Vesturbæjarblaðið - 01.08.2007, Blaðsíða 2

Nýtt hús rís við
Grenimel 46
Einar Valdimarsson ehf. hef-
ur sótt um leyfi skipulagsráðs
Reykjavíkur til að byggja þrílyft
steinsteypt fjölbýlishús með einni
íbúð á hverri hæð ásamt áfastri
bílgeymslu fyrir tvo bíla allt ein-
angrað að utan og klætt með múr-
kerfi í ljósum lit á lóð nr. 46 við
Grenimel. Samþykki sumra lóðar-
hafa aðlægra lóða fylgdi erindinu.
Erindið var samþykkt.
Byggingarreitur bíl-
skúrs á Einarsnesi
stækkaður
Helgi Hafliðason, Stuðlasel 44
og Jón Helgi Pálsson, Einarsnes
64a sóttu nýlega um breytingu á
deiliskipulagi að Einarsnesi 62a
og 64a til skipulagsráðs. Grennd-
arkynning hefur farið fram en hún
stóð frá 6. júní til 3. ágúst sl. og
barst athugasemd frá Jóni Sigurðs-
syni og Jónínu Thorarensen að
Bauganesi 25. Breytingin gengur
út á að byggingarreitur fyrir bíl-
skúra er færður til og stækkaður.
Einnig var lagt fram samþykki lóð-
arhafa Bauganess 27 og yfirlýsing
lóðarhafa Einarsness 62A og 64A.
Erindið var samþykkt.
Álagsgreiðslur til að
mæta manneklu
Á fundi ÍTR 17. ágúst sl. var sam-
þykkt samhljóða eftirfarandi til-
laga ráðsins:
“Íþrótta- og tómstundaráð bein-
ir því til samráðshóps borgar-
stjóra um starfsmannaeklu í grunn-
skólum, leikskólum, frístundaheim-
ilum og á velferðarsviði, að kanna
möguleika á því að bregðast við
því ástandi sem skapast hefur á frí-
stundaheimilum Reykjavíkurborg-
ar vegna manneklu með sérstök-
um álagsgreiðslum til starfsmanna
þar til úr leysist. Með því að nýta
launarammann til fulls með þess-
um hætti getur Reykjavíkurborg
lagt sitt af mörkum til standa vörð
um og efla enn frekar það faglega
starf sem unnið er í frístundaheim-
ilum Reykjavíkurborgar.”
Ekkert bílastæðahús
undir Skólavörðuholti
Samstaða náðist um það í
skipulagsráði á fundi þess fyrir
skömmu að falla frá tillögu um
gerð umdeilds bílastæðahúss und-
ir Skólavörðuholti. Það hafði verið
í kynningu undanfarnar vikur og
hafði fjöldi íbúa, forystumenn leik-
skólans Óss og Austurbæjarskóla,
auk forsvarsmanna Hallgríms-
kirkju sent inn harðorð mótmæli.
Samfylkingin fagnaði þessari góðu
niðurstöðu og þakkaði þeim fjöl-
mörgu sem settu sig í samband
í tengslum við afgreiðslu máls-
ins fyrir góð og árangursrík sam-
skipti. Tillögunni var að öðru leyti
frestað og verður hún tekin fyrir á
næsta fundi skipulagsráðs.
Pappírstunnan tekin í
notkun
“Við viljum auðvelda fólki enn
frekar að flokka heimilssorp,”
sagði Vilhjámur Þ. Vilhjálmsson
borgarstjóri þegar hann tók við
fyrstu bláu tunninni á vegum
Sorphirðu Reykjavíkur en í hana
fer pappír. Tunnan er sótt heim
og losuð þrisvar í mánuði. Boðið
er uppá söfnun á pappírsúrgangi
við heimili en hingað til hafa íbú-
ar getað losað þennan úrgang á
grenndar- og endurvinnslustöðv-
ar. Í hana má setja dagblöð, tíma-
rit, markpóstb og ýmiskonar
prentpappír. Magn dagblaða og
markpósts hefur aukist umtals-
vert á liðum árum en tæplega
30% af þyngd þess úrgangs sem
fer í heimilstunnuna er í formi
pappírs. Fjöleignarhús þurfa sam-
þykki allra íbúa hússins þar sem
gjöldin af tunnunni skiptast á all-
ar íbúðir hlutfallslega.
