Morgunblaðið - 10.12.2014, Síða 36

MIÐVIKUDAGUR 10. DESEMBER 344. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Ekki batnar spáin
2. Allt fýkur sem getur fokið
3. Sjáðu fárviðrið „í beinni“
4. Beyoncé og Jay-Z versluðu…
»MEST LESIÐ Á mbl.is
FÓLK Í FRÉTTUM
 Kvikmynd Benedikts Erlingssonar,
Hross í oss, er á lista kvikmynda-
ritsins Empire yfir 50 bestu kvik-
myndir ársins 2014. Í umsögn rits-
ins segir m.a. um myndina að hún
sé fyndin og verulega vandræðaleg
og nefnt atriði þar sem graðhestur
fyljar meri þó eigandi hennar sé á
baki en hann leikur Ingvar E. Sig-
urðsson. Þá segir í niðurlagi um-
sagnar að ægifagurt landslag Ís-
lands fái að njóta sín án þess að
geimfarar eða geimverur komi við
sögu. Besta kvikmynd ársins, að
mati Empire, er Boyhood eftir leik-
stjórann Richard Linklater.
Hross í oss meðal
bestu mynda ársins
 „Nú minnir svo ótalmargt á jólin“
er yfirskrift hádegistónleika sem
haldnir verða í Salnum í Kópavogi í
dag og hefjast kl. 12.15. Sigrún
Hjálmtýsdóttir sópran og Anna
Guðný Guðmundsdóttir píanóleikari
munu á þeim flytja vel valdar jóla-
perlur, perlur á borð við „Það á að
gefa börnum brauð“, „Jól“, „Hin
fyrstu jól“, „Maríukvæði“, „Nú minnir
svo ótalmargt á jólin“, „Tíðin rennur“
og „Madrigal sobre un tema popular“
frá Katalóníu.
Tónleikarnir eru
hluti af hádegis-
tónleikaröðinni
Líttu inn í hádeg-
inu og eru hálf-
tíma langir. Tón-
leikagestum verð-
ur boðið upp á kaffi,
te og piparkökur
fyrir tónleikana.
Diddú og Anna flytja
jólalög í hádeginu
Á fimmtudag Hvöss norðanátt og snjókoma eða él, en yfirleitt
þurrt og bjart syðra. Frost 2-8 stig. Á föstudag Minnkandi norðan-
átt og él norðaustanlands, en léttir víða til annars staðar. Vestan 5-
10 m/s vestantil undir kvöld og él. Talsvert frost.
SPÁ KL. 12.00 Í DAG Víða norðanhvassviðri eða -stormur með
ofankomu fyrir norðan, en yfirleitt þurru syðra. Frost víða 1-6 stig.
VEÐUR
Anton Sveinn McKee, sund-
maður úr Ægi, er kominn á
fulla ferð í lauginni eftir við-
beinsbrot sem hann varð fyrir
síðsumars. Einhverjir íþrótta-
áhugamenn veittu því sjálf-
sagt athygli að Anton var ekki
í íslensku sveitinni sem
hélt til Katar á HM í 25
metra laug á dögunum.
Hann hefur sett stefnuna
á að ná lágmörkum fyrir HM í
50 metra laug sem fram fer
næsta sumar. »3
Anton Sveinn kom-
inn af stað
Leikmenn Fjölnis í Grafarvogi, sem
leika í 1. deild karla í handknattleik,
báru enga virðingu fyrir úrvalsdeild-
arleikmönnum Akureyrar þegar liðin
mættust í Coca Cola bikarnum í
handknattleik. Fjölnismenn stóðu
lengi vel í norðan-
mönnum en urðu
að játa
sig
sigr-
aða á
síðustu mín-
útunum. Valur
komst einnig í 8-
liða úrslit eftir sig-
ur á KR en langt er
síðan þessi lið mætt-
ust í bikarkeppni
karla. Loks vann
Stjarnan HK með 13
marka mun. »1
Fjölnismenn stóðu lengi
vel í Akureyringum
Stuðningsmenn Liverpool eru í
sárum því lið þeirra féll úr leik í
Meistaradeildinni í gærkvöld eftir
1:1 jafntefli við svissneska liðið Ba-
sel á Anfield. Juventus og Monaco
tryggðu sér sæti í 16-liða úrslit-
unum, Arsenal vann stórsigur í
Tyrklandi og Evrópumeistarar Real
Madrid enduðu riðlakeppnina með
fullu húsi stiga. »2
Liverpool kvaddi
Meistaradeildina
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Rauði krossinn á Íslandi hefur látið
sig mörg brýn málefni varða í 90 ár.
