Morgunblaðið - 10.12.2014, Side 4

4 FRÉTTIRInnlent
MORGUNBLAÐIÐ MIÐVIKUDAGUR 10. DESEMBER 2014
Guðni Einarsson
gudni@mbl.is
Sviðsmynd Landsvirkjunar vegna
mögulegs flóðs frá eldgosi í norð-
vestanverðum Vatnajökli gerir ráð
fyrir 6.000 m3/sek flóði í Hágöngulón
og voru viðbrögð við þannig atburði
æfð 6. nóvember í fyrra. Fram hefur
komið að við slíku flóði yrði m.a.
brugðist með stíflurofum.
Landsvirkjun telur að flóð myndi
hafa tiltölulega lítil áhrif á miðlunar-
getu fyrirtækisins til lengri tíma,
samkvæmt skriflegu svari við spurn-
ingum Morgunblaðsins.
„Afköst aflstöðva verða þau sömu
en rof á einstaka stíflumannvirkjum
kann að hafa tímabundin áhrif á
vatnsmiðlun á svæðinu og þar með
vinnslugetu til skemmri tíma. Það
ræðst síðan af árferði og umfangi
hversu mikil þau verða,“ sagði í svari
Landsvirkjunar við því hvað vinnslu-
geta myndi minnka mikið.
Það færi einnig eftir árferði og því
hvenær ársins atburðurinn ætti sér
stað hve langur tími liði þar til full
vinnsla gæti hafist á ný. En er talin
vera hætta á varanlegum skemmd-
um á virkjununum?
„Ekki er talin hætta á varanlegum
skemmdum á aflstöðvum Lands-
virkjunar við slíkt flóð,“ segir í svari
fyrirtækisins.
Landsvirkjun segir að kæmi til
skömmtunar eða skerðingar á raf-
orku yrði henni stýrt af Landsneti
„eða af viðkomandi raforkuvinnslu-
aðila á grundvelli einstakra raf-
magnssölusamninga. Ef vinnslugeta
minnkar eftir flóð um rúm 100 MW
(u.þ.b. ein virkjun á Þjórsár-
Tungnaársvæði) má gera ráð fyrir að
Landsvirkjun ein ráði við stöðuna
með því að nýta þá umframgetu sem
til er í kerfinu ásamt svigrúmi í raf-
orkusamningum.
Ef hins vegar vinnslugeta skerðist
um meira en 200 MW þá má gera ráð
fyrir að grípa þurfi til forgangsorku-
skerðinga.“
Landsvirkjun bendir á að gefnu
tilefni að 80% af raforkunotkun á Ís-
landi fari til stóriðju, 15% til annars
iðnaðar og aðeins 5% til almennings.
En yrði hægt að miðla orku frá
virkjunum í öðrum landshlutum, t.d.
frá Fljótsdalsstöð Kárahnjúkavirkj-
unar eða Blöndustöð, til suðvestur-
hornsins ef mikil truflun yrði á raf-
orkuvinnslu á Tungnaár- og
Þjórsársvæðinu?
„Tenging frá Fljótsdalsstöð og
Blöndustöð við Suðvesturland er
veik. Flutningur um byggðalínu er
takmarkaður við um 120 MW – 180
MW. Því væri mögulegt að miðla
orku að hluta, en alls ekki öllu leyti.“
 Jökulflóð á Þjórsársvæðinu myndi hafa tiltölulega lítil áhrif á miðlunargetu til
lengri tíma litið  Ekki talin vera hætta á varanlegum skemmdum á virkjunum
Tímabundin áhrif rofni stíflur
Morgunblaðið/Júlíus
Sultartangavirkjun Hverflarnir
eru engin smásmíði.
Baldur Arnarson
baldura@mbl.is
Fjárfestar hafa keypt húseignina Grensásveg 16a í
Reykjavík með mögulegan rekstur hótels í huga. Hús-
næðið er áberandi, á horni Fellsmúla og Grensásvegar.
Alþýðusamband Íslands var þar lengi með höfuðstöðvar.
Upplýsingar um væntanlega kaupendur Grensás-
vegar 16a fengust ekki hjá seljendum eignarinnar, enda
væru viðskiptin trúnaðarmál þar til kaupsamningur yrði
gerður í næstu viku. Heimildarmaður blaðsins í verk-
takageiranum staðfesti hins vegar að það kæmi til greina
að opna hótel í húsinu og neitaði annar seljandi eign-
arinnar því ekki þegar spurt var um það.
Þær upplýsingar fengust frá sýslumanninum í
Reykjavík að þinglýstir eigendur hússins væru Stafir líf-
eyrissjóður og Sameinaði lífeyrissjóðurinn.
Markmiðið var að selja eignina hratt
Að sögn Kristjáns Arnar Sigurðssonar, fram-
kvæmdastjóra Sameinaða lífeyrissjóðsins, eignaðist
sjóðurinn hlut í eigninni við skuldaskil. Markmiðið hefði
verið að selja eignina sem fyrst. Tilboði hefur verið tekið
í eignina og hefur fyrirvörum vegna kauptilboðs verið af-
létt. Kaupsamningur verður gerður í næstu viku.
Auglýst verð eignarinnar var 210 milljónir en það er
1.700 fermetrar. Því fylgja 33 stæði í bílastæðahúsi.
Kristján Örn segir söluverðið hafa verið undir auglýstu
verði. Eignin hafi verið seld í því ástandi sem hún er.