Tuttugu þúsund börn
fá Frístundakort
Innleiðing Frístundakorts í
Reykjavík hefst þann 1. septem-
ber nk. Öll börn á aldrinum 6-
18 ára (miðað við fæðingarár)
með lögheimili í Reykjavík, eða
tæplega 20.000 börn eiga rétt á
styrk til þátttöku í íþrótta-, lista-
og æskulýðsstarfsemi við innleið-
ingu kortsins. Meginmarkmið
Frístundakortsins er að veita
öllum reykvískum ungmennum
á aldrinum 6-18 ára tækifæri til
að taka þátt í uppbyggilegu frí-
stundastarfi óháð efnahag eða
félagslegum aðstæðum. Með Frí-
stundakortinu má greiða að hluta
eða að öllu leyti fyrir íþrótta-,
lista- og æskulýðsstarfsemi á veg-
um félaga og samtaka sem starfa
í Reykjavík og nágrannasveitarfé-
lögunum. Frístundakortið stuðl-
ar að jöfnuði í samfélaginu og
fjölbreytileika í tómstundastarfi.
Forsenda þess að hægt sé að ráð-
stafa styrknum er að búið sé að
skrá barn í tómstundarstarf hjá
félagi sem er aðili að Frístunda-
kortinu. Frístundakortið er eitt
viðamesta og metnaðarfyllsta for-
varnaverkefni sem hleypt hefur
verið af stokkunum á Íslandi.
Popplist í
Saltfélaginu
Fjöllistamaðurinn Siggi Palli hef-
ur opnað myndlistasýningu í Salt-
félaginu á Granda. Á sýningunni
má sjá málverk af öllu milli him-
ins og jarðar, jafnt fólki, landslagi,
graftiti sem og öðru. Siggi Palli
er raungreinakennari að mennt
en segir kennarastarfið engan
veginn fara saman við listamanns-
starfið. Hann er einnig “freelance”
í kvikmyndabransanum og fleiru
þannig að starfsdagur hans getur
verið mjög fjölbreyttur. Sýningin
í Saltfélaginu er fimmta sýning
listamannsins á árinu.
2 Vesturbæjarblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Geir A. Guðsteinsson, Sími 564 5933, 898 5933
Netfang: geirgudsteinsson@simnet.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
8. tbl. 10. árgangur
Vesturbæjarblaðinu er dreift í hvert hús í Vesturbæ og Miðborg.
S T U T T A R
B O R G A R F R É T T I R
Þ að gefur auga leið að huga verður vel að skipulagsmálum mið-borgarsvæðisins þegar lagt er í jafn stóra framkvæmd og bygg-ingu tónlistarhúss og ráðstefnumiðstöðvar í hjarta borgarinnar.
Gera má ráð fyrir að byggingin muni setja svip á Reykjavík til frambúð-
ar og vera áhrifaríkur þáttur í skipulagi borgarinnar. Mikið veltur á að
aðstæður gangandi verði sem bestar, þjónusta almenningsvagna eins
og best verður á kosið og bílaumferð tafalítil.
Vonandi gengur þetta allt eftir þegar fram í sækir, en auk tónlistar-
húss mun banki byggja stórhýsi í næsta nágrenni við tónlistarhúsið
og verið er að huga að framtíðarskipulagi á horni Austurstrætis og
Lækjargötu þar sem húsin stóðu sem brunnu fyrr á þessu ári. Hvernig
vilja Reykvíkingar, og þá ekki síst þeir sem í miðbænum búa sjá framtíð
hans fyrir sér? Á síðustu árum hafa það fyrst og fremst verið veitinga-
staðir sem hafa komið sér fyrir í miðbænum sem hefur valdið því að
fjöldi manns er þar iðulega að næturlagi, og oft fram undir morgun um
helgar. Því hafa oft fylgt slagsmál og líkamsárásir með skelfilegum afleið-
ingum og það hefur einnig valdið því að margir veigra sér við að vera í
miðbænum þegar líða tekur á nóttina. Slík þróun leiðir aðeins til þess
að miðborgin verður með tíð og tíma draugaborg sem fólk sést aðeins
í um hábjartan daginn. Er það framvinda sem íbúar Reykjavíkur telja
æskilega? Lögreglustjóri höfuðborgarsvæðisins hefur velt upp þeirri
hugmynd að fækka veitingastöðunum og stytta opnunartíma en varla
getur það verið lausn, fólk fer þá að vísu annað til að skemmta sér,
en er þá ekki verið að ýta vandanum frá sér. Neðst á Laugarveginum
á að rífa gömul og lúin hús til þess byggja þar hótel, enn eitt hótelið í
miðborginni með fleiri ferðamönnum, og að sjálfsögðu fleiri veitinga-
stöðum. Laugavegurinn hefur verið að sækja sig sem verslunargata í
samkeppninni við Kringluna og Smáralindina, og það er gott mál. En
einhverja heildarmynd vantar ennþá, einhverja heildarsýn borgaryf-
irvalda hvernig þau vilja sjá þessa helstu og eina sögufrægustu götu
borgarinnar í nánustu framtíð. Á að rífa öll gömlu húsin og byggja gler-
hallir? Varla.
