Fréttablaðið - 11.09.2015, Qupperneq 6

ALLSHERJARATKVÆÐAGREIÐSLA
Ákveðið hefur verið að viðhafa allsherjaratkvæðagreiðslu
um kjör fulltrúa Verkalýðsfélagsins Hlífar á þing
Starfsgreinasambands Íslands, sem haldið verður á
Hótel Natura dagana 13 -15. október 2015.
Tillögum með nöfnum 7 aðalfulltrúa og 7 varafulltrúa ber að
skila á skrifstofu Hlífar fyrir kl. 16:00,
föstudaginn 18. september n.k.
Meðmæli minnst 60 félagsmanna þurfa að fylgja tillögunni.

Kjörstjórn Vlf. Hlífar
ferðaþjónusta „Mín skoðun er að
þetta sé bara keyrsla til að standa við
einhverja samninga,“ segir Katrín
Hjartar, fyrrverandi leiðsögumaður,
um siglingar með ferðamenn við
Ísland.
Eins og fram kom í Fréttablaðinu
í gær var sumarið óhemju erfitt hjá
Grímseyjarferjunni Sæfara vegna
slæms tíðarfars. Þar hafði áhöfnin
vart undan að bera ælupoka í sjó-
veika farþega.
Að sögn Katrínar lenti hún sum-
arið 2003 í ótrúlega erfiðri hvala-
skoðunarferð  með franska ferða-
menn á Skjálfanda. Veður hafi ekki
verið slæmt en mikil undirhalda hafi
leikið farþegana grátt.
„Það var gríðarlegur veltingur,“
segir Katrín og rifjar upp að nánast
allir farþegarnir hafi verið sjóveikir.
„Fólk bara ríghélt sér og kastaði upp
þvers og kruss – þeim fannst þetta
dálítið mikið.“
Í þessari tilteknu ferð segir Katrín
farþegana á engan hátt hafa  notið
sjóferðarinnar sem átt hafi að vera
til skemmtunar.  Ein konan hafi verið
sérstaklega veik.
„Ég hélt í alvöru að hún  væri að
deyja. Ég hef oft séð sjóveikt fólk en
aldrei séð græna konu fyrr. Hún var
gjörsamlega meðvitundarlaus strax á
leiðinni út en þeir héldu bara áfram,“
segir Katrín.  Andrúmsloftið um borð
hafi verið algjörlega óskemmtilegt.
„Fólk var ekki ánægt og þess vegna
vildi ég að það yrði snúið við en það
var ekki orðið við því. Ég held að ef
fólk hefði vitað að þetta væri svona
þá hefði það aldrei tekið í mál að
fara.“
Stefán Guðmundsson, fram-
kvæmdastjóri hvalaskoðunarfyrir-
tækisins Gentle Giants á Húsavík,
segir öryggismálin standa ofar pen-
ingahagsmunum hjá fyrirtækinu. Þar
starfi ákaflega hæfir skipstjórar sem
meti aðstæður hverju sinni.
„Það er algjörlega lagt í hendurnar
á hverjum einasta skipstjóra hvort
að hann fer út eða ekki. Samhliða er
upplýsingum miðlað í miðasölu og
stjórnstöð; þar ber okkar fólki skylda
til þess að segja fólki hundrað pró-
sent hvernig aðstæðurnar eru úti á sjó
og við hverju það megi búast. Meira
getum við ekki gert, annað en það að
við bjóðum þeim líka sjóveikistöflur
eða meðöl sem geta slegið á ef þau
vilja,“ segir Stefán.
Falli niður ferð eða er frestað segir
Stefán að farþegum sé boðin ný brott-
för eða endurgreiðsla eigi þeir ekki
kost á að fara þegar  er færi. Hann
hafnar því að farþegum sé att út í
ólgusjó til að græða peninga.
„Frá fyrstu mínútu er verið að
huga að öryggismálum og þar koma
peningar aldrei til sögunnar,“ segir
Stefán. „Skipstjórarnir ákveða hvort
það eru aðstæður til að fara út með
farþega. Þetta er alveg á kristaltæru –
þetta er ekkert úllendúllendoff.“
gar@frettabladid.is
Viðskiptavinir
ekki píndir í
hvalaskoðun
Fyrrverandi leiðsögumaður kveðst telja hvalaskoð-
unarfyrirtæki sigla með farþega í ólgusjó til að verða
ekki af tekjum. Framkvæmdastjóri Gentle Giant
á Húsavík segir skipstjóra meta hvort þeir sigli. Far-
þegar séu upplýstir um stöðuna áður en lagt sé upp.
Allt á floti eftir úrhellisrigningar
Kona með hluti úr strönduðum bíl á flóðasvæði í bænum Koshigaya, norður af Tókýó í Japan. 150 þúsund manns