Skyndihjálp er þema afmælisársins
og fyrir ári var opnuð neyðarmiðstöð
í húsnæði félags-
ins við Efstaleiti í
Reykjavík, þar
sem allar aðgerð-
ir Rauða krossins
í neyðarvörnum
eru samræmdar á
landsvísu.
Hermann Ott-
ósson, fram-
kvæmdastjóri
Rauða krossins,
bendir á að neyðarmiðstöðin vinni
náið með almannavörnum. „Við er-
um ein af þessum björgum almanna-
varna, sem þær grípa til í neyðar-
ástandi. Hér er opnun fjölda-
hjálparstöðva samræmd og út-
sending áfallateyma.“
Um 300 sjálfboðaliðar, sem hafa
fengið þjálfun í opnun fjöldahjálp-
arstöðva, að veita sálrænan stuðning
og hugsa um þá sem lenda í neyðar-
ástandi, koma að neyðarvörnum á
landinu öllu. Um þessar mundir er
deildin í Þingeyjarsýslum til dæmis
á tánum vegna hugsanlegs flóðs úr
Bárðarbungu norður Jökulsá á
Fjöllum, að sögn Hermanns. „Ef
upp koma aðstæður sem viðkomandi
deildir ráða ekki við er það hlutverk
neyðarmiðstöðvarinnar að kalla til
aðrar deildir til hjálpar.“
Skyndihjálp áhersluverkefni
Kennsla í skyndihjálp er eitt viða-
mesta verkefni Rauða krossins enda
var hann stofnaður til þess. Á þessu
ári hafa starfsmenn félagsins farið í
flesta grunnskóla landsins og kennt
um 34.000 ungmennum á aldrinum
sjö til 15 ára undirstöðuatriði
skyndihjálpar. „Yfir 20.000 manns
hafa halað niður í farsíma app okkar
um skyndihjálp,“ segir hann og að
lögð sé áhersla á að kenna fólki að
blása og hnoða og meðhöndla blæð-
andi sár og brunasár. „Okkur hefur
tekist að viðhalda gríðarlega góðri
þekkingu almennings á Íslandi í að
veita skyndihjálp. Ótrúlega margir
sækja skyndihjálparnámskeið reglu-
lega og kunna að bregðast við að-
stæðum þar sem þess er þörf.“ Hann
bætir við að í heilbrigðiskerfinu sé
talað um þetta sem guðs gjöf, því
margir myndu deyja ef ekki væri
fyrir þessa þekkingu.
Rauði krossinn á Íslandi hefur
verið áberandi í hjálparstarfi á al-
þjóðavettvangi í 90 ár. Þar nefnir
Hermann neyðaraðstoð á Filipps-
eyjum í kjölfar fellibyls sem fór þar
yfir fyrir um ári síðan, verkefni með
flóttamönnum í Líbanon, aðstoð í
Malaví og fleira. „Íslendingar hafa
verið framarlega í neyðaraðstoð er-
lendis og þar sem skórinn hefur
kreppt,“ segir Hermann.
Með marga bolta á lofti
 Skyndihjálp
þema 90 ára
afmælisársins
Ljósmynd/Kristinn Pétursson
Skyndihjálp Ólína Ingibjörg Gunnarsdóttir leiðbeinir krökkum í Heiðarskóla á Akranesi.
Hermann Ottósson
Hermann Ottósson, fram-
kvæmdastjóri Rauða krossins á
Íslandi, segir að haldið verði
áfram á markaðri braut og í nán-
ustu framtíð sé brýnasta verkefni
félagsins að huga betur að sam-
borgurunum, því bilið á milli
þeirra sem hafa það gott og
þeirra sem hafa það mjög slæmt
sé alltaf að breikka. Fleirum líði
illa vegna einmanaleika og vinna
þurfi betur í þeim málum. Vaxandi
fordómar séu gagnvart útlend-
ingum á Íslandi og Rauði krossinn
ætli að vekja athygli á því og berj-
ast fyrir umburðarlyndi í garð
þeirra sem hingað komi vegna
þess að þeim sé ekki vært heima
fyrir.
Í tilefni af 90 ára afmælinu
verður Rauði krossinn með
afmælisveislu í húsi félagsins við
Efstaleiti 9 í Reykjavík kl. 14-18 í
dag og eru allir velkomnir. Boðið
verður upp á kaffi og kræsingar
og ljósmyndasýning um sögu
Rauða krossins verður opnuð.
Tónlist verður spiluð og söngvar
sungnir, forseti Íslands flytur
ávarp og sjúkrabílar verða afhent-
ir en Rauði krossinn rekur allar
sjúkraflutningabifreiðar á Íslandi.
Huga betur að samborgurum
RAUÐI KROSSINN Á ÍSLANDI 90 ÁRA