Morgunblaðið - 10.12.2014, Qupperneq 14

14 FRÉTTIRInnlent
MORGUNBLAÐIÐ MIÐVIKUDAGUR 10. DESEMBER 2014
Helgi Bjarnason
helgi@mbl.is
Fyrstu skíðasvæðin opna brekk-
urnar fyrir og um helgina, ef ekkert
óvænt gerist. Skíðasvæðið í Tinda-
stóli við Sauðárkrók verður opnað á
föstudag og skíðasvæðið í Skarðsdal
í Siglufirði á laugardag. Hlíðarfjall
við Akureyri opnar hlið sín eftir
rúma viku.
„Við höfum verið að opna um
miðjan nóvember. Það er okkar
venjulegi tími,“ segir Viggó Jónsson,
forstöðumaður skíðasvæðisins í
Tindastóli. „Við vorum klárir fyrir
mánuði en þá fór að hlýna. Við
treystum okkur ekki til að opna
vegna þess hvað snjórinn var mjúk-
ur og blautur. Það lofar góðu fyrir
helgina. Kominn er þónokkur snjór
og spáð norðanhreti í vikunni svo ég
hugsa að þetta verði orðið mjög gott
á föstudag,“ segir Viggó. Starfs-
mennirnir voru að moka frá snjó-
girðingum og undirbúa opnunina
þegar rætt var við forstöðumanninn.
Snjórinn bundinn
Í Skarðsdal er 20-40 sentímetra
snjólag og bindur umsjónarmað-
urinn vonir við góða viðbót við snjó-
inn í vikunni. Báðir troðararnir eru á
fullu við að binda snjó.
Til stóð að opna brekkurnar í
Skarðsdal 22. nóvember en það tókst
ekki vegna snjóleysis. „En nú er að
koma snjór þannig að skíðasvæðið á
Siglufirði verður opnað um næstu
helgi, laugardaginn 13. desember kl.
11,“ skrifar Egill Rögnvaldsson, um-
sjónarmaður skíðasvæðisins í Siglu-
firði.
Hlíðarfjall fyrir jól
Önnur skíðasvæði á norðanverðu
landinu eru að huga að opnun. Stefnt
er að opnum skíðasvæðisins í Hlíð-
arfjalli síðdegis föstudaginn 19. des-
ember. Opið er fram á Þorláksmessu
og síðan opnað aftur á þriðja í jólum.
Fyrstu skíðasvæðin
opnuð um helgina
 Skagfirðingar og Siglfirðingar komast á skíði
Morgunblaðið/Ómar
Lyfta Fiðringur er kominn í skíðafólkið enda er stefnt að opnun skíðasvæða
á Norðurlandi næstu daga. Fyrsta svæðið verður opnað á föstudag.
Þórunn Kristjánsdóttir
thorunn@mbl.is
Í dag er haldið upp á „Terra
Madre“ eða dag móður jarðar
víða um heim sem samtökin Slow
Food standa fyrir. Síðustu fimm
ár hefur Terra Madre-dagurinn
verið haldinn með ólíku sniði eft-
ir löndum en hann miðar að því
að beina sjónum að mat úr hér-
aði.
Hér á landi var ákveðið að fá
sem flesta til að elda súpu í tilefni
dagsins. „Þetta er einföld hug-
mynd og það eina sem við förum
fram á er að eldað sé eingöngu úr
íslensku hráefni. Við leggjum upp
úr því að fá fólk til að hugsa með-
vitað um hvað það lætur ofan í
sig,“ segir Dominique Plédel
Jónsson, einn af skipuleggjendum
dagsins og sérfræðingur í svo-
kölluðu „slow food“ eða hægfæði.
Fjöldi fyrirtækja, stórra sem
smárra, mun taka þátt í átakinu
og bjóða upp á dýrindis súpu úr
íslensku úrvalshráefni.
Terra Madre-dagurinn var
haldinn fyrst fyrir fimm árum til
að fagna 20 ára afmæli Slow food
á heimsvísu.
Dominique tileinkaði sér þessar
matarvenjur fyrir mörgum ára-
tugum. Hún fæddist í Frakklandi
en hefur búið hér stærstan hluta
ævi sinnar. Hún segir mat-
arvenjur Íslendinga hafa breyst
mjög mikið síðustu ár og þá að
sjálfsögðu til batnaðar.
Halda upp á dag
móður jarðar
 Boðið upp á
ljúffenga súpu
Morgunblaðið/Þórður
Eldamennska Dominique Plédel
Jónsson er mikill matgæðingur.
Mál gegn þremur mönnum sem eru
ákærðir fyrir rán, sérstaklega hættu-
lega líkamsárás, hótanir og frelsis-
sviptingu var þingfest í Héraðsdómi
Reykjavíkur í gærmorgun. Einn
þeirra neitar sök, annar óskaði eftir
fresti til að taka afstöðu til ákær-
unnar og sá þriðji var fjarverandi.