Fjölþjóðlegur stuðningur
við íþróttafélög
Á hugi minn á íþróttum er held ég jafngamall mér sjálfum. Ég æfði og lék með ÍR í körfubolta í öllum aldursflokkum með góðum árangri, en er samt ekki félagsmaður í ÍR í dag. Ég hélt með Val
í fótboltanum eins og pabbi, en vegna þess að ég fór alltaf í sveit var
minna um æfingar. Ég er samt ekki félagsmaður í Val. Ég sat í stjórn KA
á Akureyri í nokkur ár, hef taugar til félagsins en er ekki félagsmaður en
er eftirlitsmaður KSÍ fyrir félagið. Ég bý nú í Kópavogi, fylgist vel með
starfi íþróttafélaganna þar og vill framgang þeirra sem mestan og að
bæði Breiðablik og HK verði áfram í deild þeirra bestu í fótboltanum,
HK verði áfram í hópi þeirra bestu í handboltanum og Breiðablik kom-
ist í hóp þeirra bestu í körfuboltanum. En ég hvorki get eða vil ganga í
bæði félögin, frekar en ég gerist félagi í Gerplu þó ég hafi gaman af því
að sjá kröftuga fimleikasýningu og gerist ekki heldur félagi í Gusti, þótt
fátt sé fallegra en gæðingur á fljúgandi skeiði. Ég er fæddur í vesturbæ
Reykjavíkur, á Víðimelnum í hjata KR, en hef samt aldrei verið í því
félagi. Ég vil að sjálfsögðu ekki að KR falli í fótboltanum, það væri slys,
og held reyndar að það gerist ekki. En eitthvað er það sem veldur að
þetta annars ágæta lið í Frostaskjólinu með fínan mannskap er ekki að
skora mörk og þess vegna að tapa allt of mörgum leikjum. Hvar er skýr-
inganna að leita? Það er spurning sem margir KR-ingar spyrja sig að í
dag, og munu eflaust krefjast svara í mótslok, hvernig svo sem allt velt-
ur. En öll þessi íþróttafélög eiga stuðning minn vísan þegar það hentar
þeim og mér, ekki bara sem ritstjóra, heldur miklu fremur sem einstak-
lings. Svo mætti einnig nefna enska knattspyrnu og hið ágæta félag
Arsenal. Ég held að þannig verði best að hafa fyrirkomulagið áfram,
vera eiginlega “fjölþjóðlegur” í stuðningi við íþróttafélög.
Geir A. Guðsteinsson
Framtíð miðborgarinnar
Vesturbæingar
“Er ekki rétt að fara að skrá sögu
Vesturbæjar sérstaklega vegna
einstakrar sérstöðu hans?”
ÁGÚST 2007
LR Henning kúrinn
– ótrúlegur árangur!
Ég er búin að vera á kúrnum í 10 vikur og búin að
missa 15 kg
Dóra Víglundsdóttir
lr-dora@internet.is
s: 869-2024
Lr-Henning kúrinn hefur farið sigurför um Evrópu
undanfarið og slegið öll met hér á Íslandi.
Hreint ótrúlegur árangur á ótrúlega stuttum tíma.
Þú kemst í jafnvægi, sefur betur, aukin orka og
grennist í leiðinni.
Lr er þýskt fyrirtæki sem sérhæfir sig í náttúru og
heilsuvörum. Býð upp á einkaráðgjöf og matar-
prógramm sniðið að þínum þörfum.
Ekki seinna vænna að losa sig við aukakílóin
8 kíló farin á
4 vikum án erfiðis
LR-Henning kúrinn er snilld og kílóin
hrynja af manni á mettíma. Auk fless
fær maður aukna orku og betri svefn.
LR-Henning kúrinn er margverðlaunaður
og hefur farið sigurför um heiminn. Svo
sannarlega þess virði að prófa.
Ef þú hefur áhuga endilega hringdu í mig
í síma: 867-4195 eða sendu mér mail á
hallagud@hotmail.com og ég sendi þér
frekari upplýsingar.
www.blomalfur.is
kíktu á nýju heimasíðuna....
góða skemmtun..