgeimi,
Guð í sjálfum þér.
(Steingrímur
Thorsteinsson)
Guð er lifandi kær-
leikur sem birtist í
öllu sem andann
dregur og er sam-
tvinnaður okkar eðli,
svo fremi við göngumst við. Þegar
menn finna að þeir eru hluti af
Guði í daglegu lífi knýr það þá til
réttsýni og ábyrgðar á eigin gjörð-
um gagnvart öllu lífi; mönnum,
dýrum og náttúru. Ekkert verður
undanskilið.
Fólk sem sækir sér umboð til
almennings er í mikilvægu valda-
og forystuhlutverki meðan það
nýtur trausts. Þeim sem gera eft-
irfarandi að einkunnarorðum sín-
um; að vinna öðrum til heilla, mun
vegna vel, öðrum ekki. Hvaða til-
finning er annars yndislegri í
mannlegu eðli en sú að gefa og
hjálpa? Og hvaða tilfinning hlýtur
að vera meira mannskemmandi en
að sitja að völdum í óþökk þess
fjölda sem upphaflega treysti þér?
Lyndiseinkunn kærleikans end-
urspeglar heiðarleika og fer ekki
með ósannindi.
Það er mikilvægasta hlutverk
stjórnmálamanna; að skilja að-
stæður fólksins í landinu, setja sig
inn í þær og reyna að gera öllum
vel og hjálpa til þess að allt fari á
besta veg fyrir þjóð. Sagan sýnir
okkur að á þessu hafa orðið alvar-
legir misbrestir.
Kæru stjórnmálamenn,
þingmenn og ráðherrar
Ef svo ber undir, skora ég á
ykkur að stöðva sjálfa ykkur og þá
samflokksmenn sem fara fram
með græðgi og sjálfselsku meðal
ykkar, því hún mun ávallt verða á
kostnað fjöldans og er mál að
linni.
Ræktið dyggð og nægjusemi og
veri ykkur umhugað um að allir
hafi nóg til hnífs og skeiðar, frek-
ar en að skara sífellt eld að eigin
köku. Það er ekkert að því að þeir
sem eru duglegir, útsjónarsamir
en heiðarlegir njóti þess efnahags-
lega, hugnist þeim svo, það er m.a.
drifkrafturinn í okkar þjóðfélagi.
En gerist þá ekki umboðsmenn
fjöldans því það fer sjaldnast sam-
an með sérhagsmunum meðan set-
ið er að völdum. Göfuglyndi ykkar
og kærleikur á að vaxa við bættan
hag skjóstæðinga ykkar, kjósenda.
Rækið störf ykkar fyrir alla Ís-
lendinga af trúmennsku því per-
sónuleg auðæfi og völd eru fallvölt
gæði sem skila engum varanlegum
auð. Jarðvistin er einungis und-
irbúningur þess lífs sem koma
skal og enginn flýr sjálfsvitundina,
reikningsskil eigin gjörða.
Hið raunverulega ríkidæmi er
kærleikurinn innra með hverjum
manni sem ræktar með okkur
mannhelgi ásamt því sem heiður
og orðspor eru verðmætari en all-
ar fúlgur fjár. Hugsjón í þágu
fjöldans virðist mörgum gleymd
meðal ykkar stjórnmálamanna og
er það áhyggjuefni.
Græðgi er ein mesta meinsemd í
okkar þjóðfélagi, en
samt virðist hún land-
læg. Af hverju? Vald
og fégræðgi kalla jafn-
an fram það versta í
mannlegu eðli og spill-
ir frekar en bætir og
er án vafa þjóð okkar
fátt hættulegra en
gráðugir sérhags-
munatengdir stjórn-
málamenn.
Um spillingu,
græðgi og sérhags-
munastjórnmál undir-
orpin hégóma vitnar sannleiks-
skýrsla Rannsóknarnefndar
Alþingis svo um munar. En hún er
einn merkasti sjálfsskoðunarspeg-
ill þjóðar sem unninn hefur verið
en samt hefur enginn gengist við
ábyrgð né beðið þjóðina afsök-
unar, af hverju? Og hvers vegna
er ekki oftar vitnað í þessa merku
skýrslu á Alþingi okkar Íslend-
inga?
Öllum verður á en iðrist gerand-
inn ekki, öðlast hann ekki þann
lærdóm sem hann á skilið og end-
urtekning mistaka mun verða.
Ég bið sum ykkar einnig um að
gæta tungunnar og hætta að tala
illa um náungann eða tala niður til
þeirra sem ekki eru ykkar skoð-
anabræður. Það er plagsiður sem
því miður fylgir svo mörgum. Ég
bið ykkur að huga að einum ein-
staklingi á dag til reynslu að tala
fallega um, sama hvar í flokki
hann stendur eða hvað þið teljið
hann hugsanlega hafa gert á ykk-
ar hlut í fortíðinni. Fyrirgefning
er nefnilega sjálfskoðun og sátt til
hamingjusamlegra samfélags og
betra lífs. Fátt er innilegra en
sáttarfaðmlag og get ég fullvissað
ykkur um að þið vaknið næsta dag
með meira kærleiksljós í hjarta en
þið hafið fundið fyrir áður, e.t.v.
full löngunar að verja komandi
degi á sama hátt.
Kærleikur nærist nefnilega á
kærleika og verkefni ykkar er að
vinna saman að heill allra lands-
manna, ekki bara sumra. Með
kærleikann að leiðarljósi er ekki
rými fyrir óheiðarleika, karp eða
sérhagsmunatengdar ákvarðanir,
einungis heill allra. Það gildir einu
hvaða stjórnmálastefnu fólk að-
hyllist, Guðskærleikur á að ráða
för.
Dragið ekki að iðka göfug og
óeigingjörn störf í þágu fjöldans
því til þess er ætlast af okkur sem
kusum ykkur sem e.t.v. er öfugt
við þau fámennu sérhagsmuna-
samtök sem styrktu sum ykkar
með fjárframlögum. Það er ein-
faldlega rangt að hygla vinum eða
venslamönnum á kostnað fjöldans.
Hlustið gaumgæfilega og af auð-
mýkt á rödd fjöldans, því við vit-
um hvað okkur er fyrir bestu. Eft-
ir allt eru þið jú fulltrúar okkar til
langs tíma eða skamms.
Opið bréf til
stjórnmálamanna
Eftir Árna Má
Jensson
Árni Már Jensson
»Ræktið dyggð og
nægjusemi og verið
umhugað um að allir
hafi nóg til hnífs og
skeiðar, frekar en að
skara sífellt eld að
eigin köku.
Höfundur er heilari, miðill og áhuga-
maður um betra líf.
Nú geta allir fengið
iPad-áskrift
Skráðu þig í iPad-áskrift á
www.mbl.is/mogginn/ipad/
Aukablað um bíla fylgir
Morgunblaðinu alla þriðjudaga