Tveir mannanna fengu refsidóma
fyrir aðild sína að Black Pistons-
málinu svonefnda á árinu 2011. Voru
þeir dæmdir fyrir frelsissviptingu og
líkamsárás. Í niðurstöðu dómsins
sagði að mennirnir hefðu brotið niður
mótstöðuþrek ungs manns, fórnar-
lambs síns, og lamað hann af hræðslu
með hrottalegum og endurteknum
líkamsárásum og með hótunum um
ófarir hans og fjölskyldu hans.
Ríkharð Júlíus Ríkharðsson og
Davíð Fjeldsted, sem báðir eru sagð-
ir tengjast glæpasamtökunum Útlög-
um (e. Outlaws) sem urðu til úr
glæpasamtökunum Black Pistons,
eru ásamt þriðja manni ákærðir fyrir
að hafa síðdegis fimmtudaginn 19.
desember 2010 í bakherbergi á
Monte Carlo við Laugaveg veist að
karlmanni og krafið hann um pen-
inga.
Ríkharður var fjarverandi þegar
málið var þingfest, en fram kom við
þinghaldið að hann væri erlendis.
Dómari gaf út fyrirkall á hendur hon-
um. Davíð neitaði sök og hafnaði
bótakröfu en þriðji maðurinn óskaði
eftir fresti til að taka afstöðu til
ákærunnar, sem fyrr segir.
Samkvæmt ákærunni þurfti mað-
urinn að sæta ítrekuðum barsmíðum.
Var hann í kjölfarið sviptur frelsi sínu
og færður í íbúð í Suðurhlíð í Reykja-
vík þar sem ofbeldið hélt áfram. Var
maðurinn sleginn með hnefum,
hnúajárnum og kylfu, þvottaefni var
hellt upp í hann, hann brenndur með
sígarettum og hótað var að klippa af
honum fingur og eyru.
Meðan á þessu stóð afklæddu
ákærðu manninn og héldu honum svo
fjötruðum og kefluðum yfir nótt í
íbúðinni.
Greiddi inn á bankareikning
Maðurinn var látinn laus úr haldi
ákærðu síðdegis daginn eftir en þá
hafði faðir hans greitt eina milljón
króna inn á bankareikning eins
ákærða.
Helgi Magnús Gunnarsson sak-
sóknari lét afturkalla ákæruna við
upphaf þinghaldsins og gaf út nýja
þar sem ný bótakrafa hafði bæst við,
en faðir eins fórnarlambanna fór
fram á 2,5 milljónir í bætur, þ.e. end-
urgreiðslu á milljón sem hann lagði
út til að fá son sinn lausan úr haldi og
síðan 1,5 milljónir í skaðabætur.
Málið verður næst tekið fyrir 7.
janúar nk. og þá munu aðrir vænt-
anlega taka afstöðu til ákærunnar.
jonpetur@mbl.is
Morgunblaðið/Þórður
Héraðsdómur Tveir hinna ákærðu mættu til fyrirtöku í gærmorgun.
Einn neitaði og
annar mætti ekki
 Þrír ákærðir fyrir hrottalega árás
„Ertu þreyttur á biðröðum, viltu
bara vera einn á skíðum eða vera
með skemmtilegan skíðadag fyrir
vini og fjölskyldu. Við erum með
lausn á vanda þínum,“ auglýsir
skíðasvæðið í Tindastól á vef sín-
um. Lausnin er að viðskiptavinir
leigi skíðasvæðið í einn dag.
„Menn leigja heilu þoturnar,
íþróttahúsin og skemmti-
ferðaskipin. Af hverju skyldu þeir
ekki leigja skíðasvæði?“ spyr
Viggó Jónsson, forstöðumaður
skíðasvæðisins í Tindastóli. Hann
tekur fram að enginn hafi spurst
fyrir um þennan möguleika, enn
sem komið er, en hann bíði róleg-
ur. Lítur Viggó helst til þess að
hópar vilji kaupa opnun á skíða-
svæðinu á virkum degi þegar ann-
ars er lokað. Þá reiknar hann ekki
með því að viðkomandi myndi
loka á annað skíðafólk. Virkur
dagur kostar 250 þúsund og dag-
ur um helgi tvöfalt meira. Innifal-
ið í gjaldinu er allur skíðabúnaður,
lyftukort fyrir alla og léttar veit-
ingar.
Vilt þú leigja þér skíðasvæði?
NÝ ÞJÓNUSTA Í BOÐI HJÁ SKAGFIRÐINGUM
Skoðaðu úrvalið inn á www.kvarnir.is
Kvarnir/Brimrás/Pallar ehf | Akralind 8 | 201 Kópavogur | sími 564 6070
Fax 564 6071 | kvarnir@kvarnir.is | www.kvarnir.is | www.pallar.is
Fáðu þér sorpkvörn
fyrir jólin