þurftu að yfirgefa heimili sín vegna flóða og aurskriða vegna rigninga í kjölfar fellibylsins Etau. Fréttablaðið/EPA
Gentle Giants gera út frá Húsavíkur-
höfn. Fréttablaðið/Pjetur
suður-afríka Homo naledi er nafnið,
sem gefið hefur verið áður óþekktri
tegund manna, sem greinilega virðist
skyld forfeðrum nútímamannsins.
Um 1.550 steingerð bein og beina-
brot  úr beinagrindum að minnsta
kosti fimmtán einstaklinga fundust
djúpt í helli í Suður-Afríku, skammt
frá Jóhannesarborg.
Lee Berger steingervingamannfræð-
ingur hefur stjórnað rannsóknum á
beinunum. Beinin eru sögð úr tegund
manna, sem gæti hafa verið uppi á
jörðinni fyrir meira en þremur millj-
ónum ára. Tímasetningin er þó óljós
og vera kann að þessi tegund hafi lifað
miklu nær nútímanum, jafnvel aðeins
fyrir nokkrum árþúsundum.
Beinin eru um margt lík beinum
nútímamanns en sum einkenni
þeirra líkjast meira beinum annarra
forsögulegra tegunda. Til dæmis er
hauskúpan lík hauskúpum nútíma-
manna, en axlir og mjaðmir líkari því
sem sést hjá eldri tegundum. Sjálfur
hikar Berger við að tala um Homo
naledi sem mann, vegna þess hve
mörg líkamseinkenni líkjast meira
því sem þekkist í öpum en mönnum.
Beinin fundust í hellakerfi sem
nefnist Rísandi stjarna, djúpt niðri í
afhelli sem ekki er hægt að komast í
nema skríða gegnum ýmsa ranghala.
Á einum stað er hæðin ekki nema
tuttugu sentimetrar, þannig að fá
varð sérlega granna einstaklinga til að
skríða þangað niður til þess að sækja
beinin. – gb
Áður óþekkt tegund fundin
Lee Berger smellir kossi á hauskúpu Homo naledi. NordicPhotos/AFP
norður-írland Peter Robinson, for-
sætisráðherra Norður-Írlands, hefur
sagt af sér eftir að frumvarp um að
leysa upp þingið og boða til kosn-
inga var felld í kosningu á þinginu í
gær. Þá er búist við því að fleiri ráð-
herrar muni segja af sér á næstunni.
Flokkur Robinsons, Lýðræðislegi
sambandsflokkurinn (DUP), hefur
hótað því að yfirgefa ríkisstjórnar-
samstarfið eftir að lögregluyfirvöld í
Belfast lýstu því yfir að Írski lýðveldis-
herinn (IRA) væri enn starfandi.
Grunur um að lýðveldisherinn
væri enn að störfum vaknaði eftir lög-
reglurannsókn á morði á fyrrverandi
liðsmanni hersins sem fannst látinn í
síðasta mánuði. Talið er að liðsmenn
IRA hafi verið að verki.
Háttsettur meðlimur í Sinn Fein
var handtekinn í tengslum við morð-
rannsóknina en Sinn Fein á sæti í
ríkisstjórn ásamt DUP. Írski lýð-
veldisherinn starfaði áður náið með
sjálfstæðissinnum, þar á meðal ein-
staklingum innan Sinn Fein.
Leiðtogar Sinn Fein hafa kallað
eftir yfirvegun á meðan málið er í
rannsókn og hafa beðið stjórnmála-
menn um að stíga varlega til jarðar.
David Cameron, forsætisráðherra
Bretlands, hefur lýst yfir áhyggjum af
ástandinu. – srs
Telja lýðveldisherinn enn að störfum
Gerry Adams, leiðtogi Sinn Fein, og
Martin McGuinnes varaforsætisráð-
herra kalla eftir yfirvegaðri umræðu.
NordicPhotos/AFP
Ég hef oft séð sjó-
veikt fólk en aldrei
séð græna konu fyrr.
Katrín Hjartar,
fyrrverandi
leiðsögumaður
Þetta er alveg á
kristaltæru − þetta
er ekkert úllendúllendoff.
Stefán Guðmundsson,
framkvæmdastjóri
Gentle Giants
1 1 . s e p t e m b e r 2 0 1 5 f Ö s t u d a G u r6 f r é t t i r ∙ f r é t t a b l a ð i ð
1
1
-0
9
-2
0
1
5

0
6
:2
3
F
B
0
6
4
s
_
P
0
5
9
K
.p
1
.p
d
f
F
B
0
6
4
s
_
P
0
5
4
K
.p
1
.p
d
f
F
B
0
6
4
s
_
P
0
0
6
K
.p
1
.p
d
f
F
B
0
6
4
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
0
F
-C
D
0
4
1
6
0
F
-C
B
C
8
1
6
0
F
-C
A
8
C
1
6
0
F
-C
9
5
0
2
7
5
X
4
0
0
.0
0
1
5
B

F
B
0
6
4
s
_
1
0
_
9
_
2
0
1
5
C
M
Y
K