Hann segir fulltrúa sjóðsins ekki hafa vitneskju um
hvernig eignin verði notuð. „Við höfum heyrt því fleygt
að menn hafi hugsað sér að hafa ferðaþjónustu í húsinu
en það er væntanlegra kaupenda að ræða það við borgar-
yfirvöld,“ segir Kristján Örn um þau áform.
Fleiri hótel í skoðun í hverfinu
Samkvæmt öruggum heimildum blaðsins hafa fjár-
festar kannað hagkvæmni þess að opna hótel, eða gisti-
heimili, víðar á Grensásvegi. Má þar nefna að Arion
banki lagði fram umsókn um að byggja fjögurra hæða
hótel þar sem nú er Grensásvegur 12. Þeirri umsókn var
hins vegar hafnað af byggingarfulltrúa borgarinnar vor-
ið 2013. Óskað var upplýsinga hjá borginni um hvernig
þau mál stæðu en svar hafði ekki borist í gærkvöldi.
Þá hefur verktaki sem blaðið ræddi við kannað af-
stöðu byggingarfulltrúans í Reykjavík til þess að gisti-
heimili með 43 herbergjum yrði opnað í Ármúla, skammt
frá Park Inn Hótel í Ármúla 9. Skv. heimildum blaðsins
eru áformin í biðstöðu. Þá má nefna að sumarið 2014 var
Summer Day Hotel opnað á Grensásvegi 24.
Bjarni Tómasson, framkvæmdastjóri Studio apart-
ments, leigir út níu íbúðir og 12 íbúðarherbergi á Grens-
ásvegi 14. „Þetta er sumarhótel. Það er ekki grundvöllur
fyrir hótelrekstri allt árið um kring hér á Grensásvegi,“
segir Bjarni sem segir aðspurður að það komi þó ekki á
óvart að fjárfestar hafi áhuga á að opna hótel í götunni.
Slík uppbygging sé í samræmi við þá áherslu borg-
arinnar að færa hótelrekstur ofar í byggðina.
Íhuga hótelrekstur
í gamla ASÍ-húsinu
 Fjárfestar kaupa stórhýsi á Grensásvegi af lífeyrissjóðum
Morgunblaðið/Ómar
Stórhýsi Að Grensásvegi 16a voru höfuðstöðvar Alþýðusambands Íslands, nú eru áform um að þar verði hótel.
Af uppsettu afli aflstöðva
Landsvirkjunar upp á 1.998
MW er tæpur helmingur, eða
935 MW, á vatnasviði Þjórsár
og Tungnár.
Þar eru sex vatnsafls-
stöðvar, þ.e. Búrfellsstöð,
Sultartangastöð, Hraun-
eyjafossstöð, Vatnsfellsstöð,
Sigöldustöð og Búðarhálsstöð.
Utan þessa svæðis er
Fljótsdalsstöð Kárahnjúka-
virkjunar, langstærsta raf-
orkuver landsins, með uppsett
afl 690 MW. Þar næst kemur
Blöndustöð með 150 MW upp-
sett afl.
Sex virkjanir
á svæðinu
VATNSAFLSTÖÐVAR
LANDSVIRKJUNAR
Miðasala | 568 8000 | borgarleikhus.is
Gjafakort
Borgarleikhússins
Framkvæmdir eru hafnar við
stækkun upplifunarsvæðis Bláa
lónsins og byggingu nýs hótels. Til
marks um það lyfti Eðvarð Júl-
íusson, varaformaður stjórnar
Bláa lónsins, fyrstu hraunhellunni
og naut við það aðstoðar Ragn-
heiðar Elínar Árnadóttur, iðnaðar-
og viðskiptaráðherra.
Bláa lónið verður stækkað inn í
hraunið vestur af núverandi lóni
og mun svæðið tengja saman nú-
verandi lón og lúxushótel. Í hót-
elinu verða 60 herbergi, veitinga-
staður og fundarsalur.
Jarðvegsframkvæmdir hefjast í
lok ársins og er áætlað að upp-
byggingunni verði lokið vorið 2017.
„Það hefur verið gaman að
fylgjast með vextinum hér í Bláa
lóninu á undanförnum árum. Hér
er öll umgjörð til mikillar fyrir-
myndar og sú viðbót sem er verið
að byrja á í dag styrkir ferðaþjón-
ustu á þessu svæði og raunar á Ís-
landi öllu,“ sagði Ragnheiður Elín
meðal annars við athöfn sem efnt
var til í tilefni af upphafi fram-
kvæmda.
Ljósmynd/Bláa lónið
Stækkun Eðvarð og Ragnheiður
Elín færa fyrstu hraunhelluna.
Fyrstu hellunni
lyft af nýju svæði
 Styrkir ferðaþjónustu á Íslandi öllu
Samninganefndir Skurðlækna-
félags Íslands og ríkisins funduðu
í um eina og hálfa klukkustund í
gærmorgun. Að sögn Helga
Kjartans Sigurðssonar, formanns
samninganefndar Skurðlækna-
félagsins, var fundurinn árang-
urslaus og segir hann að annar
hafi ekki verið boðaður. „Það
fóru hugmyndir á milli en ekkert
meira. Þegar ekkert nýtt er lagt
fram eða er í vændum, þá er ekki
boðaður nýr fundur,“ segir Helgi.
vidar@mbl.is
Fundur skurðlækna og ríkisins án árangurs